മൂടൽമഞ്ഞിന്​ സാധ്യത

മസ്​കത്ത്​: രാജ്യത്ത്​ മൂടൽമഞ്ഞിന്​ സാധ്യതയുണ്ടെന്ന്​ കാലാവസ്​ഥ നിരീക്ഷണ കേന്ദ്രം അറിയിച്ചു. തെക്കൻ ശർഖിയ, ദാഖിലിയ, അൽ വുസ്​ത, ദോഫാർ ഗവർണറേറ്റുകളുടെ ഭാഗങ്ങളിലാണ്​ അർധരാത്രി മുതൽ പുലർച്ച വരെ സമയങ്ങളിൽ മൂടൽമഞ്ഞിന്​ സാധ്യത. രാജ്യത്തെ തണുത്ത കാലാവസ്​ഥയിൽ നേരിയ കുറവുണ്ടായിട്ടുണ്ട്​. സൈഖിലാണ്​ കുറഞ്ഞ താപനില അനുഭവപ്പെട്ടത്​. അൽ വുസ്​തയിലെ ഹൈമയിലും സലാലയിലും 26 ഡിഗ്രി താപനിലയും ഉണ്ടായി.