രു​ചി​യു​ടെ ന​റു​മ​ണം വി​ത​റി ‘ദം​ദം ബി​രി​യാ​ണി ഫെ​സ്റ്റ്’

മ​സ്ക​ത്ത്: രു​ചി വൈ​വി​ധ്യ​ങ്ങ​ളു​ടെ ന​റു​മ​ണം വി​ത​റി ഗ​ൾ​ഫ് മാ​ധ്യ​മം ‘ദം​ദം ബി​രി​യാ​ണി ഫെ​സ്റ്റി’​ന്റെ ​സെ​മി ഫൈ​ന​ൽ അ​ര​ങ്ങേ​റി. ഇ​ന്ത്യ, ഒ​മാ​ൻ,ബ​ംഗ്ലാ​ദേ​ശ് എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള മ​ത്സ​രാ​ർ​ഥി​ക​ൾ അ​ണി​നി​ര​ന്ന അ​ങ്ക​ത്തി​ൽ ക​ണ്ണൂ​ർ ബി​രി​യാ​ണി മു​ത​ൽ ഒ​മാ​ന്റെ രു​ചി​ക്കൂ​ട്ടി​ൽ ഒ​രു​ങ്ങി​യ ബി​രി​യാ​ണി​വ​രെ​യു​ള്ള ഇ​ന​ങ്ങ​ൾ വേ​റി​ട്ട കാ​ഴ്ച​യാ​ണ് ഭ​ക്ഷ​ണ പ്രേ​മി​ക​ൾ​ക്ക് സ​മ്മാ​നി​ച്ച​ത്. ഗ​ൾ​ഫ്​ മാ​ധ്യ​മ​ത്തി​ന്റെ ഡി​ജി​റ്റ​ൽ പ്ലാ​റ്റ്​​ഫോ​മാ​യ ‘മീ ​ഫ്ര​ണ്ട്’ സം​ഘ​ടി​പ്പി​ക്കു​ന്ന പ​രി​പാ​ടി​യി​ൽ ആ​ദ്യ റൗ​ണ്ടി​ൽ ല​ഭി​ച്ച ആ​യി​ര​ക്ക​ണ​ക്കി​ന് എ​ൻ​ട്രി​ക​ളി​ൽനി​ന്ന് തെര​ഞ്ഞെ​ടു​ക്ക​പ്പെ​ട്ട 50 പേ​രാ​യി​രു​ന്നു മാ​റ്റു​ര​ച്ചി​രു​ന്ന​ത്.

മു​ഹ​ബ​ത്തി​ന്റെ മ​സാ​ല കൂ​ട്ടി​ൽ വീ​ട്ടി​ൽ നി​ന്ന് ഒ​രു​ക്കി​യ ബി​രി​യാ​ണി​യു​മാ​യി മൂ​ന്ന് മ​ണി​​യോ​ടെ ത​ന്നെ മ​ത്സ​രാ​ർ​ഥി​ക​ൾ വേ​ദി​യി​ലേ​ക്ക് എ​ത്തിത്തുട​ങ്ങി​യി​രു​ന്നു. അ​ൽ ഖൂ​ദ് ഫു​ഡ്‌​ലാ​ൻ​ഡ്‌​സ് റ​സ്റ്റാ​റ​ന്റി​ൽ പ്ര​​ത്യേ​കം ത​യാ​റാ​ക്കി​യ വേ​ദി​യി​ലാ​ണ് സെ​മി​ഫൈ​ന​ൽ ന​ട​ന്ന​ത്. ര​ജി​സ്ട്രേ​ഷ​നും നി​ർ​ദേ​ശ​ങ്ങ​ളും മ​റ്റും പൂ​ർ​ത്തി​യാ​ക്കി 4.30 ഓ​ടെ മ​ത്സ​ര​ങ്ങ​ൾ​ക്ക് തു​ട​ക്ക​മാ​യി. ഓ​രോ മ​ത്സ​രാ​ർ​ഥി​യും കൊ​ണ്ടു​വ​ന്ന ബി​രി​യാ​ണി​യു​ടെ പ്ര​സ​​ന്റേ​ഷ​ൻ രു​ചി​യു​ടെ പു​ത്ത​ൻ ​ലോ​ക​മാ​യി​രു​ന്നു തു​റ​ന്ന​ത്. ഓ​രോ ഇ​ന​വും ഒ​ന്നി​നൊ​ന്ന് മെ​ച്ചം പു​ല​ർ​ത്തി​യ​തി​നാ​ൽ വി​ധി ന​ട​ത്താ​ൻ ജ​ഡ്ജി​ങ് പാ​ന​ലി​ന് ഏ​റെ പാ​ടു​പെ​ടേ​ണ്ടി വ​രി​ക​യും ചെ​യ്തു. പ​ല​രും നേ​രീ​യ മാ​ർ​ക്കി​ന്റെ വ്യ​ത്യാ​സ​ത്തി​ലാ​ണ് ഗ്രാ​ൻ​ഡ് ഫി​നാ​ലെ കാ​ണാ​തെ പോ​യ​ത്.​മ​ത്സ​ര​ത്തി​ൽ പ​​​ങ്കെ​ടു​ത്ത​വ​ർ​ക്ക് സ​ർ​ട്ടി​ഫി​ക്ക​റ്റും കൈ​നി​റ​യെ സ​മ്മാ​ന​ങ്ങ​ളും ന​ൽ​കി​യാ​ണ് സം​ഘാ​ടകർ യാ​ത്ര​യാ​ക്കി​യ​ത്. ‘ദം​ദം ബി​രി​യാ​ണി ഫെ​സ്റ്റ് തി​ക​ച്ചും വേ​റി​ട്ട

ഒ​ര​​നു​ഭ​വ​മാ​യി​രു​ന്നു​വെ​ന്നും അ​ടു​ത്ത​വ​ർ​ഷം മി​ക​ച്ച വി​ഭ​വ​ങ്ങ​ളു​മാ​യി ത​ങ്ങ​ൾ വീ​ണ്ടും മ​ത്സ​ര രം​ഗ​ത്തു​ണ്ടാ​കു​മെ​ന്നും പ​ല മ​ത്സ​രാ​ർ​ഥി​ക​ളും പ​റ​ഞ്ഞു.

സെ​മി ഫൈ​ന​ലി​ൽ നി​ന്നും തെ​ര​ഞ്ഞെ​ടു​ത്ത 15പേ​ർ മെ​ഗാ​​ഫൈ​ന​ലി​ൽ മാ​റ്റു​ര​ക്കും. 21ന് ​മ​സ്ക​ത്ത് ബൗ​ശ​ർ ഫു​ട്ബാ​ൾ ക്ലബ് സ്റ്റേ​ഡി​യ​ത്തി​ൽ ആ​ണ് ഗ്രാ​ൻ​ഡ് ഫി​നാ​ലെ.​ലൈ​വ് കു​ക്കി​ങ്ങാ​യി​ട്ടാ​യി​രി​ക്കും ​ഗ്രാ​ൻ​ഡ് ഫി​നാ​ലെ അ​ര​​ങ്ങേ​റു​ക. 'ദംദം ബി​രി​യാ​ണി ഫെ​സ്റ്റി’​ൽ വി​ജ​യി​​ക​ളെ കാ​ത്തി​രി​ക്കു​ന്ന​ത് നാ​ലാ​യി​രം റി​യാ​ലി​ന്റെ സ​മ്മാ​ന​ങ്ങ​ളാണ്. പ്ര​മു​ഖ പാ​ച​ക വി​ദ​ഗ്ധ​ൻ ഷെ​ഫ് സു​രേ​ഷ് പി​ള്ള, പാ​ച​ക വി​ദ​ഗ്ധ ആ​ബി​ദ റ​ഷീ​ദ്, കു​ടും​ബ​ങ്ങ​ളു​ടെ ഇ​ഷ്ട​താ​ര​വും അ​വ​താ​ര​ക​നു​മാ​യ രാ​ജ് ക​ലേ​ഷ് തു​ട​ങ്ങി​യ​വ​ര​ട​ങ്ങു​ന്ന ജൂ​റി പാ​ന​ലാ​കും അ​ന്തി​മ വി​ജ​യി​ക​ളെ തെ​ര​ഞ്ഞെ​ടു​ക്കു​ക. ന​മ്മു​ടെ വീ​ട്ട​ക​ങ്ങ​ളി​ലു​ണ്ടാ​ക്കു​ന്ന ബി​രി​യാ​ണി​യു​ടെ രൂ​ചി​ക്കൂ​ട്ട് ലോ​ക​ത്തെ അ​റി​യി​ക്കാ​നു​ള്ള സു​വ​ർ​ണാ​വ​സ​ര​മാ​ണ് 'ദംദം ബി​രി​യാ​ണി ഫെ​സ്റ്റി​ലൂ​ടെ കൈ​വ​ന്നി​രി​ക്കു​ന്ന​ത്.

മ​സ്ക​ത്തി​ന്റെ മ​ഹാ​രു​ചി മേ​ള​യി​ൽ വി​ജ​യി​ക​ളാ​കു​ന്ന​വ​ർ​ക്ക് ‘ദം​ദം സ്റ്റാ​ർ’ പ​ട്ട​മാ​ണ് ന​ൽ​കു​ക. ഗ്രാ​ൻ​ഡ് ഫി​നാ​ലെ ന​ട​ക്കു​ന്ന ആ​ഘോ​ഷ രാ​വി​ന് മാ​റ്റുകൂ​ട്ടാ​നാ​യി ഗാ​യ​ക​രാ​യ അ​ക്ബ​ർ ഖാ​ൻ, ദാ​ന റാ​സി​ക്ക് എ​ന്നി​വ​രു​ടെ സം​ഗീ​ത ബാ​ൻ​ഡു​മു​ണ്ടാ​കും. കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കും ആ​സ്വ​ദി​ക്കാ​വു​ന്ന ഗെ​യിം ​ഷോ​ക​ൾ,മെ​ഹ​ന്തി ഫെ​സ്റ്റ്, കി​ഡ്സ് കോ​ർ​ണ​റു​ക​ൾ, ക​ണ്ണൂ​ർ വി​ഭ​വ​ങ്ങ​ളു​ടെ​ത​ട​ക്ക​മു​ള്ള ഫു​ഡ്സ്റ്റാ​ളു​ക​ൾ എ​ന്നി​ങ്ങ​നെ വൈ​വി​ധ്യ​ങ്ങ​ളാ​യ വി​നോ​ദ പ​രി​പാ​ടി​ക​ളും അ​ര​ങ്ങേ​റും.

പ്ര​വേ​ശ​നം സൗ​ജ​ന്യ​മാ​ണ്. ഷാ​ഹി ഫു​ഡ്സ് ആ​ൻ​ഡ് സ്പൈ​സ​സ് മു​ഖ്യ പ്രാ​യോ​ജ​ക​രാ​കു​ന്ന പ​രി​പാ​ടി​യി​ൽ സൗ​ന്ദ​ര്യ വ​ർ​ധ​ക ഉ​ൽ​പ​ന്ന​ങ്ങ​ളു​ടെ ഓ​ൺ​ലൈ​ൻ വി​ത​ര​ണ​ക്കാ​രാ​യ സൂ​ഖ് റി​മ ഡോ​ട്ട് കോം(WWW.SOUQRIMA.COM), ​ബ​ദ​ർ അ​ൽ സ​മ ഹോ​സ്പി​റ്റ​ൽ, ഫു​ഡ്‍ലാ​ൻ​ഡ്സ് റ​സ്റ്റ​റ​ന്റ്, ബി​സ്മി ജീ​ര​ക​ശാ​ല റൈ​സ് എ​ന്നി​വ​രും കൈ​കോ​ർ​ക്കു​ന്നു​ണ്ട്.