ഗ​ൾ​ഫ് ട്വ​ന്‍റി20: വി​ജ​യം ആ​വ​ർ​ത്തി​ക്കാ​ൻ ഒ​മാ​ൻ ഇ​ന്നി​റ​ങ്ങും

മ​സ്ക​ത്ത്​: ഖ​ത്ത​റി​ൽ ന​ട​ക്കു​ന്ന പ്ര​ഥ​മ ഗ​ൾ​ഫ് ട്വ​ന്‍റി20 ഇ​ന്‍റ​ർ​നാ​ഷ​ന​ൽ ക്രി​ക്ക​റ്റ് ചാ​മ്പ്യ​ൻ​ഷി​പ്പി​ലെ ര​ണ്ടാം വി​ജ​യം തേ​ടി ഒ​മാ​ൻ ഇ​ന്നി​റ​ങ്ങും. ദോ​ഹ​യി​ലെ വെ​സ്റ്റ് എ​ൻ​ഡ് പാ​ർ​ക്ക് ഇ​ന്റ​ർ​നാ​ഷ​ന​ൽ ക്രി​ക്ക​റ്റ് സ്റ്റേ​ഡി​യ​ത്തി​ൽ ന​ട​ക്കു​ന്ന മ​ത്സ​ര​ത്തി​ൽ ബ​ഹ്​​റൈ​നാ​ണ്​​ എ​തി​രാ​ളി​ക​ൾ.

ആ​ദ്യ മ​ത്സ​ര​ത്തി​ൽ യു.​​എ.​ഇ​യോ​ട്​ പ​രാ​ജ​യ​പ്പെ​ട്ടെ​ങ്കി​ലും ആ​തി​ഥേ​യ​രാ​യ ഖ​ത്ത​റി​നോ​ട്​ വി​ജ​യി​ക്കാ​നാ​യ​ത്​ ടീ​മി​ന്‍റെ ആ​ത്മ​വി​ശ്വാ​സം വ​ർ​ധി​പ്പി​ച്ചി​ട്ടു​ണ്ട്. ക​ഴി​ഞ്ഞ ര​ണ്ട്​ ക​ളി​ക​ളി​ലും മു​ൻ​നി​ര ബാ​റ്റ​ർ​മാ​ർ നി​റം​മ​ങ്ങി​യി​രു​ന്നു. വാ​ല​റ്റ​ത്തി​ന്‍റെ സ​ഹാ​യ​ത്തോ​ടെ ആ​ക്കി​ബ്​ ഇ​ല്യാ​സ്, മു​ഹ​മ്മ​ദ്​ ന​ദീം, മെ​ഹ​റാ​ൻ ഖാ​ൻ തു​ട​ങ്ങി​യ​വ​ർ ന​ട​ത്തി​യ ഒ​റ്റ​യാ​ൾ പ്ര​ക​ട​ന​ങ്ങ​ളാ​ണ്​ ക​ഴി​ഞ്ഞ ര​ണ്ട്​ ക​ളി​യി​ലും ഒ​മാ​ന്​ പൊ​രു​താ​വു​ന്ന സ്​​കോ​ർ സ​മ്മാ​നി​ച്ച​ത്. മു​ൻ​നി​ര താ​ര​ങ്ങ​ൾ ഫോം ​വീ​ണ്ടെ​ടു​ക്കു​ക​യും ഖ​ത്ത​റി​നെ​തി​രാ​യ പ്ര​ക​ട​നം ബൗ​ള​ർ​മാ​ർ തു​ട​രു​ക​യും ചെ​യ്താ​ൽ ചൊ​വ്വാ​ഴ്ച​ത്തെ മ​ത്സ​രം ത​ങ്ങ​ളു​ടെ വ​രു​തി​യി​ലാ​ക്കാ​മെ​ന്ന പ്ര​തീ​ക്ഷ​യി​ലാ​ണ്​ ഒ​മാ​ൻ. അ​തേ​സ​മ​യം, ആ​ദ്യ ര​ണ്ട്​ മ​ത്സ​ര​ങ്ങ​ളും തോ​റ്റ ബ​ഹ്​​റൈ​ന്​ ചൊ​വ്വാ​ഴ്ച​ വി​ജ​യം അ​നി​വാ​ര്യ​മാ​ണ്.

20ന് ​സൗ​ദി, 22ന് ​കു​വൈ​ത്ത്​ എ​ന്നി​വ​ർ​ക്കെ​തി​രെ​യാ​ണ്​ ഇ​നി ഒ​മാ​ന്​ ശേ​ഷി​ക്കു​ന്ന ക​ളി​ക​ൾ.