പ്രി​ട്ടോ സാ​മു​വ​ലി​ന് യാ​ത്ര​യ​യ​പ്പും അ​നീ​ഷ് ക​ട​വി​ലി​ന്​ സ്വീ​ക​ര​ണ​വും

മ​സ്ക​ത്ത്​: ഒ​മാ​നി​ലെ പ്ര​വാ​സ​ജീ​വി​തം അ​വ​സാ​നി​പ്പി​ച്ച് മ​റ്റൊ​രു രാ​ജ്യ​ത്തേ​ക്ക് പോ​കു​ന്ന സാ​മൂ​ഹി​ക പ്ര​വ​ർ​ത്ത​ക​നും സേ​വ് ഒ.​ഐ.​സി.​സി നാ​ഷ​ന​ൽ ക​മ്മി​റ്റി സെ​ക്ര​ട്ട​റി​യു​മാ​യ പ്രി​ട്ടോ സാ​മു​വ​ലി​ന് യാ​ത്ര​യ​യ​പ്പു ന​ൽ​കി. സേ​വ് ഒ.​ഐ.​സി.​സി​യു​ടെ ആ​ഭി​മു​ഖ്യ​ത്തി​ലാ​യി​രു​ന്നു പ​രി​പാ​ടി സം​ഘ​ടി​പ്പി​ച്ചി​രു​ന്ന​ത്.

കോ​വി​ഡ് മ​ഹാ​മാ​രി സ​മ​യ​ത്തും ശ​ഹീ​ൻ ചു​ഴ​ലി​ക്കാ​റ്റ് വേ​ള​യി​ലും പ്രി​ട്ടോ​യു​ടെ നേ​തൃ​ത്വ​ത്തി​ൽ ന​ട​ത്തി​യ സാ​മൂ​ഹി​ക സേ​വ​ന​ത്തെ യോ​ഗ​ത്തി​ൽ സം​സാ​രി​ച്ച​വ​ർ പ്ര​കീ​ർ​ത്തി​ച്ചു. പ്രി​ട്ടോ​വി​നു​ള്ള ഉ​പ​ഹാ​രം കൈ​മാ​റി. പ്ര​വാ​സ​ജീ​വി​ത​ത്തി​ൽ ജ​ന​ങ്ങ​ളും സു​ഹൃ​ത്തു​ക്ക​ളും സ​ഹ​പ്ര​വ​ർ​ത്ത​ക​രും ന​ൽ​കി​യ പി​ന്തു​ണ​ക്കു പ്രി​ട്ടോ സാ​മു​വ​ൽ ന​ന്ദി പ​റ​ഞ്ഞു.

ദു​ബൈ കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന പെ​രു​മ്പാ​വൂ​ർ നി​വാ​സി​ക​ളു​ടെ സാം​സ്കാ​രി​ക കൂ​ട്ടാ​യ്മ​യാ​യ പെ​രു​മ്പാ​വൂ​ർ പ്ര​വാ​സി അ​സോ​സി​യേ​ഷ​ന്റെ ഈ ​വ​ർ​ഷ​ത്തെ മി​ക​ച്ച സാ​മൂ​ഹി​ക പ്ര​വ​ർ​ത്ത​ക​നു​ള്ള അ​വാ​ർ​ഡ് നേ​ടി​യ അ​നീ​ഷ് ക​ട​വി​ലി​നെ അ​നു​മോ​ദി​ച്ചു. സേ​വ് ഒ.​ഐ.​സി.​സി ഒ​മാ​ൻ നാ​ഷ​ന​ൽ പ്ര​സി​ഡ​ന്റ്​ കൂ​ടി​യാ​യ അ​നീ​ഷ് ക​ഴി​ഞ്ഞ ര​ണ്ടു പ​തി​റ്റാ​ണ്ടു​ക​ളാ​യി ഒ​മാ​നി​ലെ സാ​മൂ​ഹി​ക സാം​സ്കാ​രി​ക രം​ഗ​ത്ത് സ​ജീ​വ​മാ​ണ്. അ​നീ​ഷി​ന് ല​ഭി​ച്ച അം​ഗീ​കാ​രം സാ​മൂ​ഹി​ക പ്ര​വ​ർ​ത്ത​ക​ർ​ക്ക് പ്രോ​ത്സാ​ഹ​ന​മാ​ണെ​ന്നും കൂ​ടു​ത​ൽ ആ​ത്മാ​ർ​ഥ​മാ​യി പ്ര​വ​ർ​ത്തി​ക്കാ​ൻ അ​നീ​ഷി​ന് പ്ര​ചോ​ദ​ന​മാ​ക​ട്ടെ എ​ന്നും ച​ട​ങ്ങി​നെ​ത്തി​യ​വ​ർ ആ​ശം​സി​ച്ചു. സ്വീ​ക​ര​ണ​ത്തി​ന് അ​നീ​ഷ് ക​ട​വി​ൽ ന​ന്ദി പ​റ​ഞ്ഞു.

ഒ.​ഐ.​സി.​സി ഒ​മാ​ൻ മു​ൻ പ്ര​സി​ഡ​ന്റും ലോ​ക കേ​ര​ള സ​ഭ അം​ഗ​വു​മാ​യ സി​ദ്ദി​ഖ് ഹ​സ​ൻ അ​നു​മോ​ദ​ന പ്ര​ഭാ​ഷ​ണം ന​ട​ത്തി. സേ​വ് ഒ.​ഐ.​സി.​സി ജ​ന​റ​ൽ സെ​ക്ര​ട്ട​റി ജി​ജോ ക​ട​ന്തോ​ട്ട്, ട്ര​ഷ​റ​ർ സ​തീ​ഷ് പ​ട്ടു​വം, നാ​ഷ​ന​ൽ ക​മ്മി​റ്റി അം​ഗ​ങ്ങ​ൾ തു​ട​ങ്ങി​യ​വ​ർ ച​ട​ങ്ങി​ന് നേ​തൃ​ത്വം ന​ൽ​കി.