ആ​ദ്യ കാ​റ്റാ​ടി പ​ദ്ധ​തി അ​ഞ്ചാം വ​യ​​​സ്സി​ലേ​ക്ക്; വൈ​ദ്യു​തി ഉ​ൽ​പാ​ദ​നരം​ഗ​ത്ത് നാ​ഴി​ക​ക്കല്ല്

മ​സ്ക​ത്ത്: ഒ​മാ​നി​ലെ ആ​ദ്യ​ത്തെ കാ​റ്റാ​ടി പ​ദ്ധ​തി​യാ​യ ദോ​ഫാ​ർ വി​ന്റ് പ​വ​ർ അ​ഞ്ച് വ​ർ​ഷം പൂ​ർ​ത്തി​യാ​കു​ന്നു. അ​ടു​ത്ത മാ​സ​ത്തോ​ടെ അ​ഞ്ച്​ വ​ർ​ഷം പൂ​ർ​ത്തി​യാ​വു​ന്ന പ​ദ്ധ​തി വൈ​ദ്യു​തി ഉ​ൽ​പാ​ദ​ന രം​ഗ​ത്ത് നാ​ഴി​ക​ക​ല്ലാ​യി മാ​റു​ക​യാ​ണ്. 50 മെ​ഗാവാ​ട്ട് ഉ​ൽ​പാ​ദ​ന ക്ഷ​മ​ത​യു​ള്ള കാ​റ്റാ​ടി പ​ദ്ധ​തി​യി​ൽ​നി​ന്ന് ഏ​ക​ദേ​ശം 522,423 മെ​ഗാ ഹ​വ​ർ വൈ​ദ്യു​തി​യാ​ണ്​ ഉ​ൽ​പാ​ദി​പ്പി​ച്ച​ത്.

ഈ ​മി​ക​ച്ച വൈ​ദ്യു​തി ഉ​ൽ​പാ​ദ​നം കാ​റ്റാ​ടി യ​ന്ത്ര പ​ദ്ധ​തി​യു​ടെ ഉ​ൽ​പാ​ദ​ന ക്ഷ​മ​ത മാ​ത്ര​മ​ല്ല ഇ​ത്ത​രം രൂ​പ​ത്തി​ലു​ള്ള വൈ​ദ്യു​ത പ​ദ്ധ​തി​യു​ടെ സാ​ധ്യ​ത​കൂ​ടി​യാ​ണ് വ്യ​ക്ത​മാ​ക്കു​ന്ന​ത്.

ഈ ​പ​ദ്ധ​തി​യു​ടെ സാ​ങ്കേ​തി​ക മി​ക​വും പ്ര​വ​ർ​ത്ത​ന​ത്തി​ലു​ള്ള കാ​ര്യ​ക്ഷ​മ​ത​യു​മാ​ണ് ഈ ​ഉ​യ​ർ​ന്ന അ​ള​വി​ലു​ള്ള വൈ​ദ്യു​തി ഉ​ൽ​പാ​ദ​നം തെ​ളി​യി​ക്കു​ന്ന​ത്. ഇ​ത്ത​രം പു​ന​രു​ൽ​പ്പാ​ദ​ന വൈ​ദ്യു​ത പ​ദ്ധ​തി പ​രി​സ്ഥി​തി​യെ ബാ​ധി​ക്കാ​ത്ത രീ​തി​യി​ൽ എ​ങ്ങ​നെ ന​ട​പ്പാ​ക്കു​മെ​ന്ന​തി​ന്‍റെ തെ​ളി​വു​കൂ​ടി​യാ​ണ് ദോ​ഫാ​ർ വി​ന്റ് പ​ദ്ധ​തി​യെ​ന്ന് വി​ദ​ഗ്​​ധ​ർ പ​റ​യു​ന്നു.

ദോ​ഫാ​ർ വ​ന്റ് പ​ദ്ധ​തി​യു​ടെ ഏ​റ്റ​വും വ​ലി​യ നേ​ട്ടം അ​ന്ത​രീ​ക്ഷ​ത്തി​ലേ​ക്കു​ള്ള കാ​ർ​ബ​ൺ ഡ​യോ​ക്സൈ​ഡ് ബ​ഹി​ർ​ഗ​മ​നം കു​റ​ക്കാ​ൻ ക​ഴി​യു​ന്നു​വെ​ന്ന​താ​ണ്. ഓ​രോ വ​ർ​ഷ​വും പ​ദ്ധ​തി​യി​ലൂ​ടെ 170,936 ട​ൺ കാ​ർ​ബ​ൺ ഡ​യോ​ക്സൈ​ഡ് ബ​ഹി​ർ​ഗ​മ​ന​മാ​ണ് കു​റ​ക്കു​ന്ന​ത്.

ഇ​ങ്ങ​നെ ക​ർ​ബ​ൺ​ഡ​യോ​ക്സൈ​ഡ് കു​റ​ക്കു​ന്ന​ത് വാ​യു​വി​ന്റെ ഗു​ണ നി​ല​വാ​രം മെ​ച്ച​പ്പെ​ടു​ത്തു​ക​യും അ​ന്ത​രീ​ക്ഷ​ത്തി​ലെ കാ​ർ​ബ​ൺ​ഡ​യോ​ക്സൈ​ഡ് അ​ള​വ് കു​റ​ക്കാ​നും സ​ഹാ​യി​ക്കും. കാ​റ്റാ​ടി പ​ദ്ധ​തി​ക​ൾ പെ​ട്രോ​ളി​യം ഇ​ന്ധ​ന​ങ്ങ​ൾ​ക്കും ഏ​റ്റ​വും ന​ല്ല പ​ക​ര​ക്കാ​രാ​ണ്.

ഈ ​പ​ദ്ധ​തി മ​റ്റു ഭാ​ഗ​ങ്ങ​ളി​ൽ​കൂ​ടി ന​ട​പ്പാ​ക്കു​ക വ​ഴി കാ​ലാ​വ​സ്ഥ വ്യ​തി​യാ​ന​വും അ​തു​ണ്ടാ​ക്കു​ന്ന പ്ര​ശ്ന​ങ്ങ​ൾ കു​റ​ക്കാ​നും ഇ​ത്ത​രം പ​ദ്ധ​തി​ക​ൾ​ക്ക് ക​ഴി​യും. ദോ​ഫാ​ർ വി​ന്‍റ് പ​വ​ർ കൊ​ണ്ട് പ​രി​സ്ഥി​തി രം​ഗ​ത്തെ മെ​ച്ചം മാ​ത്ര​മ​ല്ല പ്ര​ദേ​ശ​ത്തെ ജ​ന​ങ്ങ​ൾ​ക്കും ഗു​ണ​മാ​വു​ന്നു​ണ്ട്.

പ​ദ്ധ​തി​യി​ലൂ​ടെ ശ​രാ​ശ​രി 4,146 വീ​ടു​ക​ളി​ലാ​ണ് വൈ​ദ്യു​തി ല​ഭി​ക്കു​ന്ന​ത്. ഇ​ത് പ്ര​ദേ​ശ​ത്തെ താ​മസ​ക്കാ​ർ​ക്കും കാ​ർ​ഷി​ക മേ​ഖ​ല​യി​ലു​ള്ള​വ​ർ​ക്കും അ​നു​ഗ്ര​ഹ​മാ​വും.

ദോ​ഫാ​ർ വി​ന്‍റ്​ പ​വ​ർ പ​ദ്ധ​തി​യു​ടെ വി​ജ​യം ഈ ​മേ​ഖ​ല​യി​ലെ നി​ക്ഷേ​പ സാ​ധ്യ​ത വ​ർ​ധി​പ്പി​ക്കു​ക​യാ​ണ്. പ​രി​സ്ഥി​തി​ക്ക് കോ​ട്ടം ത​ട്ടാ​ത്ത രീ​തി​യി​ലും സാ​മ്പ​ത്തി​ക നേ​ട്ടം ഉ​ണ്ടാ​ക്കാ​ൻ ക​ഴി​യു​ന്ന രീ​തി​യി​ലും എ​ങ്ങ​നെ പ​ദ്ധ​തി ന​ട​പ്പാ​ക്കാ​ൻ ക​ഴി​യു​മെ​ന്ന​തി​ന്‍റെ മി​ക​ച്ച ഉ​ദാ​ഹ​ര​ണ​മാ​ണ്. പ​ദ്ധ​തി ഒ​മാ​ന്റെ ഹ​രി​ത ഭാ​വി​യും പ്ര​കൃ​തി വി​ഭ​വ​ങ്ങ​ൾ എ​ങ്ങ​നെ ഉ​പ​യോ​ഗ​പ്പെ​ടു​ത്താ​മെ​ന്ന കാ​ര്യ​വു​മാ​ണ് അ​ടി​വ​ര​യി​ടു​ന്ന​ത്.