മു​ന്നൊ​രു​ക്കം ഫ​ലം​ക​ണ്ടു; ആ​പ​ത്തു​ക​ൾ വി​ത​ക്കാ​തെ തേ​ജ്

മ​സ്ക​ത്ത്: ക​ഴി​ഞ്ഞ ദി​വ​സം ഒ​മാ​ന്റെ ദോ​ഫാ​ർ, അ​ൽ​വു​സ്ത ഗ​വ​ർ​ണ​റേ​റ്റു​ക​ളി​ൽ വീ​ശി​യ​ടി​ച്ച തേ​ജ് ചു​ഴ​ലി​ക്കാ​റ്റ് വ​ലി​യ ആ​പ​ത്തു​ക​ൾ വി​ത​ക്കാ​തെ ക​ട​ന്നു​പോ​യി. ദോ​ഫാ​റി​ലെ ചി​ല ഇ​ട​ങ്ങ​ളി​ൽ 245 മി​ല്ലി മീ​റ്റ​ർ വ​രെ മ​ഴ ല​ഭി​ച്ചി​രു​ന്നു​വെ​ങ്കി​ലും ഇ​വ​കാ​ര​ണം കാ​ര്യ​മാ​യ ദു​ര​ന്ത​ങ്ങ​ളൊ​ന്നു​മു​ണ്ടാ​വാ​തി​രു​ന്ന​ത് അ​ധി​കൃ​ത​രു​ടെ ശ​ക്ത​മാ​യ മു​ന്നൊ​രു​ക്ക​ങ്ങ​ൾ കാ​ര​ണം. തേ​ജ് ചു​ഴ​ലി​ക്കാ​റ്റ് വീ​ശി​യ​ടി​ക്കു​മെ​ന്ന് കാ​ലാ​വ​സ്ഥ വി​ദ​ഗ്​​ധ​രു​ടെ മു​ന്ന​റി​യി​പ്പ് ല​ഭി​ച്ച മു​ത​ൽ​ത​ന്നെ സ​ർ​ക്കാ​ർ സം​വി​ധാ​ന​ങ്ങ​ൾ മു​ഴു​വ​ൻ ഉ​ണ​രാ​ൻ തു​ട​ങ്ങി​യി​രു​ന്നു.

ദോ​ഫാ​ർ ഗ​വ​ർ​ണ​റേ​റ്റി​ലെ ഓ​രോ വി​ലാ​യ​ത്തി​ലും അ​താ​ത് വാ​ലി​ക​ളു​ടെ നേ​തൃ​ത്വ​ത്തി​ലാ​ണ് കാ​റ്റി​നെ നേ​രി​ടാ​നു​ള്ള മു​ന്നൊ​രു​ക്ക​ങ്ങ​ൾ ന​ട​ന്ന​ത്. പ്ര​കൃ​തി​ദു​ര​ന്തം ബാ​ധി​ക്കാ​നി​ട​യു​ള്ള മേ​ഖ​ല​ക​ളി​ൽ​നി​ന്ന് ആ​ളു​ക​ളെ മാ​റ്റി​പ്പാ​ർ​പ്പി​ച്ച​തും ഏ​ത് അ​ത്യാ​ഹി​ത​ത്തെ​യും നേ​രി​ടാ​നു​ള്ള സ​ന്നാ​ഹ​ങ്ങ​ൾ ഒ​രു​ക്കി​യ​തും അ​പ​ക​ട​വ്യാ​പ്തി കു​റ​ക്കാ​ൻ സ​ഹാ​യി​ച്ചു.

അ​തോ​ടൊ​പ്പം സ​ർ​ക്കാ​റി​ന്‍റെ എ​ല്ലാ സം​വി​ധാ​ന​ങ്ങ​ളും ഒ​ത്തൊ​രു​മി​ച്ച് പ്ര​വ​ർ​ത്തി​ച്ച​തും എ​ടു​ത്തു​പ​റ​യേ​ണ്ട​താ​യി. കാ​റ്റ്​ വീ​ശു​ന്ന​തി​ന് ഏ​റെ മു​മ്പു​ത​ന്നെ ദു​രി​താ​ശ്വാ​സ ക്യാ​മ്പു​ക​ൾ ഒ​രു​ക്കി​യി​രു​ന്നു. ക​ന​ത്ത കാ​റ്റ്, മ​ഴ എ​ന്നി​വ കാ​ര​ണം വാ​ർ​ത്താ​വി​ത​ര​ണ ശൃം​ഖ​ല​ക​ൾ ത​ക​രാ​തി​രി​ക്കാ​നും ത​ക​ർ​ന്നാ​ൽ പെ​ട്ടെ​ന്ന് ശ​രി​പ്പെ​ടു​ത്താ​ൻ പ്ര​ത്യേ​ക സം​ഘ​ങ്ങ​ളെ ത​യാ​റാ​ക്കി​യ​തും ശ്ര​ദ്ധേ​യ​മാ​ണ്.

വൈ​ദ്യു​തി ത​ട​സ്സ​പ്പെ​ടാ​ൻ സാ​ധ്യ​ത​യു​ള്ള മേ​ഖ​ല​ക​ളി​ൽ ജ​ന​റേ​റ്റ​റു​ക​ൾ സ​ജ്ജ​മാ​ക്കി​യ​ത​ട​ക്ക​മു​ള്ള നി​ര​വ​ധി ഒ​രു​ക്ക​ങ്ങ​ളാ​ണ് അ​ധി​കൃ​ത​ർ ന​ട​ത്തി​യ​ത്. ദു​ര​ന്ത മേ​ഖ​ല​ക​ളി​ൽ താ​മ​സി​ക്കു​ന്ന​വ​രെ മാ​റ്റി​പ്പാ​ർ​പ്പി​ക്കാ​ൻ ഗ​വ​ർ​ണ​റേ​റ്റി​ന്റെ വി​വി​ധ ഭാ​ഗ​ങ്ങ​ളി​ൽ 60ല​ധി​കം ദു​രി​താ​ശ്വാ​സ ക്യാ​മ്പു​ക​ളാ​ണ് ആ​രം​ഭി​ച്ച​ത്. തേ​ജ് ക​ര തൊ​ടു​ന്ന സ​ദ​യി​ലെ തീ​ര​പ്ര​ദേ​ശ​ത്തു​ള്ള​വ​രെ​യും താ​ഴ്ന്ന പ്ര​ദേ​ശ​ങ്ങ​ളി​ലു​ള്ള​വ​രെ​യും നേ​ര​ത്തേ​ത​ന്നെ മാ​റ്റി താ​മ​സി​പ്പി​ച്ചി​രു​ന്നു.

പ്ര​കൃ​തി​ദു​ര​ന്തം ബാ​ധി​ക്കാ​നി​ട​യു​ള്ള അ​ൽ​ഹ​ലാ​നി​യാ​ത്ത് ദ്വീ​പി​ൽ​നി​ന്ന് മു​ഴു​വ​ൻ പേ​രെ​യും സ​ലാ​ല​യി​ലേ​ക്കു മാ​റ്റി​യി​രു​ന്നു. എ​യ​ർ​ഫോ​ഴ്സി​ന്റെ സ​ഹാ​യ​ത്തോ​ടെ​യാ​ണ് ഇ​വ​രെ മാ​റ്റി​യ​ത്. ദ​ർ​ബാ​ത്തി​ലെ താ​മ​സ​ക്കാ​രെ​യും നേ​ര​ത്തേ​ത​ന്നെ മാ​റ്റി താ​മ​സി​പ്പി​ച്ചി​രു​ന്നു.

സ​ലാ​ല, താ​ഖ, മ​സ്യൂ​ന, മു​ഖ്ഷി​ൻ, ഷ​ലീം അ​ൽ ഹ​ലാ​നി​യാ​ത്ത്, മി​ർ​ബാ​ത്ത്, റാ​ഖി​യൂ​ത്ത് തു​ട​ങ്ങി​യ എ​ല്ലാ വി​ലാ​യ​ത്തു​ക​ളി​ലും വാ​ലി​ക​ളു​ടെ അ​ധ്യ​ക്ഷ​ത​യി​ൽ യോ​ഗം ചേ​ർ​ന്ന് എ​ല്ലാ മു​ന്നൊ​രു​ക്ക​ങ്ങ​ളും ന​ട​ത്തി​യി​രു​ന്നു. സാ​ദ​യി​ൽ എ​മ​ർ​ജ​ൻ​സി പോ​യ​ൻ​റും വെ​ള്ള ടാ​ങ്ക​ർ, ഇ​ല​ക്ട്രി​ക് ജ​ന​റേ​റ്റ​ർ എ​ന്നി​വ​യും ഒ​രു​ക്കി​വെ​ച്ചി​രു​ന്നു. പ​ല വി​ലാ​യ​ത്തു​ക​ളി​ലും 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂ​മും പ്ര​വ​ർ​ത്തി​ച്ചി​രു​ന്നു. സ്ഥി​തി​ഗ​തി​ക​ൾ വി​ല​യി​രു​ത്താ​ൻ സൈ​നി​ക ഉ​ദ്യോ​ഗ​സ്ഥ​രും പ്ര​ത്യേ​ക യോ​ഗം ചേ​ർ​ന്നി​രു​ന്നു. അ​വ​ശ്യ​ഘ​ട്ട​ത്തി​ൽ സൈ​ന്യ​വും രം​ഗ​ത്തെ​ത്തി​യി​രു​ന്നു.

ഭ​ക്ഷ്യ​വ​സ്തു​ക്ക​ളും മ​റ്റ് അ​വ​ശ്യ വ​സ്തു​ക്ക​ളു​മാ​യി മു​നി​സി​പ്പാ​ലി​റ്റി​യും മ​റ്റു മ​ന്ത്രാ​ല​യം അ​ധി​കൃ​ത​രും രം​ഗ​ത്തു​ണ്ടാ​യി​രു​ന്നു. ദു​രി​താ​ശ്വാ​സ ക്യാ​മ്പു​ക​ളി​ലേ​ക്ക് കി​ട​ക്ക​ക​ൾ, പു​ത​പ്പു​ക​ൾ, ഭ​ക്ഷ്യ വ​സ്തു​ക്ക​ൾ, മ​റ്റ് അ​വ​ശ്യ​വ​സ്തു​ക്ക​ൾ എ​ന്നി​വ നേ​ര​ത്തേ​ത​ന്നെ എ​ത്തി​ച്ചി​രു​ന്നു.

രോ​ഗ​വും ആ​രോ​ഗ്യ​പ്ര​ശ്ന​ങ്ങ​ളും അ​നു​ഭ​വി​ക്കു​ന്ന​വ​ർ​ക്കാ​യി വി​വി​ധ ഇ​ട​ങ്ങ​ളി​ൽ മൊ​ബൈ​ൽ ആ​ശു​പ​ത്രി​ക​ളും സ​ജ്ജ​മാ​ക്കി. ജ​ന​ങ്ങ​ളെ തേ​ജ് മൂ​ലം ഉ​ണ്ടാ​വാ​നി​ട​യു​ള്ള ദു​ര​ന്ത​ങ്ങ​ളെ​പ്പ​റ്റി ബോ​ധ​വാ​ന്മാ​രാ​ക്കി​യ​തും ഒ​രു പ​രി​ധി ദു​ര​ന്ത​ങ്ങ​ൾ കു​റ​ക്കാ​ൻ സ​ഹാ​യി​ച്ചു. സ്കൂ​ളു​ക​ൾ​ക്ക് നേ​ര​ത്തേ​ത​ന്നെ അ​വ​ധി ന​ൽ​കി​യ​തും സ​ലാ​ല​യി​ൽ ര​ണ്ടു ദി​വ​സം പൊ​തു അ​വ​ധി പ്ര​ഖ്യാ​പി​ച്ച​തും ദു​ര​ന്ത​ത്തി​ന്‍റെ ആ​ഴം കു​റ​ക്കാ​ൻ സ​ഹാ​യ​ക​മാ​യി. പൊ​തു​ജ​ന​ങ്ങ​ൾ​ക്ക് ര​ണ്ടു ദി​വ​സം അ​വ​ധി ന​ൽ​കി​യ​തും ഏ​റെ സൗ​ക​ര്യ​മാ​യി.

ഇ​ത് കാ​ര​ണം ജ​ന​ങ്ങ​ൾ അ​ത്യാ​വ​ശ്യ​ത്തി​നു മാ​ത്ര​മാ​ണ് പു​റ​ത്തി​റ​ങ്ങി​യ​ത്. സാ​ധാ​ര​ണ ചെ​റി​യ മ​ഴ​യു​ണ്ടാ​വു​മ്പോ​ൾ​പോ​ലും നി​ര​വ​ധി പേ​രാ​ണ് വാ​ദി​ക​ളി​ൽ​പെ​ടു​ന്ന​തും ഒ​ലി​ച്ചു​പോ​വു​ക​യും ചെ​യ്യു​ന്ന​ത്. ഇ​ത്ത​വ​ണ ഇ​ത്ര​യും രൂ​ക്ഷ​മാ​യ മ​ഴ​യു​ണ്ടാ​യി​ട്ടു​പോ​ലും ഒ​രു മ​ര​ണം​പോ​ലും റി​പ്പോ​ർ​ട്ട് ചെ​യ്തി​ട്ടി​ല്ല. ഏ​താ​യാ​ലും അ​ധി​കൃ​ത​രു​ടെ ശ​ക്ത​മാ​യ മു​ൻ​ക​രു​ത​ലു​ക​ളാ​ണ് ‘തേ​ജ്’ അ​പ​ക​ട​ര​ഹി​ത​മാ​യി ക​ട​ന്നു​പോ​വാ​ൻ പ്ര​ധാ​ന കാ​ര​ണം.