റൂവിയിലെ തീ പിടിത്തം: 11 പേർക്ക്​ പരിക്ക്​

മസ്കത്ത്​: റൂവിയിലെ വ്യാപാര സ്ഥാപനത്തില​​ണ്ടായ തി പിടിത്തത്തിൽ 11പേർക്ക്​ പരിക്കേറ്റതായി സിവിൽ ഡിഫൻസ്​ ആൻഡ്​ ആംബുലൻസ്​ അധികൃതർ അറിയിച്ചു. രണ്ടുപേരെ ആശുപത്രിയിലേക്ക്​ മാറ്റി. പരിക്കേറ്റവർക്ക്​ സംഭവസ്ഥലത്തുവെച്ച്​ പ്രാഥമിക ചികിത്സ നൽകിയെന്നും അധികൃതർ അറിയിച്ചു.

വെള്ളിയാഴ്ച രാത്രി ഏഴുമണിക്കായിരുന്ന റൂവി​ നഗരത്തിലെ ദോഫാർ വ്യാപാര ബിൽഡിങ്ങിൽ തീ പിടിത്തമുണ്ടായത്​. നിരവധി അഗ്​നിശമന സേനാ യൂനിറ്റിന്‍റെ നേതൃത്വത്തിൽ ക്രയിൻ അടക്കമുള്ള സജ്ജീകരണങ്ങൾ ഉപയോഗിച്ച്​ ​ രാത്രി വൈകിയിട്ടു തീ അണച്ച്​ കൊണ്ടിരിക്കുകയാണ്​​.

തീ ആളിപ്പടർന്നതോടെ സമീപത്തെ കടകൾ അടപ്പിക്കുകയും ആളുക​ളെ ഒഴിപ്പിക്കുകയും ചെയ്തു. ഷോർട്ട്​സർക്യൂട്ടാണ്​ അപകടത്തിന്​ കാരണമെന്ന്​ കരുതുന്നു.