വിമാനത്തിൽ സാമൂഹിക അകലമില്ല, പിന്നിലെ ഒമ്പത്​ സീറ്റുകൾ ഒഴിച്ചിടും

മനാമ: പ്രവാസികളെ നാട്ടിലേക്ക്​ തിരിച്ചുകൊണ്ടുപോകു​േമ്പാൾ വിമാനത്തിൽ സാമൂഹിക അകലം പാലിക്കുന്നതിന്​ സീറ്റുകൾ ഒഴിച്ചിടില്ല. പകരം പിൻഭാഗത്തുള്ള ഒമ്പത്​ സീറ്റുകൾ ഒഴിച്ചിടും. ആർക്കെങ്കിലും രോഗ ലക്ഷണങ്ങൾ കണ്ടാൽ അവരെ ഇൗ സീറ്റുകളിലേക്ക്​ മാറ്റി ക്വാറൻറീൻ ചെയ്യുമെന്ന്​ എയർ ഇന്ത്യ അധികൃതർ പറഞ്ഞു. 

വിദേശ രാജ്യങ്ങളിൽ കോവിഡ്​ ടെസ്​റ്റ്​ നിർബന്ധമാക്കാതെയാണ്​ യാത്രക്കാരെ വിമാനത്തിൽ കയറ്റുന്നത്​. വിമാനത്തിൽ കയറുന്നതിന്​ മുമ്പ്​ എല്ലാവർക്കും തെർമൽ സ്​ക്രീനിങ്​ നടത്തും. സർക്കാർ നിർദേശിച്ച പ്രകാരമുള്ള സാക്ഷ്യപത്രവും നൽകണം. 
ബഹ്​റൈനിൽനിന്ന്​ എയർ ഇന്ത്യ എക്​സ്​പ്രസ്​ വിമാനം വെള്ളിയാഴ്​ച കൊച്ചിയിലേക്കും തിങ്കളാഴ്​ച കോഴിക്കോ​േട്ടക്കുമാണ്​ സർവീസ്​ നടത്തുന്നത്​. 

177 യാത്രക്കാരെ വീതമാണ്​ ഒാരോ വിമാനത്തിലും കൊണ്ടുപോവുക. വെള്ളിയാഴ്​​ചത്തെ കൊച്ചി വിമാനം പ്രാദേശിക സമയം വൈകിട്ട്​ നാലിന്​ ബഹ്​റൈനിൽനിന്ന്​ പുറപ്പെട്ട്​ രാ​ത്രി 10.50ന്​ കൊച്ചിയിൽ എത്തും. കോഴിക്കോ​േട്ടക്കുള്ള വിമാനം വൈകിട്ട്​ 4.30ന്​ പുറപ്പെട്ട്​ രാത്രി 11.20ന്​ ലക്ഷ്യസ്​ഥാനത്തെത്തും. പ്രവാസികളെ തിരിച്ചുകൊണ്ടുപോകൽ പദ്ധതി പ്രകാരം നാട്ടിലേക്ക്​ മടങ്ങുന്നവർക്ക്​ അവർ നേരത്തെ ബുക്ക്​ ചെയ്​ത ടിക്കറ്റുകളുടെ തുക പുർണ്ണമായി തിരിച്ചുനൽകും. ഏത്​ സമയത്തെ യാത്രക്കുള്ള ടിക്കറ്റാണെങ്കിലും പൂർണ്ണ റീഫണ്ട്​ ലഭിക്കുമെന്ന്​ എയർ ഇന്ത്യ അധികൃതർ വ്യക്​തമാക്കി.