കോവിഡ്​ വാക്​സി​െൻറ ആദ്യ ബാച്ച്​ ഒമാനിലെത്തി

മസ്​കത്ത്​: കോവിഡ്​ വാക്​സി​െൻറ ആദ്യ ബാച്ച്​ ഒമാനിലെത്തി. ഡി.എച്ച്​.എൽ കാർഗോ വിമാനത്തിൽ വ്യാഴാഴ്​ച വൈകുന്നേരം മസ്​കത്ത്​ അന്താരാഷ്​ട്ര വിമാനത്താവളത്തിലാണ്​ വാക്​സിൻ എത്തിച്ചത്​. 15600 ഡോസ്​ വാക്​സിൻ ആരോഗ്യ വകുപ്പ്​ അധികൃതർ ഏറ്റുവാങ്ങി. ഫൈസർ-ബയോൺടെക്​ കോവിഡ്​ വാക്​സി​െൻറ ആദ്യ ബാച്ച്​ ലഭിച്ചതായി ആരോഗ്യ വകുപ്പ്​ അധികൃതരും സ്​ഥിരീകരിച്ചു. രണ്ട്​ ഡോസ്​ വാക്​സിൻ 21 ദിവസത്തെ ഇടവേളയിലാണ്​ നൽകുക. വാക്​സിനേഷൻ കാമ്പയിന്​ അടുത്ത ഞായറാഴ്​ചയാണ്​ തുടക്കമാവുക. വാക്​സിനേഷൻ കാര്യക്ഷമവും സുരക്ഷിതവുമാണെന്ന്​ ഉറപ്പുവരുത്തുന്നതിനായി ആരോഗ്യ വകുപ്പ്​ മന്ത്രി ഡോ. അഹമ്മദ്​ ബിൻ മുഹമ്മദ്​ അൽ സഇൗദിയാണ്​ ആദ്യ ഡോസ്​ സ്വീകരിക്കുക. മുതിർന്നവർ, പ്രമേഹ ബാധിതർ, ഗുരുതര ശ്വാസകോശ രോഗങ്ങളുള്ളവർ, കോവിഡ്​ ​െഎ.സി.യു ജീവനക്കാർ തുടങ്ങി മുൻഗണനാ പട്ടികയിലുള്ളവർക്കാണ്​ ആദ്യ ഘട്ടത്തിൽ വാക്​സിൻ നൽകുക. മുൻഗണനാ പട്ടികയിലുള്ളവരിൽ 20 ശതമാനം പേർക്കാണ്​ ആദ്യ ഘട്ടത്തിൽ വാക്​സിൻ നൽകുക. വിവിധ ഘട്ടങ്ങളിലായി ജനസംഖ്യയുടെ 60 ശതമാനം പേർക്ക്​ വാക്​സിൻ നൽകാനാണ്​ ആരോഗ്യ വകുപ്പ്​ ലക്ഷ്യമിടുന്നത്​. വാക്​സി​െൻറ രണ്ടാമത്​ ബാച്ച്​ ജനുവരിയിലാകും ലഭിക്കുക. 28000 ഡോസ്​ ആണ്​ ജനുവരിയിൽ ഒമാനിലെത്തുകയെന്ന്​ ആരോഗ്യ വകുപ്പുമായി ബന്ധപ്പെട്ടവർ പറഞ്ഞു.