സ്​കൂൾ പഠനം എങ്ങനെ വേണം: സർവേയുമായി ഒമാൻ വിദ്യാഭ്യാസ മന്ത്രാലയം

മസ്​കത്ത്​: കോവിഡ് പശ്ചാത്തലത്തിൽ ഒമാനി സ്​കൂളുകളിൽ അനുയോജ്യമായ പഠനരീതി ആവിഷ്​കരിക്കുന്നതിന്​ വിദ്യാഭ്യാസ മന്ത്രാലയം രക്ഷിതാക്കൾക്കിടയിൽ നടത്തിയ സർവേ സമാപിച്ചു. സ്വദേശി സ്​കൂളുകളിൽ പുതിയ അധ്യയന വർഷം ആരംഭിക്കുന്നതിന്​ മൂന്നാഴ്​ച മാത്രം ബാക്കിനിൽക്കുന്ന സാഹചര്യത്തിലായിരുന്ന സർവേ. 17 മണിക്കൂറിനുള്ളിൽ 50,000ത്തിലധികം രക്ഷാകർത്താക്കളാണ്​ സർവേയോട്​ പ്രതികരിച്ചത്​.

കുട്ടികളുടെ എണ്ണത്തിൽ കുറവുവരുത്തി ആരോഗ്യ മുൻകരുതൽ നടപടികളോടെ സ്​കൂളുകൾ പ്രവർത്തിപ്പിക്കുക, ക്ലാസുകളെ മുൻഗണനാക്രമത്തിൽ വേർതിരിക്കുകയും പ്രാധാന്യമുള്ളവക്ക്​ സ്​കൂൾ ക്ലാസും അല്ലാത്തവക്ക്​ വിദൂര വിഭ്യാഭ്യാസവും ഏർപ്പെടുത്തുക, ആദ്യ സെമസ്​റ്ററിൽ വിദൂര വിദ്യാഭ്യാസം നടത്തുകയും കോവിഡ്​ മഹാമാരി ഒഴിഞ്ഞാൽ അടുത്ത സെമസ്​റ്ററിൽ ക്ലാസുകൾ പുനരാരംഭിക്കുക, ചില ദിവസങ്ങളിൽ ക്ലാസ്​റൂം പഠനം മറ്റു ദിവസങ്ങളിൽ ഡിസ്​റ്റൻറ്​ ലേണിങ്​ തുടങ്ങിയ ഒാപ്​ഷനുകളാണ്​ അഭിപ്രായവോ​െട്ടടുപ്പിൽ നൽകിയിട്ടുള്ളത്​.

കഴിഞ്ഞ മാർച്ച്​ 15 മുതൽ സ്​കൂളുകൾ അടഞ്ഞുകിടക്കുകയാണ്​. കോവിഡി​െൻറ പശ്ചാത്തലത്തിൽ കഴിഞ്ഞ അധ്യയന വർഷത്തിലെ ബാക്കിയുള്ള ദിവസങ്ങൾ ഉപേക്ഷിക്കുന്നതായി മേയ്​ ഏഴിന്​ വിദ്യാഭ്യാസ വകുപ്പ്​ അറിയിച്ചിരുന്നു. ക്ലാസ്​ കയറ്റമുൾപ്പെടെ കാര്യങ്ങൾക്ക്​ അനുയോജ്യമായ രീതി ആവിഷ്​കരിക്കുമെന്നും മന്ത്രാലയം അറിയിച്ചിരുന്നു. ഒമാനിൽ പുതിയ അധ്യയന വർഷം ആരംഭിക്കുന്നത്​ സംബന്ധിച്ച തീയതി പ്രഖ്യാപിച്ചതായി സമൂഹ മാധ്യമങ്ങളിൽ നടക്കുന്ന പ്രചാരണങ്ങൾ ഗവൺമെൻറ്​ കമ്യൂണിക്കേഷൻസ്​ നിഷേധിച്ചു.