കനത്ത മഴ: വാദികളിൽ കുടുങ്ങിയ 30 പേരെ രക്ഷിച്ചു

മസ്കത്ത്​: അപ്രതീക്ഷിതമായെത്തിയ കനത്ത മഴയിൽ വിറങ്ങലിച്ച്​ തലസ്ഥാന നഗരിയായ മസ്കത്തുൾപ്പെടെ വിവിധ ഗവർണറേറ്റുൾ. വിദേശിയായ ഒരാൾ മരിച്ചു. വിവിധ വിലായത്തുകളിലെ വാദികളിലും വാഹനങ്ങളിലുമായി കുടുങ്ങിയ 30ൽ അധികം പേരെ സിവിൽ ഡിഫൻസ്​ ആൻഡ്​ ആംബുലൻസ്​ അധികൃതരും റോയൽ ഒമാൻ പൊലീസും ചേർന്ന്​ രക്ഷിച്ചു. റോഡുകളിൽ വെള്ളം കയറി പലയിടത്തും ഗതാഗത തടസ്സ​വും നേരിട്ടു. മത്ര സൂഖിൽ മലയാളികളടക്കമുള്ളവരുടെ വ്യാപാരസ്ഥാപനങ്ങളിൽ കനത്തനാശമാണ്​ നേരിട്ടത്​. മ​സ്ക​ത്ത്, തെ​ക്കു​വ​ട​ക്ക്​ ബാ​ത്തി​ന, മു​സ​ന്ദം, ദാ​ഖി​ലി​യ, തെ​ക്ക​ൻ ശ​ർ​ഖി​യ എ​ന്നീ ഗ​വ​ർ​ണ​റേ​റ്റു​ക​ളി​ലെ വി​വി​ധ പ്ര​ദേ​ശ​ങ്ങ​ളി​ലാ​ണ്​ മ​ഴ കോ​രി​ച്ചൊ​രി​ഞ്ഞ​ത്. ചിലയിടങ്ങളിൽ കനത്ത കാറ്റിന്‍റെ അകമ്പടിയൊടെയായിരുന്നു മഴ പെയ്തിരുന്നത്​. ഞാ​യ​റാ​ഴ്ച അ​ർ​ധ​രാ​ത്രി​യോ​ടെ​യാ​ണ്​ മ​സ്ക​ത്ത്​ ഗ​വ​ർ​ണ​റേ​റ്റി​ൽ അ​പ്ര​തീ​ക്ഷി​ത​മാ​യി മ​ഴ​യെ​ത്തു​ന്ന​ത്.

മസ്കത്തിലെ മത്ര വിലായത്തിലെ ജിബ്രൂവിലാണ്​ വിദേശിയായ ഒരാൾ മരിച്ചത്​. വാഹനത്തിനുള്ളിൽ കുടുങ്ങിക്കിടക്കുകയായിരുന്നു. ഇദ്ദേഹ​ത്തെ രക്ഷിച്ചിരുന്നെങ്കിലും ശ്വാസതടസ്സം അനുഭവ​പ്പെട്ടതിനെ തുടർന്നാണ്​​​ മരിച്ചതെന്ന്​​ റോയൽ ഒമാൻ അറിയിച്ചു. മറ്റൊരാളെ രക്ഷിച്ച്​ സുരക്ഷിത സ്ഥാനത്തേക്ക്​ മാറ്റുകയും ചെയ്തു.

ഗൂബ്ര ഏരിയയിൽ വാദിയിൽ വാഹനത്തിനുള്ളിലും മറ്റും കുടുങ്ങിയ സ്വദേശികളെയും വിദേശികളെയും ഉൾ​പ്പെടെ അഞ്ചുപേരെ സിവിൽ ഡിഫൻസ് ആൻഡ് ആംബുലൻസ് അതോറിറ്റി രക്ഷിച്ചു. വീടുകളിൽ വെള്ളം കയറിയതിനെ തുടർന്ന്​ മത്ര മേഖലയി​ലെ വീടുകളിൽനിന്ന്​ നിരവധി ആളുകളെ ഒഴിപ്പിച്ചതായും റിപ്പോർട്ടുണ്ട്​. ഈ മേഖലയിൽനിന്ന്​ വാഹനത്തിനുള്ളിൽ കുടുങ്ങിയ 30ഓളം ​​പേരെ തിങ്കളാഴ്ച രക്ഷപ്പെടുത്തി. വെള്ളക്കെട്ടിനെ തുടർന്ന് അസൈബ-​ഗൂബ്ര റോഡ് താൽക്കാലികമായി അടച്ചു. ബൗഷർ - അമിറാത്ത് റോഡിലും നിയന്ത്രണം ഏർപ്പെടുത്തിയിരുന്നു.

ഏ​റ്റ​വും കൂ​ടു​ത​ൽ മ​ഴ ന​ഖ്​​ല​യി​ൽ

മ​സ്ക​ത്ത്​: അ​പ്ര​തീ​ക്ഷി​ത​മാ​യി പെ​യ്ത പേ​മാ​രി​യി​ൽ ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്​ തെ​ക്ക​ൻ ബാ​ത്തി​ന​യി​ലെ ന​ഖ്​​ല വി​ലാ​യ​ത്തി​ൽ. 55 മി​ല്ലി​മീ​റ്റ​ർ മ​ഴ​യാ​ണ്​ ഇ​വി​ടെ ല​ഭി​ച്ച​തെ​ന്ന്​ അ​ഗ്രി​ക​ൾ​ച​റ​ൽ, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യ​ത്തി​ന്‍റെ ക​ണ​ക്കു​ക​ൾ സൂ​ചി​പ്പി​ക്കു​ന്നു. ഞാ​യ​റാ​ഴ്ച മു​ത​ൽ തി​ങ്ക​ളാ​ഴ്ച​വ​രെ​യു​ള്ള ക​ണ​ക്ക്​ പ്ര​കാ​ര​മാ​ണി​ത്. 45 മി.​മീ​റ്റ​ർ മ​ഴ​യു​മാ​യി മ​സ്ക​ത്ത്​ ഗ​വ​ർ​ണ​റേ​റ്റി​ലെ ബൗ​ഷ​ർ വി​ലാ​യ​ത്താ​ണ്​ ര​ണ്ടാം സ്​​ഥാ​ന​ത്ത്. സീ​ബ്​ വി​ലാ​യ​ത്താ​ണ്​ മൂ​ന്നാം സ്ഥാ​ന​ത്ത്. 22 മി​ല്ലി മീ​റ്റ​ർ മ​ഴ​യാ​ണ്​ ഇ​വി​ടെ ല​ഭി​ച്ച​ത്. തെ​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ ബാ​ർ​ക്ക 21 മി.​മീ, മു​സ​ന്ന ഒ​മ്പ​ത്​ മി.​മീ, മ​സ്​​ക​ത്ത്​ ഗ​വ​ർ​ണ​റേ​റ്റി​ലെ മ​ത്ര, വ​ട​ക്ക​ൻ ബാ​ത്തി​ന​യി​ലെ സു​വൈ​ഖ്, തെ​ക്ക​ൻ ബാ​ത്തി​ന​യി​ലെ അ​ൽ​അ​വാ​വി എ​ന്നീ വി​ലാ​യ​ത്തു​ക​ളി​ൽ എ​ട്ട്​ മി​ല്ലി മീ​റ്റ​ർ മ​ഴ​യും ല​ഭി​ച്ചു.

മ​ഴ തു​ട​രും, ജാ​ഗ്ര​ത പാ​ലി​ക്കാം

മ​സ്ക​ത്ത്​: വി​വി​ധ ഗ​വ​ർ​ണ​റേ​റ്റു​ക​ളി​ൽ ചൊ​വ്വാ​ഴ്ച​യും ഒ​റ്റ​പ്പെ​ട്ട മ​ഴ​ക്ക്​ സാ​ധ്യ​ത​യു​ണ്ടെ​ന്ന്​ കാ​ലാ​വ​സ്ഥ നി​രീ​ക്ഷ​ണ​ കേ​ന്ദ്രം അ​റി​യി​ച്ചു. അ​റ​ബി​ക്ക​ട​ലി​ന്‍റെ തീ​ര​പ്ര​ദേ​ശ​ങ്ങ​ളി​ലും മു​സ​ന്ദം, വ​ട​ക്കു​തെ​ക്ക്​ ബാ​ത്തി​ന, ദാ​ഖി​ലി​യ, മ​സ്ക​ത്ത്, തെ​ക്ക​ൻ ശ​ർ​ഖി​യ എ​ന്നീ ഗ​വ​ർ​ണ​റേ​റ്റു​ക​ളി​ലെ വി​വി​ധ സ്ഥ​ല​ങ്ങ​ളി​ലും ചൊ​വ്വാ​ഴ്ച മ​ഴ പെ​യ്​​തേ​ക്കു​മെ​ന്ന്​ സി​വി​ൽ ഏ​വി​യേ​ഷ​ൻ അ​തോ​റി​റ്റി​യി​ലെ ഒ​മാ​ൻ കാ​ലാ​വ​സ്ഥ നി​രീ​ക്ഷ​ക​ൻ ഇ​ബ്രാ​ഹീം അ​ൽ ബ്ര​ഷാ​ദി പ​റ​ഞ്ഞു. മു​സ​ന്ദം ഗ​വ​ർ​ണ​റേ​റ്റി​ലെ തീ​ര​പ്ര​ദേ​ശ​ങ്ങ​ളി​ൽ ക​ട​ൽ പ്ര​ക്ഷു​ബ്​​ധ​മാ​കും. തി​ര​മാ​ല​ക​ൾ ര​ണ്ടു​മീ​റ്റ​ർ വ​രെ ഉ​യ​ർ​ന്നേ​ക്കും. അ​ൽ ദാ​ഹി​റ, അ​ൽ വു​സ്ത, ദോ​ഫാ​ർ എ​ന്നീ ഗ​വ​ർ​ണ​റേ​റ്റു​ക​ളി​ലെ മ​രു​ഭൂ പ്ര​ദേ​ശ​ങ്ങ​ളി​ൽ പൊ​ടി​ക്കാ​റ്റി​നും സാ​ധ്യ​ത​യു​ണ്ട്. ഇ​ത്​ കാ​ഴ്ച​യെ ബാ​ധി​ച്ചേ​ക്കും. വേ​ണ്ട മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും അ​ധി​കൃ​ത​ർ അ​റി​യി​ച്ചു.