പെ​രു​ന്നാ​ൾ അ​വ​ധി വ​രു​ന്നു; രേ​ഖ​ക​ൾ ശ​രി​യാ​ക്കാം, ഇ​ല്ലെ​ങ്കി​ൽ യാ​ത്ര മു​ട​ങ്ങും

മ​സ്ക​ത്ത്: അ​വ​ധി​ക്കാ​ല യാ​ത്ര​ക്കൊ​രു​ങ്ങു​ന്ന​വ​ർ രേ​ഖ​ക​ൾ ശ​രി​യാ​ക്കി വെ​ക്ക​ണ​മെ​ന്ന് റോ​യ​ൽ ഒ​മാ​ൻ പൊ​ലീ​സ് ആ​വ​ശ്യ​പ്പെ​ട്ടു. ദി​വ​സ​ങ്ങ​ൾ​ക്ക​കം ഈ​ദു​ൽ ഫി​ത്ർ അ​വ​ധി വ​രാ​നി​രി​ക്കെ ​യാ​ത്ര​ാരേ​ഖ​ക​ളു​ടെ കാ​ല​ാവ​ധി ക​​ഴി​ഞ്ഞെ​ങ്കി​ൽ പു​തു​ക്കേ​ണ്ട​തി​ന്‍റെ ആ​വ​ശ്യ​ക​ത​ ആ​ർ.​ഒ.​പി ഉ​ണ​ർ​ത്തി​. മ​തി​യാ​യ രേ​ഖ​ക​ളി​ല്ലാ​തെ യാ​ത്ര മു​ട​ങ്ങു​ന്ന സം​ഭ​വം നി​ര​വ​ധി ത​വ​ണ റി​പ്പോ​ർ​ട്ട് ചെ​യ്തി​ട്ടു​ണ്ടെ​ന്നും അ​ധി​കൃ​ത​ർ പ​റ​ഞ്ഞു. യാ​ത്ര രേ​ഖ​ക​ളി​ല്ലാ​ത്ത​തും ശ​രി​യല്ലാത്തതി​ന്റെ​യോ പേ​രി​ൽ അ​ന്ത​രാ​ഷ്ട്ര ത​ല​ത്തി​ൽ ഓ​രോ വ​ർ​ഷ​വും 50,000ല​ധി​കം യാ​ത്ര​ക്കാ​ർ​ക്ക്​ മ​ട​​​​ങ്ങേ​ണ്ടി വ​രു​ന്നു​ണ്ടെ​ന്ന് ഇ​ന്റ​ർ​നാ​ഷ​ന​ൽ എ​യ​ർ ട്രാ​ൻ​സ് പോ​ർ​ട്ട് അ​സോ​സി​യേ​ഷ​ൻ വ്യ​ക്ത​മാ​ക്കു​ന്നു. മി​ക്കവരും പാ​സ്‌​പോ​ർ​ട്ടി​ന്‍റെ​യോ റ​സി​ഡ​ൻ​സ്​ കാ​ർ​ഡു​ക​ളു​ടെ​യോ കാ​ലാ​വ​ധി പ​രി​ശോ​ധി​ക്കാ​ൻ മെ​ന​ക്കെ​ടാ​റി​ല്ലെ​ന്ന്​ ട്രാ​വ​ൽ മേ​ഖ​ല​യി​ലു​ള്ള​വ​ർ ചൂ​ണ്ടി​ക്കാ​ണി​ക്കു​ന്നു. എ​യ​ർ​പോ​ർ​ട്ടി​ൽ എ​ത്തു​മ്പോ​ഴോ യാ​ത്ര​ക്ക്​ ​ മു​മ്പു​ള്ള ദി​വ​സ​ങ്ങ​ളി​ലോ ആണ്​ ഇ​ത്​ ശ്ര​ദ്ധ​യി​ൽ​പെ​ടുന്ന​ത്. യാ​ത്ര മു​ട​ങ്ങാ​ൻ ഈ ​അ​ശ്ര​ദ്ധ ഇ​ട​വ​രു​ത്തുന്നുണ്ടെ​ന്നും ട്രാ​വ​ൽ ഓ​പ​റേ​റ്റ​ർ​മാ​ർ പ​റ​യു​ന്നു.

ഈ​ദ് അ​വ​ധി​ക്കാ​ലം മു​ന്നിൽ ക​ണ്ട് നി​ര​വ​ധി പേ​രാ​ണ് യാ​ത്ര​ക്കൊരുങ്ങുന്ന​ത്. ഏ​പ്രി​ൽ പ​ത്ത് പെ​രു​ന്നാ​ളാവാൻ സാ​ധ്യ​ത​യു​ള്ള​തി​നാ​ൽ ചൊ​വ്വ, ബു​ധ​ൻ, വ്യാ​ഴം ദി​വ​സ​ങ്ങ​ളി​ലെ അ​വ​ധി​യാ​ണ് പ​ല​രും പ്ര​തീ​ക്ഷി​ക്കു​ന്ന​ത്. ഇ​ത് ഉ​പ​യോ​ഗ​പ്പെ​ടു​ത്തി മറ്റു രാ​ജ്യ​ങ്ങ​ളിലേക്ക് അ​വ​ധി യാ​ത്ര​ക്കൊ​രു​ങ്ങു​ന്ന​വ​രും നി​ര​വ​ധി​യാ​ണ്. പെ​രു​ന്നാ​ളിന് നാ​ട്ടി​ൽ പോ​കുന്നവ​രു​മു​ണ്ട്. ഏ​പ്രി​ൽ ആ​ദ്യ​ത്തോ​ടെ വി​മാ​ന​ത്താ​വ​ള​ങ്ങ​ളി​ൽ ന​ല്ല തി​ര​ക്കുമുണ്ടാവാ​ൻ സാ​ധ്യ​ത​യു​ണ്ട്. അ​വ​ധി അ​ടു​ക്കു​മ്പോ​ൾ മു​ൻ കൂ​ട്ടി തീ​രു​മാ​നി​ക്കാ​തെ യാ​ത്ര​ക്കൊ​രു​ങ്ങു​ന്ന​വ​രും നി​ര​വ​ധി​യാ​ണ്. യാ​ത്രക്ക് പ​ല​പ്പോ​ഴും വി​ല്ല​നാ​വു​ന്ന​ത് പാ​സ്പോ​ർ​ട്ട് കാ​ലാ​വ​ധി​യാ​ണ്. കു​ടും​ബ​മാ​യി യാ​ത്ര ചെ​യ്യു​മ്പോ​ൾ കു​ടും​ബ​ത്തി​ലെ ഏ​തെ​ങ്കി​ലും കു​ട്ടി​ക​ളു​ടെ പാ​സ്പോ​ർ​ട്ട് കാ​ലാ​വ​ധി ക​ഴി​ഞ്ഞാ​ൽ ചി​ല ഘ​ട്ട​ങ്ങ​ളി​ൽ കു​ടും​ബ​ത്തി​ന്റെ യാ​ത്ര​ മു​ട​ങ്ങും. അ​തി​നാ​ൽ കു​ടും​ബ​ത്തി​ലെ എ​ല്ലാ​വ​രു​ടെ​യും പാ​സ്പോ​ർ​ട്ടി​ന്റെ കാ​ലാ​വ​ധി പ​രി​ശോ​ധി​ക്കു​ക​യും കാ​ലാ​വ​ധി ക​ഴി​ഞ്ഞ​തോ ക​ഴി​യാറായ​തോ ആ​യ പാ​സ്പോ​ർ​ട്ടു​ക​ൾ ഉ​ട​ൻ പു​തു​ക്കു​ക​യും വേണം.

കാ​ലാ​വ​ധി ക​ഴി​യു​ന്ന​തി​ന് ആ​റ് മാ​സം മു​മ്പെ​ങ്കി​ലും പാ​സ്പോ​ർ​ട്ട് പു​തു​ക്ക​ണം.യാ​ത്ര ചെ​യ്യു​ന്ന​വ​ർ റ​സി​ഡ​ന്റ് കാ​ർ​ഡ് കാ​ലാ​വ​ധി ക​ഴി​ഞ്ഞി​ല്ലെ​ന്ന് ഉ​റ​പ്പ് വ​രു​ത്തണം. ഓ​ൺ അ​റൈ​വ​ൽ വി​സ ല​ഭി​ക്കു​ന്ന രാ​ജ്യ​ങ്ങ​ളി​ലേ​ക്ക് യാ​ത്ര ചെ​യ്യു​ന്ന​വ​ർ​ക്ക് റ​സി​ഡ​ൻ​റ് കാ​ർ​ഡ് നി​ർ​ബ​ന്ധ​മാ​ണ്. ഒ​മാ​ൻ സ​ർ​ക്കാ​ർ പാ​സ്പോ​ർ​ട്ടി​ൽ വി​സ സ്റ്റാ​മ്പ് ചെ​യ്യാ​ത്ത​ത് കൊ​ണ്ട് ഒ​മാ​നി​ൽ താ​മ​സ​ക്കാ​ര​നാ​ണ് എ​ന്ന് തെ​ളി​യി​ക്കു​ന്ന ഏ​ക രേ​ഖ റ​സി​ഡ​ന്റ് കാ​ർ​ഡു​ക​ളാ​ണ്. ഒ​മാ​നി​ലേ​ക്ക്​ വ​രു​മ്പോ​ഴും റ​സി​ഡ​ന്റ് കാ​ർ​ഡു​ക​ൾ പ​രി​ശോ​ധ​ിക്കാറു​ണ്ട്. അ​തി​നാ​ൽ റ​സി​ഡ​ന്റ് കാ​ർ​ഡ് കാ​ലാ​വ​ധി ക​ഴി​യു​ക​യോ ക​ഴി​യാ​റാ​വു​ക​യോ ചെ​യ്തി​ട്ടു​ണ്ടെ​ങ്കി​ൽ പു​തു​ക്കാ​നു​ള്ള ന​ട​പ​ടി ക്ര​മ​ങ്ങ​ളും ന​ട​ത്ത​ണം. യാ​ത്ര ചെ​യ്യു​ന്ന​വ​ർ സ​മ​യം കൃ​ത്യ​മാ​യി മ​ന​സ്സി​ലാ​ക്കു​ക​യും കൂ​ടു​ത​ൽ തി​ര​ക്ക് അ​നു​ഭ​വ​പ്പെ​ടു​ന്ന വേ​ള​ക​ളി​ൽ നേ​ര​ത്തെ വി​മാ​ന​ത്താ​വ​ള​ത്തി​ലെ​ത്തു​ക​യും വേ​ണം. വി​മാ​ന സ​മ​യം 24 മ​ണി​ക്കു​ർ ക്ലോ​ക്കി​ലാ​ണ് രേ​ഖ​പ്പെ​ടു​ത്തി​യി​ട്ടു​ണ്ടാ​വു​ക. അ​തി​നാ​ൽ ഒ​റ്റ​യ​ക്ക​ത്തി​ൽ വ​രു​ന്ന സ​മ​യ​ങ്ങ​ൾ പു​ല​ർ​ച്ചെ​യാ​ണ് എ​ന്ന് മ​ന​സ്സി​ലാ​ക്ക​ണം. യാ​ത്ര ചെ​യ്യു​മ്പോ​ൾ പാ​സ്പോ​ർ​ട്ട്, റ​സി​ഡ​ൻ​റ് കാ​ർ​ഡ്, ടി​ക്ക​റ്റ് എ​ന്നി​വ എ​ടു​ക്കാ​നും മ​റ​ക്ക​രു​ത്. യാ​ത്ര ഇ​ൻ​ഷു​റ​ൻ​സ് ഉ​ള്ള​വ​ർ അ​തി​ന്റെ കോ​പ്പി​യും കൂ​ടെ ക​രു​ത​ണം.