ഹൃദയാഘാതം: കോഴിക്കോട്​ സ്വദേശി സലാലയിൽ നിര്യാതനായി

സലാല: ഹൃദയാഘാതത്തെ തുടർന്ന് കോഴിക്കോട്​ സ്വദേശി സലാലയിൽ നിര്യാതനായി. കുറ്റ്യാടി മാണിക്കോത്ത് ബഷീർ ( 51) ആണ്​ മരണപ്പെട്ടത്​. മുപ്പത് വർഷത്തിലധികമായി ന്യൂസലാല ഹംദാൻ മസ്ജിദിന്​ എതിർവശത്ത്​ ഫുഡ്സ്​റ്റഫ്​ കട നടത്തി വരുകയായിരുന്നു. 

വ്യാഴാഴ്ച ഉച്ചയോടെ കുഴഞ്ഞ് വീണതിനെ തുടർന്ന് സുൽത്താൻ ഖാബൂസ് ആശുപത്രിയിൽ പ്രവേശിപ്പിച്ചെങ്കിലും മരണപ്പെടുകയായിരുന്നു. 

ഭാര്യ: സാജിദ. മക്കൾ: ബാസിത്, ബാസിന, ഹിബ നസ്റീൻ.  ഭാര്യയും മകളും സലാലയിൽ ഉണ്ട്. മൃതദേഹം സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുകയാണ്.