ജി20 ഉച്ചകോടി: ഗവേഷണ മന്ത്രിമാരുടെ യോഗത്തിൽ പങ്കാളിയായി ഒമാനും

മ​സ്ക​ത്ത്​: ജി20 ​ഉ​ച്ച​കോ​ടി​യു​ടെ ഭാ​ഗ​മാ​യി ഇ​ന്ത്യ​യി​ലെ മും​ബൈ​യി​ൽ ന​ട​ന്ന ഗ​വേ​ഷ​ണ മ​ന്ത്രി​മാ​രു​ടെ യോ​ഗ​ത്തി​ൽ ഒ​മാ​ൻ സം​ബ​ന്ധി​ച്ചു. സു​ൽ​ത്താ​നേ​റ്റി​നെ പ്ര​തി​നി​ധീ​ക​രി​ച്ച്​ ഉ​ന്ന​ത വി​ദ്യാ​ഭ്യാ​സ, ഗ​വേ​ഷ​ണ, ഇ​ന്ന​വേ​ഷ​ൻ മ​ന്ത്രാ​ല​യ​മാ​ണ്​ പ​​ങ്കെ​ടു​ത്ത​ത്. ഒ​മാ​നി പ്ര​തി​നി​ധി സം​ഘ​ത്തെ ഉ​ന്ന​ത​വി​ദ്യാ​ഭ്യാ​സ, ഗ​വേ​ഷ​ണ, ഇ​ന്ന​വേ​ഷ​ൻ മ​ന്ത്രി ഡോ. ​റ​ഹ്മ ഇ​ബ്രാ​ഹിം അ​ൽ മ​ഹ്റൂ​ഖി​യാ​ണ്​ ന​യി​ച്ച​ത്. ശാ​സ്ത്ര ഗ​വേ​ഷ​ണ​വും നൂ​ത​ന​ത്വ​വും പ്രോ​ത്സാ​ഹി​പ്പി​ക്കു​ന്ന​തി​ൽ ഒ​മാ​ന്റെ ശ്ര​മ​ങ്ങ​ളെ സം​ബ​ന്ധി​ച്ച്​ യോ​ഗ​ത്തി​ൽ മ​ന്ത്രി വി​ശ​ദീ​ക​രി​ച്ചു.

പൊ​തു​വെ ലോ​ക രാ​ജ്യ​ങ്ങ​ളു​ടെ ഭാ​വി രൂ​പ​പ്പെ​ടു​ത്തു​ന്ന​തി​ന് ഈ ​യോ​ഗ​ത്തി​ന്​ പ്രാ​ധാ​ന്യ​മു​ണ്ടെ​ന്നും സ​മൂ​ഹ​ങ്ങ​ളു​ടെ പു​രോ​ഗ​തി​യി​ലേ​ക്ക് ന​യി​ക്കു​ന്ന മി​ക​ച്ച പ്ര​വ​ർ​ത്ത​ന​ങ്ങ​ളും അ​റി​വു​ക​ളും പ​ങ്കു​വെ​ക്കു​ന്ന​തി​നു​ള്ള ഫ​ല​പ്ര​ദ​മാ​യ വേ​ദി​യാ​ണ് ഈ ​മീ​റ്റി​ങ്​ ന​ൽ​കു​ന്ന​തെ​ന്നും അ​വ​ർ കൂ​ട്ടി​ച്ചേ​ർ​ത്തു.

ഒ​മാ​ൻ വി​ഷ​ൻ 2040ൽ ​പ​റ​ഞ്ഞി​രി​ക്കു​ന്ന സ​മീ​പ​ന​ത്തി​ന്റെ അ​ടി​സ്ഥാ​ന​ത്തി​ൽ സ​മ്പ​ദ്‌​വ്യ​വ​സ്ഥ​യെ വി​ജ്ഞാ​നാ​ധി​ഷ്ഠി​ത സ​മ്പ​ദ്‌​വ്യ​വ​സ്ഥ​യാ​ക്കി മാ​റ്റാ​നാ​ണ് ഒ​മാ​ൻ ശ്ര​മി​ക്കു​ന്ന​തെ​ന്ന് മ​ന്ത്രി പ​റ​ഞ്ഞു. സ​മ്പ​ദ്‌​വ്യ​വ​സ്ഥ​യും സ​മൃ​ദ്ധി​യും വൈ​വി​ധ്യ​വ​ത്ക​രി​ക്കു​ന്ന​തി​നും സു​സ്ഥി​ര വി​ക​സ​ന പ​ദ്ധ​തി​ക​ൾ കൈ​വ​രി​ക്കു​ന്ന​തി​നു​മു​ള്ള അ​ടി​സ്ഥാ​ന​മെ​ന്ന നി​ല​യി​ൽ ശാ​സ്ത്ര ഗ​വേ​ഷ​ണ​ത്തി​ന്റെ പ്രാ​ധാ​ന്യ​വും അ​വ​ർ എ​ടു​ത്തു​പ​റ​ഞ്ഞു.

പ​രി​പാ​ടി​യു​ടെ ഭാ​ഗ​മാ​യി മ​ന്ത്രി ഡോ. ​റ​ഹ്മ അ​ൽ മ​ഹ്‌​റൂ​ഖി, ജ​ർ​മ​നി​യി​ലെ ഫെ​ഡ​റ​ൽ വി​ദ്യാ​ഭ്യാ​സ ഗ​വേ​ഷ​ണ മ​ന്ത്രി​യു​ടെ പാ​ർ​ല​മെ​ന്റ​റി സ്റ്റേ​റ്റ് സെ​ക്ര​ട്ട​റി ജെ​ൻ​സ് ബ്രാ​ൻ​ഡ​ൻ​ബ​ർ​ഗ്, യൂ​റോ​പ്യ​ൻ ക​മീ​ഷ​ന്റെ റി​സ​ർ​ച് ആ​ൻ​ഡ് ഇ​ന്ന​വേ​ഷ​ൻ ജ​ന​റ​ൽ ഡ​യ​റ​ക്ട​റേ​റ്റി​ലെ ഗ്ലോ​ബ​ൽ അ​പ്രോ​ച്ച് ആ​ൻ​ഡ് ഇ​ന്റ​ർ നാ​ഷ​ന​ൽ പാ​ർ​ട്ണ​ർ​ഷി​പ്പു​ക​ളു​ടെ ഡ​യ​റ​ക്ട​ർ മ​രി​യ ക്രി​സ്റ്റീ​ന റൂ​സോ എ​ന്നി​വ​രു​മാ​യും കൂ​ടി​ക്കാ​ഴ്ച ന​ട​ത്തി.

ഇ​ന്ത്യ​യി​ലെ ഒ​മാ​നി വി​ദ്യാ​ർ​ഥി​ക​ൾ നേ​രി​ടു​ന്ന വെ​ല്ലു​വി​ളി​ക​ൾ ച​ർ​ച്ച ചെ​യ്യു​ന്ന​തി​നാ​യി മ​​ന്ത്രി ഇ​ന്ത്യ​യി​ലെ ഒ​മാ​ന്റെ സാം​സ്കാ​രി​ക വി​ഭാ​ഗ​ത്തി​ന്റെ ചു​മ​ത​ല​യു​ള്ള മു​ഹ​മ്മ​ദ് അ​രീ​ഫു​മാ​യും സം​സാ​രി​ച്ചു. ഇ​ൻ​സ്റ്റി​റ്റ്യൂ​ട്ട് ഓ​ഫ് കെ​മി​ക്ക​ൽ ടെ​ക്‌​നോ​ള​ജി​യി​ലെ ഡ​യ​റ​ക്ട​ർ പ്ര​ഫ​സ​ർ അ​നി​രു​ദ്ധ പ​ണ്ഡി​റ്റു​മാ​യി മ​ന്ത്രി​യും പ്ര​തി​നി​ധി സം​ഘ​വും കൂ​ടി​ക്കാ​ഴ്ച​യും ന​ട​ത്തി.

പു​ന​രു​പ​യോ​ഗ ഊ​ർ​ജം ‘ഹൈ​ഡ്ര​ജ​ൻ’, ജ​ല​ശു​ദ്ധീ​ക​ര​ണം, ഭ​ക്ഷ്യ​സു​ര​ക്ഷ, സം​രം​ഭ​ക​ത്വം എ​ന്നി​വ​യു​മാ​യി ബ​ന്ധ​പ്പെ​ട്ട ശാ​സ്ത്രീ​യ ഗ​വേ​ഷ​ണ​ങ്ങ​ളി​ലെ അ​നു​ഭ​വ​ങ്ങ​ൾ ഇ​രു​പ​ക്ഷ​വും കൈ​മാ​റി. ചി​ല ഉ​ന്ന​ത വി​ദ്യാ​ഭ്യാ​സ, ശാ​സ്ത്ര ഗ​വേ​ഷ​ണ സ്ഥാ​പ​ന​ങ്ങ​ൾ, ടി​ഷ്യു ഉ​ൽ​പാ​ദ​നം, ഭ​ക്ഷ​ണം, പ​രി​ശീ​ല​നം, സം​രം​ഭ​ക​ത്വം എ​ന്നി​വ​ക്കു​ള്ള ല​ബോ​റ​ട്ട​റി​ക​ൾ, മും​ബൈ​യി​ലെ നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഇ​ൻ​ഡ​സ്ട്രി​യ​ൽ എ​ൻ​ജി​നീ​യ​റി​ങ്​ എ​ന്നി​വ​യും മ​ന്ത്രി സ​ന്ദ​ർ​ശി​ച്ചു.