ഒമാനിലേക്ക്​ വരുന്നവർ ശ്രദ്ധിക്കുക: ഈ എട്ട്​ വാക്​സിനുകൾക്ക്​ മാത്രം അംഗീകാരം

മസ്​കത്ത്​: ഇന്ത്യയടക്കമുള്ള രാജ്യങ്ങളിൽ നിന്നുള്ളവരുടെ പ്രവേശന വിലക്ക്​ സെപ്​റ്റംബർ ഒന്ന്​ മുതൽ നീക്കാനിരിക്കെ അംഗീകാരമുള്ള വാക്​സിനുകളുടെ വിഷയത്തിൽ വ്യക്​തത വരുത്തി ഒമാൻ. എട്ട്​ വാക്​സിനുകൾക്കാണ്​ അംഗീകാരമുള്ളതെന്ന്​ ആരോഗ്യമന്ത്രി ഡോ. അഹമ്മദ്​ അൽ സഈദി വാർത്താസമ്മേളനത്തിൽ അറിയിച്ചു.

അംഗീകാരമുള്ള വാക്​സിനുകൾ:

ഫൈസർ-ബയോൺടെക്ക്​

ഓക്​സ്​ഫഡ്​ -ആസ്​ട്രാസെനക്ക

ആസ്​ട്രാസെനക്ക-കോവിഷീൽഡ്

ജോൺസൺ ആൻറ്​ ജോൺസൺ

സിനോ​വാക്​

മൊഡേണ

സ്​പുട്​നിക്​

സിനോഫാം

ഒമാനിലെത്തുന്നതിന്​ 14 ദിവസം മുമ്പ്​ രണ്ടാമത്തെ ഡോസ്​ വാക്​സിൻ സ്വീകരിക്കണം. വിസ പുതുക്കാനും വാക്​സിനേഷൻ നിർബന്ധമാണ്​. ഇതിന് ഒരു ഡോസ്​ വാക്​സിനെങ്കിലും സ്വീകരിച്ചിരിക്കണം. ഒക്​ടോബർ ഒന്നു മുതൽ സ്വദേശികളും വിദേശികളും രണ്ട്​ ഡോസ്​ വാക്​സിൻ സ്വീകരിക്കൽ നിർബന്ധമാണ്​.