ഹൃദയാഘാതം: കൊല്ലം സ്വദേശി ഒമാനിൽ നിര്യാതനായി

മസ്‌കത്ത്: കൊല്ലം സ്വദേശി ഹൃദയാഘാതത്തെ തുടർന്ന് ഒമാനിൽ നിര്യാതനായി. ഇരുമ്പനങ്ങാട് ഏഴുകോണം ചിറകോണത്ത് ചരുവിള പുത്തൻവീട്ടിൽ സുനിൽ ജോൺസൻ (53) ആണ് ഇബ്രയിൽ താമസ സ്ഥലത്ത് മരിച്ചത്.

സ്വകാര്യ കൺസ്ട്രക്ഷൻ കമ്പനിയിൽ സൈറ്റ് സൂപ്പർവൈസർ ആയി ജോലി ചെയ്ത് വരികയായിരുന്നു. പിതാവ്: ജോൺസൻ, മാതാവ്: മേഴ്‌സി. ഭാര്യ: ഷൈല, മക്കൾ: അഭിരാം, രമ്യ.

ഇബ്ര ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ഇബ്ര ഇൻകാസിന്‍റെ നേതൃത്വത്തിൽ തുടർ നടപടികൾ പൂർത്തിയാക്കി നാട്ടിലേക്ക് കൊണ്ടു പോകുമെന്ന് ബന്ധപ്പെട്ടവർ അറിയിച്ചു.