പെരുന്നാൾ: 460 തടവുകാർക്ക്​ സുൽത്താൻ മാപ്പ്​ നൽകി

മസ്​കത്ത്​: ​ചെറിയ പെരുന്നാളിനോടനുബന്ധിച്ച്​ സുൽത്താൻ ഹൈതം ബിൻ ത്വാരിഖ്​ രാജ്യത്തെ ജയിലുകളിൽ വിവിധ കേസുകളിൽ അകപ്പെട്ട്​ കഴിയുന്ന 460പേർക്ക്​ മാപ്പുനൽകി. തടവുകാരുടെ കുടുംബങ്ങളെ കണക്കിലെടുത്താണ്​ മാപ്പ്​ നൽകിയിരിക്കുന്നതെന്ന്​ ഒമാൻ വാർത്ത ഏജൻസി പത്രക്കുറിപ്പിൽ അറിയിച്ചു. എല്ലാ വർഷവും ചെറിയപെരുന്നാളിനോടനുബന്ധിച്ച്​ തടവുകാർക്ക്​ മാപ്പ്​ നൽകി വിട്ടയക്കാറുണ്ട്​. കഴിഞ്ഞ വർഷം 797തടവുകാരെയാണ്​ ഇത്തരത്തിൽ മോചിപ്പിച്ചത്​. ഇവരിൽ 301പേർ പ്രവാസികളടക്കമുള്ള വിദേശികളായിരുന്നു.