ദാ​ഖി​ലി​യ ഫെ​സ്റ്റി​വ​ലി​ന്​ തു​ട​ക്കം

മ​സ്ക​ത്ത്​: ആ​ഘോ​ഷ​ത്തി​ന്‍റെ പു​ത്ത​ൻ​കാ​​ഴ്ച​ക​ൾ തു​റ​ന്ന്​ ദാ​ഖി​ലി​യ ഫെ​സ്റ്റി​വ​ലി​ന്​ ബ​ഹ്‌​ല​യി​ലെ പു​രാ​വ​സ്തു സൈ​റ്റാ​യ സ​ലൂ​ത്തി​ൽ തു​ട​ക്ക​മാ​യി. മേ​ള​യി​ൽ നി​ര​വ​ധി സാം​സ്കാ​രി​ക, പൈ​തൃ​ക, വി​നോ​ദ, സാ​ഹ​സി​ക പ്ര​വ​ർ​ത്ത​ന​ങ്ങ​ളും പ​രി​പാ​ടി​ക​ളും പ്ര​ദ​ർ​ശ​ന​വും ന​ട​ക്കു​മെ​ന്ന്​​ ടൂ​റി​സം പ്ര​മോ​ഷ​ൻ ഡ​യ​റ​ക്ട​ർ ജ​ന​റ​ൽ ഹൈ​തം മു​ഹ​മ്മ​ദ് അ​ൽ ഗ​സാ​നി പ​റ​ഞ്ഞു.

സാം​സ്കാ​രി​ക പ​രി​പാ​ടി​ക​ളും നാ​ട​ക​പ്ര​ദ​ർ​ശ​ന​ങ്ങ​ളും വി​വി​ധ മ​ത്സ​ര​ങ്ങ​ളും നി​സ്​​വ ഫോ​ർ​ട്ടി​ൽ ന​ട​ക്കും. ചെ​റു​കി​ട, ഇ​ട​ത്ത​രം സം​രം​ഭ​ങ്ങ​ളെ പി​ന്തു​ണ​ക്കാ​നും ഗ​വ​ർ​ണ​റേ​റ്റി​ലെ സാം​സ്കാ​രി​ക​വും ച​രി​ത്ര​പ​ര​വു​മാ​യ പൈ​തൃ​ക​ങ്ങ​ളി​ലേ​ക്കും വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കും സ​ന്ദ​ർ​ശ​ക​രെ പ​രി​ച​യ​പ്പെ​ടു​ത്താ​നു​മാ​ണ് ഫെ​സ്റ്റി​വ​ൽ ല​ക്ഷ്യ​മി​ടു​ന്ന​ത്.

ഗ​വ​ർ​ണ​റേ​റ്റി​ലെ വി​നോ​ദ​സ​ഞ്ചാ​ര​ത്തി​നും സാ​മ്പ​ത്തി​ക മേ​ഖ​ല​ക്കും ഉ​ണ​ർ​വേ​കു​മെ​ന്നാ​ണ്​ ക​രു​തു​ന്ന​ത്. അ​ൽ ഹം​റ​യി​ലെ ഫാ​മു​ക​ൾ, ഫ​ല​ജു​ക​ൾ, ച​രി​ത്ര സ്മാ​ര​ക​ങ്ങ​ൾ എ​ന്നി​വ​യി​ലൂ​ടെ പ​ഴ​യ കാ​റി​ലൂ​​ടെ ക​ട​ന്നു​പോ​കു​ന്ന ടൂ​റും പ​രി​പാ​ടി​യു​ടെ ഭാ​ഗ​മാ​യി ആ​സൂ​ത്ര​ണം ചെ​യ്തി​ട്ടു​ണ്ട്.

ഇ​ത്​ സ​ന്ദ​ർ​ശ​ക​രെ ഗ്രാ​മീ​ണ ജീ​വി​തം അ​നു​ഭ​വി​ക്കാ​നും ഗ്രാ​മ​പ്ര​ദേ​ശ​ങ്ങ​ളി​ലെ മ​നോ​ഹ​ര​മാ​യ ഫാ​മു​ക​ളും ഈ​ന്ത​പ്പ​ന​ത്തോ​ട്ട​ങ്ങ​ളും ആ​സ്വ​ദി​ക്കാ​നും സ​ഹാ​യി​ക്കും. ജ​ബ​ൽ ശ​സി​ൽ ജ്യോ​തി​ശാ​സ്ത്ര​വു​മാ​യി ബ​ന്ധ​പ്പെ​ട്ട പ​രി​പാ​ടി​ക​ളും പ്ര​വ​ർ​ത്ത​ന​ങ്ങ​ളും മ​ന്ത്രാ​ല​യം സം​ഘ​ടി​പ്പി​ക്കും.

മ​ന പ​ബ്ലി​ക് പാ​ർ​ക്കി​ൽ പാ​രാ​ഗ്ലൈ​ഡി​ങ്​ ഷോ, ​ബ​ഹ്ജ​ത് സു​മൈ​ൽ പാ​ർ​ക്ക്, ഇ​സ്കി പ​ബ്ലി​ക് പാ​ർ​ക്ക്​ എ​ന്നി​വി​ട​ങ്ങ​ളി​ൽ വി​വി​ധ പ​രി​പാ​ടി​ക​ളും ​അ​ര​ങ്ങേ​റും. അ​ൽ​ഐ​നി​ലും അ​ൽ സ​വാ​ദി​ലും മൗ​ണ്ട​ൻ റേ​സ്, പ​ര​മ്പ​രാ​ഗ​ത കു​തി​ര​സ​വാ​രി കാ​യി​ക ഇ​ന​ങ്ങ​ൾ, ആ​ദ​മി​ൽ ടെ​ന്റ് പെ​ഗ്ഗി​ങ് മ​ത്സ​രം, ബി​ദ്ബി​ദി​ൽ ക​വി​താ സാ​യാ​ഹ്ന​വും ന​ട​ക്കും.