മ​സ്ക​ത്ത് വി​മാ​ന​ത്താ​വ​ള​ത്തി​ൽ ഫ്രീസോ​ൺ ആ​രം​ഭി​ക്കും

മ​സ്ക​ത്ത്: മ​സ്ക​ത്ത് അ​ന്ത​ാരാ​ഷ്ട്ര വി​മാ​ന​ത്താ​വ​ള​ത്തി​ൽ ഫ്രീസോ​ൺ ആ​രം​ഭി​ക്കാ​ൻ ക​രാ​ർ ഒ​പ്പു വെ​ച്ചു. സ്പെ​ഷ്ൽ സോ​ൺ​സ് ആ​ൻ​ഡ്​ ഫ്രീ​സോ​ൺ പൊ​തു അ​തോ​റി​റ്റി​യും അ​സ്‍യാ​ദ് ഗ്രൂ​പ്പും ത​മ്മി​ലാ​ണ് സം​ബ​ന്ധ​മാ​യ ക​രാ​റി​ൽ ക​ഴി​ഞ്ഞ ദി​വ​സം എ​ത്തി​യ​ത്. വി​മാ​ന​ത്താ​വ​ളം കേ​ന്ദ്ര​മാ​ക്കി ആ​രം​ഭി​ക്കു​ന്ന ആ​ദ്യ ഫ്രീ​സോ​ൺ കൂ​ടി​യാ​ണി​ത്.

ഈ ​ഫ്രീസോ​ൺ പ​ദ്ധ​തി രാ​ജ്യ​ത്തി​ന്‍റെ സാ​മ്പ​ത്തി​ക മേ​ഖ​ല വൈ​വി​ധ്യ​വ​ത്ക്ക​രി​ക്കാ​ൻ സ​ഹാ​യ​ക​മാ​വും. ഒ​ന്നാം ഘ​ട്ട​ത്തി​ൽ 3,70,000 ച​തു​ര​ശ്ര മീ​റ്റ​ർ ഏ​രി​യ​യി​ലാ​ണ് പ​ദ്ധ​തി ന​ട​പ്പാ​ക്കു​ക. ഇ​തി​ന്റെ ഭാ​ഗ​മാ​യി വൈ​ദ്യു​തി, വെ​ളി​ച്ചം എ​ന്നി​വ എ​ത്തി​ക്കാ​നു​ള്ള പ​ദ്ധ​തി​യാ​ണ് ന​ട​ക്കു​ന്ന​ത്.

ഫ്രീസോ​ൺ നി​ല​വി​ൽ വ​രു​ന്ന​തോ​ടെ ലോ​ജി​സ്റ്റി​ക്കി​ന്റെ അ​ന്താ​രാ​ഷ്ട്ര ഹ​ബാ​യി വി​മാ​ന​ത്താ​വ​ളം മാ​റും. വി​വി​ധ ഇ​നം ഉ​ൽ​പ​ന്ന​ങ്ങ​ൾ ക​യ​റ്റു​മ​തി ചെ​യ്യു​ക, വി​വി​ധ രാ​ജ്യ​ങ്ങ​ളി​ലേ​ക്കു​ള്ള ഉ​ൽ​പ​ന്ന​ങ്ങ​ൾ ഒ​മാ​ൻ വ​ഴി ക​യ​റ്റി അ​യ​ക്കു​ക തു​ട​ങ്ങി​യ നി​ര​വ​ധി പ​ദ്ധ​തി​ക​ൾ ഫ്രീ ​സോ​ൺ മേ​ഖ​ല​യി​ലു​ണ്ടാ​വും. ക​യ​റ്റു​മ​തി​ക്കും മ​റ്റും അ​ന്ത​ാരാ​ഷ്ട്ര നി​ല​വ​ര​മു​ള്ള ലോ​ജി​സ്റ്റി​ക് സം​രം​ഭം ഒ​രു​ക്കു​ക എ​ന്നി​വ​യും പ​ദ്ധ​തി​യി​ൽ ഉ​ൾ​പ്പെ​ടും. എ​റ്റ​വും മി​ക​ച്ച ഉ​പ​രി​ത​ല പ​ശ്ചാ​ത്ത​ല​മാ​ണ് പ​ദ്ധ​തി​യു​ടെ ഭാ​ഗ​മാ​യി ഒ​രു​ക്കു​ക. അ​തോ​ടൊ​പ്പം മി​ക​ച്ച വാ​ണി​ജ്യ സൗ​ഹൃ​ദ പ​രി​സ്ഥി​തി ഒ​രു​ക്കു​ക​യും ചെ​യ്യും. ഇ​വി​ടെ പ്ര​വ​ർ​ത്തി​ക്കു​ന്ന ചെ​റി​യ വ്യ​വ​സാ​യ​ങ്ങ​ൾ​ക്ക് മ​സ്ക​ത്ത് വി​മാ​ന​ത്താ​വ​ളം ഉ​പ​യോ​ഗ​പ്പെ​ടു​ത്തി അ​ന്താ​രാ​ഷ്ട്ര ത​ല​ത്തി​ൽ വ​ള​രാ​ൻ ക​ഴി​യും. അ​തോ​ടെ മ​റ്റ് തു​റ​മു​ഖ​ങ്ങ​ളും അ​തി​ർ​ത്തി ക​ര പോ​ർ​ട്ടു​ക​ളും ക​മ്പ​നി​ക​ൾ​ക്ക് ഉ​പ​യോ​ഗ​പ്പെ​ടു​ത്താ​നാ​വും.

നി​ര​വ​ധി മേ​ഖ​ല​ക​ളി​ലു​ള്ള നി​ക്ഷേ​പ അ​വ​സ​ര​മാ​ണ് മ​സ്ക​ത്ത് വി​മാ​ന​ത്താ​വ​ള ഫ്രീ ​സോ​ണി​ൽ ഉ​ണ്ടാ​വു​ക. ലോ​ജി​സ്റ്റി​ക്, വാ​ണി​ജ്യ മേ​ഖ​ല​ക​ൾ, വെ​യ​ർ ഹൗ​സു​ക​ൾ, ഓ​ഫി​സ് സൗ​ക​ര്യ​ങ്ങ​ൾ വി​വി​ധ ത​രം ക​യ​റ്റു​മ​തി സൗ​ക​ര്യ​ങ്ങ​ൾ എ​ന്നി​വ ഫ്രീ​സോ​ണി​ലു​ണ്ടാ​വും.

ഫ്രീ​സോ​ണി​ൽ നി​ക്ഷേ​പം ന​ട​ത്തു​ന്ന​വ​ർ​ക്ക് നി​ര​വ​ധി ആ​നു​കൂ​ല്യ​ങ്ങ​ൾ ല​ഭി​ക്കും. 100 ശ​ത​മാ​നം വി​ദേ​ശി ഉ​ട​മ​സ്ഥ​ത, ക​യ​റ്റു​മ​തി ഇ​റ​ക്കു​മ​തി നി​കു​തി​യി​ലെ പൂ​ർ​ണ​മാ​യ ഇ​ള​വ്, മി​നി​മം മൂ​ല​ധ​നം ആ​വ​ശ്യ​മി​ല്ലാ​യ്മ, 15 വ​ർ​ഷ​ക്കാ​ല​ത്തേ​ക്ക് വ​രു​മാ​ന നി​കു​തി ഇ​ള​വ്, എ​ല്ലാ പെ​ർ​മി​റ്റു​ക​ളും ലൈ​സ​ൻ​സു​ക​ളും ല​ഭി​ക്കാ​ൻ ഒ​റ്റ പോ​യ​ന്റ് സേ​വ​നം തു​ട​ങ്ങി​യ ആ​നു​കൂ​ല്യ​ങ്ങ​ൾ ല​ഭി​ക്കും.