ഗസൽ ഫുഡ്​ റമദാൻ ക്വിസ്​​ ഇന്ന്​ തുടങ്ങും

മസ്കത്ത്​: ഗൾഫ്​ മാധ്യമം പ്രമുഖ ​ഭ​ക്ഷ്യോത്​പന്ന കമ്പനിയായ നൂർ ഗസലുമായി ചേർന്ന്​ ഒമാനിലെ വായനക്കാർക്കായി റമദാൻ ക്വിസ്​ മത്സരം സംഘടിപ്പിക്കുന്നു. റമദാൻ ഒന്ന്​മുതൽ അവസാനം വരെ 'ഗൾഫ്​ മാധ്യമം' പത്രം, വെബ്​സൈറ്റ്​, സോഷൽ മീഡിയ പേജുകൾ എന്നിവയിലൂടെ ദിനേനെ ഒരു ചോദ്യം വീതം പ്രസിദ്ധീകരിക്കും. ഇതിന്​ ശരിയുത്തരം അയച്ചവരിൽനിന്ന്​ ദിനേനെ ഓരോ വിജയികളെ തിരഞ്ഞെടുക്കും. വിജയികൾക്ക്​ നൂർ ഗസലിന്‍റെ ഗിഫ്​റ്റ്​ ഹാമ്പർ സമ്മാനമായി നൽകും. കൂടതെ ശരിയുത്തരം അയച്ചവരിൽനിന്ന്​ നറുക്കെടുത്ത്​ മെഗാസമ്മാനമായി 43 ഇഞ്ച്​ സാംസങ്​ ​ടെലിവിഷൻ നൽകും.മാധ്യമം വെബ്​സൈറ്റിലെ https://madhyamam.com/rqoman എന്ന ലിങ്ക്​ വഴിയും മത്സരത്തിൽ പ​ങ്കെടുക്കാം.