ഗ്ലോബൽ മണി എക്​സ്​ചേഞ്ച്​ ഒാൺലൈൻ ചിത്രരചന മത്സരം

മസ്​കത്ത്​: ഒമാനിലെ മുൻനിര ധനവിനിമയ സ്ഥാപനമായ ഗ്ലോബൽ മണി എക്സ്ചേഞ്ചും കാഷ്​ എക്​സ്​പ്രസുമായി ചേർന്ന്​ ഓൺലൈൻ ചിത്രരചന മത്സരം സംഘടിപ്പിക്കുന്നു. ഒമാൻ ദേശീയ ദിനത്തി​െൻറ ഭാഗമായി ഒക്ടോബർ 22 മുതൽ നവംബർ 15 വരെയാണ് മത്സരം. മൂന്നു​ വിഭാഗങ്ങളിലായാണ്​ മത്സരം. ഒന്നാമത്തെ വിഭാഗത്തിൽ 10 വയസ്സുവരെയുള്ള കുട്ടികൾക്ക്​ പങ്കെടുക്കാം. ഒമാൻ ദേശീയദിനം എന്നതാണ്​ വിഷയം. 10 മുതൽ 14 വയസ്സുവരെയുള്ള രണ്ടാമത്തെ വിഭാഗത്തിലുള്ളവർക്ക്​ ഒമാ​െൻറ പൈതൃകം എന്നതാണ്​ വിഷയം.

15 വയസ്സും അതിൽ കൂടുതലുമുള്ളവർക്ക്​ മൂന്നാമത്തെ വിഭാഗത്തിലും മത്സരിക്കാം. വിഷൻ ഒാഫ്​ ഒമാൻ 2040 എന്നതാണ്​ മൂന്നാമത്തെ വിഭാഗത്തി​െൻറ വിഷയം. രചനകൾ business@globalmoneyexchnage.net എന്ന വിലാസത്തിൽ അയക്കണം. ഓരോ വിഭാഗത്തിൽനിന്നും തിരഞ്ഞെടുക്കുന്ന മൂന്നു പേർക്ക് ആകർഷക സമ്മാനങ്ങളും സർട്ടിഫിക്കറ്റും നൽകും​. ഒമാനിൽ സ്ഥിരതാമസക്കാരായവർക്ക്​ മത്സരത്തിൽ പ​െങ്കടുക്കാം. നിങ്ങളുടെ രചനകൾ എ4 വലുപ്പത്തിലായിരിക്കണം. ഓരോ വിഭാഗത്തിൽനിന്നും തിരഞ്ഞെടുക്കുന്ന 10 രചനകൾ ഗ്ലോബൽ മണി എക്സ്ചേഞ്ചി​െൻറ ഫേസ്​ബുക്ക്​ പേജിൽ പ്രസിദ്ധീകരിക്കും. വിധികർത്താക്കളുടെ മാർക്കിനൊപ്പം ഫേസ്​ബുക്ക്​ വോട്ടിങ്ങി​െൻറ കൂടി അടിസ്ഥാനത്തിലായിരിക്കും അന്തിമ വിജയികളെ തിരഞ്ഞെടുക്കുക. വിവരങ്ങൾക്ക് 99838325 എന്ന നമ്പറിൽ വിളിക്കുകയോ ഗ്ലോബൽ മണി എക്​സ്​ചേഞ്ച്​ ഒമാൻ എന്ന ഫേസ്​ബുക്ക്​ പേജ്​ സന്ദർശിക്കുകയോ ചെയ്യുക.