സൗഹൃദ മത്സരം: ഒമാൻനാളെ നേപ്പാളിനെ നേരിടും

മസ്കത്ത്: ഒരുമാസത്തെ ഇടവേളക്കുശേഷം ഒമാൻ ഫുട്ബാൾ ടീം വെള്ളിയാഴ്ച കളത്തിലിറങ്ങുന്നു. അന്താരാഷ്ട്ര സൗഹൃദ മത്സരത്തിന്‍റെ ഭാഗമായി ഒമാൻ നേപ്പാളിനെ നേരിടും.

രാത്രി എട്ടിന് ഖത്തറിലെ സുഹൈം ബിന്‍ ഹമദ് സ്റ്റേഡിയത്തിലാണ് മത്സരം. ഈ ആഴ്ചയിൽ രണ്ട് സൗഹൃദ മത്സരങ്ങളാണ് ഒമാനുള്ളത്. ജൂൺ ഒമ്പതിന് ന്യൂസിലൻഡുമായാണ് രണ്ടാം മത്സരം. വ്യാഴാഴ്ച രാത്രി 10ന് എജുക്കേഷന്‍ സിറ്റി സ്റ്റേഡിയത്തിലാണ് കളി. പരിശീലനം പൂർത്തിയാക്കിയ ടീം, കോച്ച് ബ്രാങ്കോ ഇവാങ്കോവിച്ചിനൊപ്പം ഖത്തറിലെത്തിയിട്ടുണ്ട്.