ലി​ബി​യ​യി​ലെ വെ​ള്ള​പ്പൊ​ക്കം: സ​ഹാ​യ​ഹ​സ്ത​വു​മാ​യി ഒ​മാ​ൻ

മ​സ്ക​ത്ത്​: വെ​ള്ള​പ്പൊ​ക്ക​ത്തെ​ത്തു​ട​ർ​ന്ന്​ പ്ര​യാ​സ​മ​നു​ഭ​വി​ക്കു​ന്ന ലി​ബി​യ​യി​ലെ ജ​ന​ങ്ങ​ൾ​ക്ക് സ​ഹാ​യ​ഹ​സ്​​​ത​വു​മാ​യി ഒ​മാ​ൻ. 80 ട​ണ്ണി​ല​ധി​കം അ​വ​ശ്യ​വ​സ്തു​ക്ക​ളും വൈ​ദ്യ​സ​ഹാ​യ​വും എ​ത്തി​ച്ചു. ലി​ബി​യ​ൻ റെ​ഡ് ക്രെ​സ​ന്റി​നാ​ണ്​ സ​ഹാ​യ​ങ്ങ​ൾ കൈ​മാ​റി​യ​തെ​ന്ന്​ ഒ​മാ​ൻ ചാ​രി​റ്റ​ബി​ൾ ഓ​ർ​ഗ​നൈ​സേ​ഷ​ൻ (ഒ.​സി.​ഒ) അ​റി​യി​ച്ചു. പ്ര​ത്യേ​ക വി​മാ​ന​ത്തി​ലാ​യി​രു​ന്നു സാ​ധ​ന​ങ്ങ​ൾ എ​ത്തി​ച്ച​ത്.

ലി​ബി​യ​യി​ലേ​ക്ക്​ സ​ഹാ​യ​മെ​ത്തി​ക്കാ​ൻ സു​ൽ​ത്താ​ൻ ഹൈ​തം ബി​ൻ താ​രി​ഖ്​ അ​ടി​യ​ന്ത​ര നി​ർ​ദേ​ശം ന​ൽ​കി​യി​രു​ന്നു. ഇ​രു രാ​ജ്യ​ങ്ങ​ളും ത​മ്മി​ലു​ള്ള സാ​ഹോ​ദ​ര്യ ബ​ന്ധ​ത്തി​ന്റെ ച​ട്ട​ക്കൂ​ടി​നു​ള്ളി​ൽ​നി​ന്നും വി​വി​ധ പ്ര​കൃ​തി ദു​ര​ന്ത​ങ്ങ​ളാ​ൽ ദു​രി​ത​മ​നു​ഭ​വി​ക്കു​ന്ന​വ​ർ​ക്ക് ആ​ശ്വാ​സം ന​ൽ​കു​ന്ന​തി​നാ​യി സു​ൽ​ത്താ​നേ​റ്റ് ന​ട​ത്തു​ന്ന മാ​നു​ഷി​ക സം​രം​ഭ​ത്തി​ന്റെ ഭാ​ഗ​മാ​യാ​ണ്​ സ​ഹാ​യം.

സം​ഭ​വ​ത്തി​ൽ അ​നു​ശോ​ചി​ച്ച്​ ലി​ബി​യ​ൻ പ്ര​സി​ഡ​ൻ​ഷ്യ​ൽ കൗ​ൺ​സി​ൽ പ്ര​സി​ഡ​ന്റ് ഡോ. ​മു​ഹ​മ്മ​ദ് അ​ൽ മാ​ൻ​ഫി​ക്ക് സു​ൽ​ത്താ​ൻ ഹൈ​തം ബി​ൻ താ​രി​ഖ് കേ​ബി​ൾ സ​ന്ദേ​ശ​വും അ​യ​ച്ചി​രു​ന്നു. വ​​ട​​ക്ക​​ൻ ലി​​ബി​​യ​​യി​​ലെ പ്ര​​ള​​യ​​ത്തി​​ൽ 3958 പേ​ർ മ​രി​ച്ചു​വെ​ന്നാ​ണ് ഐ​ക്യ​രാ​ഷ്ട്ര സ​ഭ അ​റി​യി​ച്ചി​രി​ക്കു​ന്ന​ത്. യു.​എ​ൻ ഓ​ഫി​സ് ഫോ​ർ ദ ​കോ​ഓ​ഡി​നേ​ഷ​ൻ ഓ​ഫ് ഹ്യു​മാ​നി​റ്റേ​റി​യ​ൻ അ​ഫ​യേ​ഴ്സ് (ഒ.​സി.​എ​ച്ച്.​എ) ആ​ണ് പു​തു​ക്കി​യ ക​ണ​ക്ക് പു​റ​ത്തു​വി​ട്ട​ത്. 9000 പേ​രെ​യാ​ണ് പ്ര​ള​യ​ത്തി​ൽ കാ​ണാ​താ​യ​ത്. പ്ര​ള​യ​ത്തി​ൽ 11,300 പേ​ർ മ​രി​ച്ചി​ട്ടു​ണ്ടാ​കാ​മെ​ന്നാ​ണ് നേ​ര​ത്തെ യു.​എ​ൻ വ്യ​ക്ത​മാ​ക്കി​യി​രു​ന്ന​ത്. എ​ന്നാ​ൽ, ലോ​കാ​രോ​ഗ്യ സം​ഘ​ട​ന​യു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് പു​തി​യ ക​ണ​ക്ക് യു.​എ​ൻ പു​റ​ത്തു​വി​ട്ട​ത്.

ദു​ര​ന്ത​ത്തി​ൽ അ​ക​പ്പെ​ട്ട​വ​രെ സ​ഹാ​യി​ക്കാ​ൻ 71 ദ​ശ​ല​ക്ഷം ഡോ​ള​റി​ന്റെ സ​ഹാ​യം വേ​ണ​മെ​ന്നാ​ണ് യു.​എ​ൻ മാ​നു​ഷി​ക കാ​ര്യ ഓ​ഫി​സ് അ​റി​യി​ച്ച​ത്. അ​വ​ശ്യ മ​രു​ന്നു​ക​ൾ, ശ​സ്ത്ര​ക്രി​യ സാ​മ​ഗ്രി​ക​ൾ അ​ട​ക്കം കി​ഴ​ക്ക​ൻ ലി​ബി​യ​യി​ലെ ഏ​ക​ദേ​ശം 2,50,000 ആ​ളു​ക​ൾ​ക്ക് അ​ടി​യ​ന്ത​ര സ​ഹാ​യം എ​ത്തി​ക്കാ​ൻ ലോ​കാ​രോ​ഗ്യ സം​ഘ​ട​ന ന​ട​പ​ടി സ്വീ​ക​രി​ച്ചി​ട്ടു​ണ്ട്.

ഡാ​​​​നി​​​​യ​​​​ൽ ചു​​​​ഴ​​​​ലി​​​​ക്കാ​​​​റ്റും പേ​​​​മാ​​​​രി​​​​യും ലി​​​​ബി​​​​യ​​​​ൻ തീ​​​​രം ​തൊ​​​​ട്ട സെ​പ്റ്റം​ബ​ർ ഒ​മ്പ​തി​ന് രാ​​​​ത്രി​​​​യാ​​​​ണ് 1,20,000 ജ​ന​സം​ഖ്യ​യു​ള്ള ഡെ​​​​ർ​​ന ന​​​​ഗ​​​​ര​​​​ത്തി​​​​ന് പു​​​​റ​​​​ത്തെ ര​​​​ണ്ട് ഡാ​​​​മു​​​​ക​​​​ൾ ഒ​​​​ന്നി​​​​ച്ച് ത​​​​ക​​​​ർ​​​​ന്ന​​​​ത്. ന​​​​ഗ​​​​ര​​​​മ​​​​ധ്യ​​​​ത്തി​​​​ലൂ​​​​ടെ ഒ​​​​ഴു​​​​കു​​​​ന്ന വാ​​​​ദി ഡെ​​​​ർ​​​ന പു​​​​ഴ ക​​​​വി​​​​ഞ്ഞ​ത് പ്ര​ള​യ​ത്തി​ന് കാ​ര​ണ​മാ​വു​ക​യാ​യി​രു​ന്നു.