വടക്കൻ ഗവർണറേറ്റുകളിൽ കനത്ത മഴക്ക്​ സാധ്യത

മസ്കത്ത്​: വടക്കൻ ഗവർണറേറ്റുകളിൽ വരും മണിക്കൂറുകളിൽ ശക്തമായ മഴക്ക്​ സാധ്യതയുണ്ടെന്ന്​ കാലാവസ്ഥ നിരീക്ഷണ കേന്ദ്രം അറിയിച്ചു. മുസന്ദം, വടക്കൻ ബാത്തിന, ബുറൈമി, ദാഹിറ, തെക്കൻ ബാത്തിന, ദാഖിലിയ, മസ്‌കത്ത്​, തെക്കൻ ശർഖിയ, വടക്കൻ ശർഖിയ, അൽ വുസ്ത, ദോഫാർ ഗവർണറേറ്റുകിലായിരിക്കും ശക്തമായ മിന്നലോട് കൂടി മഴ പെയ്യുക.

വിവിധ ഇടങ്ങളിൽ 30 മില്ലിമീറ്റർ മുതൽ 80 മില്ലിമീറ്റർ വരെ ലഭിച്ചേക്കും. മിന്നൽ സമയത്ത് മുൻകരുതൽ നടപടി എടുക്കണമെന്നും വാദികൾ മുറിച്ച്​ കടക്കരുതെന്നും താഴ്ന്ന പ്രദേശങ്ങളിൽനിന്ന്​ വിട്ട്​ നിൽക്ക​ണമെന്നും സിവിൽ ഏവിയേഷൻ അതോറിറ്റി നിർദ്ദേശിച്ചു. അസ്ഥിര കാലാവസ്ഥ ബുധനാഴ്ചവരെ തുടരും.