ഭ​ക്ഷ്യ​സു​ര​ക്ഷ; ‘കാ​ർ​ഷി​ക ന​ഗ​ര​ങ്ങ’​ളു​മാ​യി ഒ​മാ​ൻ

മ​സ്ക​ത്ത്: ഭ​ക്ഷ്യ​സു​ര​ക്ഷ​യും സാ​മ്പ​ത്തി​ക സു​സ്ഥി​ര​ത​യും ല​ക്ഷ്യ​മി​ട്ട് ‘കാ​ർ​ഷി​ക ന​ഗ​ര​ങ്ങ’​ളു​മാ​യി ഒ​മാ​ൻ. കൃ​ഷി, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യ​വു​മാ​യി സ​ഹ​ക​രി​ച്ച് ഭ​വ​ന, ന​ഗ​രാ​സൂ​ത്ര​ണ മ​ന്ത്രാ​ല​യ​മാ​ണ് പ​ദ്ധ​തി​ക്ക് നേ​തൃ​ത്വം ന​ൽ​കു​ന്ന​ത്. ഹൈ​ഡ്രോ​പോ​ണി​ക്‌​സ്, എ​യ​റോ​പോ​ണി​ക്‌​സ് തു​ട​ങ്ങി​യ നൂ​ത​ന സാ​ങ്കേ​തി​ക​വി​ദ്യ​ക​ളി​ലൂ​ടെ കാ​ർ​ഷി​ക​രീ​തി​ക​ളി​ൽ വി​പ്ല​വം സൃ​ഷ്ടി​ക്കാ​നാ​ണ് ല​ക്ഷ്യ​മി​ടു​ന്ന​ത്. ത​ന്ത്ര​പ്ര​ധാ​ന സ്ഥ​ല​ങ്ങ​ൾ തി​ര​ഞ്ഞെ​ടു​ക്കു​ന്ന​തി​ലൂ​ടെ​യും സു​സ്ഥി​ര​മാ​യ കാ​ർ​ഷി​ക അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കു​ന്ന​തി​ലൂ​ടെ​യും, പ്രാ​ദേ​ശി​ക ഉ​ൽ​പാ​ദ​നം വ​ർ​ധി​പ്പി​ക്കു​ന്ന​തി​നും രാ​ജ്യ​ത്തു​ട​നീ​ള​മു​ള്ള ഭ​ക്ഷ്യ​സു​ര​ക്ഷ ഉ​യ​ർ​ത്താ​നു​മാ​ണ് ഉ​​ദ്ദേ​ശി​ക്കു​ന്ന​ത്.

വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ സ​ഹം വി​ലാ​യ​ത്ത്, ദാ​ഹി​റ ഗ​വ​ർ​ണ​റേ​റ്റ്, ദോ​ഫാ​ർ ഗ​വ​ർ​ണ​റേ​റ്റി​ലെ തും​റൈ​ത്ത് വി​ലാ​യ​ത്തി​ലെ ന​ജ്ദ് മേ​ഖ​ല എ​ന്നി​ങ്ങ​നെ മൂ​ന്ന് സാ​ധ്യ​ത​യു​ള്ള സ്ഥ​ല​ങ്ങ​ൾ പ​ദ്ധ​തി​ക​ൾ​ക്കാ​യി ക​ണ്ടെ​ത്തി​യി​ട്ടു​ണ്ടെ​ന്ന് കാ​ർ​ഷി​ക ന​ഗ​ര​ങ്ങ​ളു​ടെ പ്രോ​ജ​ക്ട് ഡ​യ​റ​ക്ട​ർ എ​ൻ​ജി​നീ​യ​ർ സൗ​ദ് ബി​ൻ അ​ലി അ​ൽ ഫാ​ർ​സി പ​റ​ഞ്ഞു. ജ​ല​ല​ഭ്യ​ത, കാ​ലാ​വ​സ്ഥ സാ​ഹ​ച​ര്യ​ങ്ങ​ൾ, കാ​ർ​ഷി​ക ഉ​ൽ​പ​ന്ന​ങ്ങ​ൾ​ക്ക് കാ​ര്യ​ക്ഷ​മ​മാ​യ ഗ​താ​ഗ​തം എ​ന്നി​വ​യെ​ല്ലാം പ​രി​ഗ​ണി​ച്ചാ​ണ് ഈ ​സ്ഥ​ല​ങ്ങ​ൾ തി​ര​ഞ്ഞെ​ടു​ത്ത​ത്. സ​ഹം, ന​ജ്ദ് എ​ന്നീ ര​ണ്ട് സ്ഥ​ല​ങ്ങ​ൾ പ​ദ്ധ​തി​യു​ടെ ആ​ദ്യ ഘ​ട്ട വി​ക​സ​ന​ത്തി​നാ​യി ഉ​ൾ​പ്പെ​ടു​ത്തി​യി​ട്ടു​ണ്ട്. സ​ഹ​മി​ന് സു​ർ​ബാ​ന ജു​റോ​ങ് ക​മ്പ​നി​യെ​യും ന​ജ്ദി​നാ​യി ദാ​ർ അ​ൽ ഹ​ന്ദ​സ ക​മ്പ​നി​യെ​യും വി​ശ​ദ​പ​ദ്ധ​തി​ക​ൾ ത​യാ​റാ​ക്കാ​ൻ ചു​മ​ത​ല​പ്പെ​ടു​ത്തി.

സം​ഘ​ർ​ഷ​ങ്ങ​ളും കാ​ലാ​വ​സ്ഥ പ്ര​തി​സ​ന്ധി​ക​ളും ഉ​ൾ​പ്പെ​ടെ​യു​ള്ള ആ​ഗോ​ള വെ​ല്ലു​വി​ളി​ക​ൾ​ക്കി​ട​യി​ൽ ഭ​ക്ഷ്യ വി​ഭ​വ​ങ്ങ​ൾ സു​ര​ക്ഷി​ത​മാ​ക്കു​ന്ന പ​ദ്ധ​തി​ക്ക് വ​ള​രെ അ​ധി​കം പ്ര​ധാ​ന്യ​മു​ണ്ടെ​ന്ന് വ​ട​ക്ക​ൻ ബാ​ത്തി​ന ഗ​വ​ർ​ണ​ർ മു​ഹ​മ്മ​ദ് ബി​ൻ സു​ലൈ​മാ​ൻ അ​ൽ കി​ന്ദി പ​റ​ഞു.