ഒമാൻ താൽക്കാലിക തൊഴിൽ പെർമിറ്റുകൾ അനുവദിക്കും

മസ്​കത്ത്​: താൽക്കാലിക തൊഴിൽ പെർമിറ്റുകൾ അനുവദിക്കുന്നത്​ സംബന്ധിച്ച്​ ഒമാൻ തൊഴിൽ മന്ത്രി ഡോ.മഹദ്​ സൈദ്​ ബഉൗവി​െൻറ ഉത്തരവ്​ പുറത്തിറങ്ങി. നാല്​, ആറ്​, ഒമ്പത് എന്നീ കാലയളവുകളിലേക്കാണ്​ താൽക്കാലിക പെർമിറ്റ്​ നൽകുക. വിദേശ തൊഴിലാളിയെ ജോലിക്ക്​ എടുക്കേണ്ടത്​ അത്യാവശ്യമായ സാഹചര്യത്തിൽ മാത്രമാണ്​ ഇതിന്​ അനുമതി നൽകുക. ഉയർന്ന തസ്​തികകളിലേക്കുള്ള താൽക്കാലിക തൊഴിൽ പെർമിറ്റുകൾക്ക്​ നാല്​ മാസത്തേക്ക്​ 336 റിയാലും ആറ്​ മാസത്തേക്ക്​ 502 റിയാലും ഒമ്പത്​ മാസത്തേക്ക്​ 752 റിയാലും നൽകണം. മിഡിൽ തസ്​തികകളിൽ നാല്​ മാസത്തേക്ക്​ 169, ആറ്​ മാസത്തേക്ക്​ 252, ഒമ്പത്​ മാസത്തേക്ക്​ 377 റിയാൽ എന്നിങ്ങനെയും ടെക്​നികൽ, സ്​പെഷ്യലൈസ്​ഡ്​ തസ്​തികകളിൽ നാല്​ മാസത്തേക്ക്​ 101, ആറ്​ മാസത്തേക്ക്​ 151, ഒമ്പത്​ മാസത്തേക്ക്​ 226 റിയാൽ എന്നിങ്ങനെയാണ്​ നിരക്കുകൾ.

തൊഴിൽ മന്ത്രാലയം കഴിഞ്ഞയാഴ്​ച നടത്തിയ വാർത്താസമ്മേളനത്തിൽ വിശദമാക്കിയ തൊഴിൽ പെർമിറ്റ്​ ഫീസ്​ വർധനവി​െൻറ വിശദ വിവരങ്ങളും ഉത്തരവിലുണ്ട്​. നാലായിരം റിയാലിന്​ മുകളിൽ വേതനം വാങ്ങുന്നവരുടെ തൊഴിൽ പെർമിറ്റിനാണ്​ 2001 റിയാൽ ഫീസ്​ നൽകേണ്ടത്​. 2500 മുതൽ 3999 റിയാൽ വരെ വേതനം വാങ്ങുന്നവർക്ക്​ 1001 റിയാലും ഇൗടാക്കും. ടെക്​നികൽ, സ്​പെഷ്യലൈസ്​ഡ്​ തസ്​തികകളിൽ 601 റിയാലുമാണ്​ നിരക്ക്​. ഫിഷർമാൻ തസ്​തികയിൽ 361 റിയാൽ, മൂന്ന്​ വരെ വീട്ടുജോലിക്കാർക്ക്​ 141 റിയാലും നാലിന്​ മുകളിൽ 241 റിയാലും മൂന്ന്​ വരെ കൃഷിക്കാർക്ക്​ 201 റിയാലും നാലിന്​ മുകളിലുള്ളവർക്ക്​ 301 റിയാലുമാണ്​ പുതുക്കിയ ഫീസ്​. ജീവനക്കാരുടെ വിവരങ്ങൾ മാറ്റുന്നതിന്​ അഞ്ച്​ റിയാലും തൊഴിലുടമയെ മാറ്റുന്നതിന്​ അഞ്ച്​ റിയാലുമാണ്​ ഫീസ്​. രണ്ട്​ തീരുമാനങ്ങളും മൂന്ന്​ മാസത്തിന്​ ശേഷമായിരിക്കും പ്രാബല്ല്യത്തിൽ വരുക.