ഒ​മാ​നി​ൽ ആ​ദ്യ ഹൈ​ഡ്ര​ജ​ൻ പ​മ്പ്​ അ​ടു​ത്ത വ​ർ​ഷം

മ​സ്ക​ത്ത്​: ഒ​മാ​നി​ൽ ആ​ദ്യ ഹൈ​ഡ്ര​ജ​ൻ പ​മ്പ്​ അ​ടു​ത്ത വ​ർ​ഷം തു​റ​ക്കും. ഹൈ​ഡ്ര​ജ​ൻ ഇ​ന്ധ​നം നി​റ​ക്കു​ന്ന സ്റ്റേ​ഷ​ൻ രൂ​പ​ക​ൽ​പ​ന ചെ​യ്യു​ന്ന​തി​നും വി​ക​സി​പ്പി​ക്കു​ന്ന​തി​നും സ്ഥാ​പി​ക്കു​ന്ന​തി​നു​മാ​യി ഷെ​ൽ ഡെ​വ​ല​പ്‌​മെ​ന്റ് ഒ​മാ​ൻ (ഒ​മാ​ൻ ഷെ​ൽ) സൗ​ദി അ​റേ​ബ്യ ആ​സ്ഥാ​ന​മാ​യു​ള്ള ഹൈ​ഡ്ര​ജ​ൻ സാ​ങ്കേ​തി​ക മേ​ഖ​ല​യി​ലെ ക​മ്പ​നി​യാ​യ ഹൈ​ഡ്ര​ജ​ൻ സി​സ്റ്റം​സു​മാ​യി ക​രാ​റി​ലെ​ത്തി.

ഇ​ല​ക്ട്രോ​ലൈ​സ​റു​ക​ളു​ടെ വി​ശ​ദ​മാ​യ എ​ൻ​ജി​നീ​യ​റി​ങ്, സം​ഭ​ര​ണം, ഗു​ണ​നി​ല​വാ​രം, നി​യ​ന്ത്ര​ണം, വി​ത​ര​ണം എ​ന്നി​വ ക​രാ​റ​നു​സ​രി​ച്ച്​ ഹൈ​ഡ്ര​ജ​ൻ സി​സ്റ്റം​സി​ന്‍റെ ചു​മ​ത​ല​യാ​യി​രി​ക്കും.

മാ​ർ​ച്ചി​ൽ ഒ​മാ​ൻ ഷെ​ല്ലും ഒ​മാ​ൻ എ​യ​ർ​പോ​ർ​ട്ടും ഷെ​ല്ലി​ന്റെ ഗ്രീ​ൻ ഹൈ​ഡ്ര​ജ​ൻ ഫോ​ർ മൊ​ബി​ലി​റ്റി പ​ദ്ധ​തി​ക്കാ​യി ഭൂ​മി അ​നു​വ​ദി​ച്ചി​രു​ന്നു. സി​വി​ൽ ഏ​വി​യേ​ഷ​ൻ അ​തോ​റി​റ്റി​യു​ടെ ഉ​ട​മ​സ്ഥ​ത​യി​ലു​ള്ള​തും മ​സ്‌​ക​ത്ത്​ ഇ​ന്റ​ർ​നാ​ഷ​ന​ൽ എ​യ​ർ​പോ​ർ​ട്ടി​ന് സ​മീ​പ​മു​ള്ള​തു​മാ​യ ഭൂ​മി​യാ​ണ് പ​ദ്ധ​തി​ക്കാ​യി അ​നു​വ​ദി​ച്ചി​രി​ക്കു​ന്ന​ത്.