ഒ​മാ​നി​ലെ ഇ​ന്ത്യ​ക്കാ​രു​ടെ എ​ണ്ണ​ത്തി​ൽ നാ​ല്​ ശ​ത​മാ​ന​ത്തി​ന്‍റെ കു​റ​വ്​

മ​സ്ക​ത്ത്​: ഒ​മാ​നി​ലെ ഇ​ന്ത്യ​ക്കാ​രാ​യ ​പ്ര​വാ​സി തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ കു​റ​വെ​ന്ന്​ ക​ണ​ക്കു​ക​ൾ. ഈ ​വ​ർ​ഷം മേ​യ് മാ​സ​ത്തി​ൽ ഇ​ന്ത്യ​ക്കാ​രു​ടെ എ​ണ്ണം നാ​ല്​ ശ​ത​മാ​നം കു​റ​ഞ്ഞ് 5,09,006 ആ​യി. ക​ഴി​ഞ്ഞ വ​ർ​ഷം അ​വ​സാ​ന​ത്തോ​ടെ രാ​ജ്യ​ത്ത് 5,20,431 ഇ​ന്ത്യ​ക്കാ​രാ​യി​രു​ന്നു ജോ​ലി ചെ​യ്തി​രു​ന്ന​ത്. അ​തേ​സ​മ​യം, ചി​ല രാ​ജ്യ​ങ്ങ​ളി​ൽ നി​ന്നു​ള്ള പ്ര​വാ​സി തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ വ​ർ​ധ​ന​യാ​ണു​ണ്ടാ​യി​ട്ടു​ള്ള​ത്.

​മേ​യ് മാ​സ​ത്തി​ൽ പാ​കി​സ്​​താ​നി​ൽ നി​ന്നു​ള്ള പ്ര​വാ​സി​ക​ളു​ടെ എ​ണ്ണം അ​ഞ്ച് ശ​ത​മാ​നം വ​ർ​ധി​ച്ച് 289,481 ആ​യി. ക​ഴി​ഞ്ഞ വ​ർ​ഷം അ​വ​സാ​ന​ത്തോ​ടെ പാ​കി​സ്താ​നി​ൽ​നി​ന്ന് 2,88,290 പ്ര​വാ​സി​ക​ളു​ണ്ടാ​യി​രു​ന്നു. ദേ​ശീ​യ സ്ഥി​തി വി​വ​ര കേ​ന്ദ്ര​ത്തി​ന്‍റെ ക​ണ​ക്കി​ലാ​ണ്​ ഇ​ക്കാ​ര്യം പ​റ​യു​ന്ന​ത്. മ്യാ​ൻ​മ​റി​ൽ നി​ന്നു​ള്ള പ്ര​വാ​സി​ക​ളു​ടെ എ​ണ്ണം 102.6 ശ​ത​മാ​നം വ​ർ​ധി​ച്ച് 28,947 ആ​യി. 2023 അ​വ​സാ​ന​ത്തോ​ടെ മ്യാ​ൻ​മ​റി​ൽ​നി​ന്ന് 23,329 പ്ര​വാ​സി​ക​ളാ​യി​രു​ന്നു ഒ​മാ​നി​ൽ തൊ​ഴി​ലെ​ടു​ത്തി​രു​ന്ന​ത്. താ​ൻ​സ​നി​യ​യി​ൽ നി​ന്നു​ള്ള പ്ര​വാ​സി​ക​ളു​ടെ എ​ണ്ണം 44.5 ശ​ത​മാ​നം ഉ​യ​ർ​ന്ന് 19,962 ആ​യ​പ്പോ​ൾ നേ​പ്പാ​ളി​ലെ പ്ര​വാ​സി​ക​ൾ 2.7 ശ​ത​മാ​നം കു​റ​ഞ്ഞ് 20,202ഉം ​ആ​യി. 4.3 ശ​ത​മാ​നം കു​റ​ഞ്ഞ് ശ്രീ​ല​ങ്ക​ൻ പ്ര​വാ​സി​ക​ൾ 26,374, ​ 8.1ശ​ത​മാ​നം ഉ​യ​ർ​ന്ന് ഈ​ജി​പ്തു​കാ​ർ​ 42,219, 4.2 ശ​ത​മാ​ന കു​റ​ഞ്ഞ്​ ഫി​ലി​പ്പീ​ൻ​സ് പ്ര​വാ​സി​ക​ൾ 45,307ലും ​എ​ത്തി.

അ​തേ​സ​മ​യം, രാ​ജ്യ​ത്തെ ഏ​റ്റ​വും വ​ലി​യ തൊ​ഴി​ൽ ശ​ക്തി​യാ​യ ബം​ഗ്ലാ​ദേ​ശി പ്ര​വാ​സി​ക​ൾ​ക്കി​ട​യി​ലാ​ണ് ഏ​റ്റ​വും വ​ലി​യ ഇ​ടി​വ് രേ​ഖ​പ്പെ​ടു​ത്തി​യ​ത്. 2023 അ​വ​സാ​ന​ത്തെ 719,111ൽ ​നി​ന്ന് ഈ ​വ​ർ​ഷം മേ​യ് മാ​സ​ത്തി​ൽ 684,108 ആ​യി കു​റ​ഞ്ഞു. 2023 മെ​യ് മു​ത​ൽ 2024 വ​രെ 2.8 ശ​ത​മാ​നം ഇ​ടി​വാ​ണു​ണ്ടാ​യി​രി​ക്കു​ന്ന​ത്. ഇ​തി​നു​ള്ള പ്ര​ധാ​ന കാ​ര​ണം ക​ഴി​ഞ്ഞ വ​ർ​ഷം ഒ​ക്ടോ​ബ​ർ 31 മു​ത​ൽ ബം​ഗ്ലാ​ദേ​ശ് സ്വ​ദേ​ശി​ക​ൾ​ക്ക് എ​ല്ലാ വി​ഭാ​ഗ​ത്തി​ലും​പ്പെ​ട്ട വി​സ​ക​ൾ​ക്ക് നി​രോ​ധം ഏ​ർ​പ്പെ​ടു​ത്തി​യ​താ​യി​രു​ന്നു. എ​ന്നാ​ൽ, ചി​ല വി​ഭാ​ഗം ബം​ഗ്ലാ​ദേ​ശ് സ്വ​ദേ​ശി​ക​ളെ നി​ല​വി​ലു​ള്ള വി​സ നി​രോ​ധ​ന​ത്തി​ൽ ഒ​ഴി​വാ​ക്കി​യ​താ​യി ധാ​ക്ക​യി​ലെ ഒ​മാ​ൻ എം​ബ​സി അ​ധി​കൃ​ത​ർ ജൂ​ണി​ൽ അ​റി​യി​ച്ചി​ട്ടു​ണ്ട്.

കു​ടും​ബ വി​സ, ജി.​സി.​സി രാ​ജ്യ​ങ്ങ​ളി​ൽ റ​സി​ഡ​ന്റ് വി​സ​യു​ള്ള​വ​ർ​ക്കു​ള്ള വി​സി​റ്റ് വി​സ, ഡോ​ക്ട​ർ​മാ​ർ, എ​ൻ​ജി​നീ​യ​ർ​മാ​ർ, ന​ഴ്സു​മാ​ർ, അ​ധ്യാ​പ​ക​ർ, അ​ക്കൗ​ണ്ട​ൻ​റു​ക​ൾ, നി​ക്ഷേ​പ​ക​ർ എ​ല്ലാ വി​ഭാ​ഗ​ത്തി​ലും​പെ​ട്ട ഓ​ഫി​ഷ്യ​ൽ വി​സ​ക​ൾ, ഉ​യ​ർ​ന്ന വ​രു​മാ​ന​ക്കാ​ർ​ക്കു​ള്ള ടൂ​റി​സ്റ്റ് വി​സ എ​ന്നി​വ​ക്കാ​ണ് വി​സ നി​രോ​ധം നീ​ക്കി​യ​ത്. ഈ ​വി​ഭാ​ഗ​ത്തി​ൽ​പ്പെ​ട്ട​വ​രു​ടെ വി​സ അ​പേ​ക്ഷ​ക​ൾ ധാ​ക്ക​യി​ലെ ഒ​മാ​ൻ എം​ബ​സി​യാ​ണ് സ്വീ​ക​രി​ക്കു​ക. എം​ബ​സി അ​ധി​കൃ​ത​ർ റോ​യ​ൽ ഒ​മാ​ൻ പൊ​ലീ​സു​മാ​യി ബ​ന്ധ​പ്പെ​ട്ടാ​ണ് വി​സ​ക​ൾ ഇ​ഷ്യു ചെ​യ്യു​ക.