ഹൃദയാഘാതം; പെരിന്തൽമണ്ണ സ്വദേശി ഒമാനിൽ നിര്യാതനായി

മസ്കത്ത്​: ഹൃദയാഘാതത്തെ തുടർന്ന്​ മലപ്പുറം സ്വദേശി ഒമാനിൽ നിര്യാതനായി. പെരിന്തൽമണ്ണ കുന്നപ്പള്ളി കൊല്ലക്കോട്മുക്കിലെ ദാവൂദ് (40) ആണ്​ മരിച്ചത്​. നിസ്​വ കെ.എം.സി.സി പ്രവർത്തകനായിരുന്നു. നാല്​ വർഷമായി ഒമാനിലുള്ള ദാവൂദ് അതിന് മുമ്പ് 10 വർഷത്തോളം ജിദ്ദയിലായിരുന്നു. ആറു മാസം മുമ്പാണ് അവസാനമായി നാട്ടിൽ വന്നുപോയത്.

പിതാവ്​: പരേതനായ മുഹമ്മദാലി. മതാവ്​: ജമീല. ഭാര്യ: റുബീന ചോലംപാറ(മങ്കട). മക്കൾ: റുഷ്ദ, റിഫ, മുഹമ്മദ് മുസ്തഫ, റിയ. സഹോദരങ്ങൾ: ജുവൈരിയ, മുനീറ, ഗഫൂർ, ശാക്കിറ. നിയമ നടപടികൾ പൂർത്തിയാക്കിയ ശേഷം മൃതദേഹം നാട്ടിൽ കൊണ്ടുപോകുമെന്ന് നിസ്​വ കെ.എം.സി. സി നേതാക്കൾ അറിയിച്ചു.