ഒമാനിൽ ഇൻസ്​റ്റിറ്റ്യൂഷനൽ ക്വാറ​ൈൻറൻ നിയമം തിങ്കളാഴ്​ച മുതൽ പ്രാബല്ല്യത്തിൽ

മസ്​കത്ത്​: ഒമാനിലേക്ക്​ വരുന്നവർക്ക്​ ഏഴ്​ ദിവസത്തെ നിർബന്ധിത ഹോട്ടൽ ക്വാറ​ൈൻറൻ വേണമെന്ന സുപ്രീം കമ്മിറ്റി നിർദേശം

തിങ്കളാഴ്​ച ഉച്ചക്ക്​ മുതൽ നടപ്പിലാകും. സിവിൽ ഏവിയേഷൻ പൊതുഅതോറിറ്റി വ്യാഴാഴ്​ച വൈകുന്നേരം പുറത്തുവിട്ട സർക്കുലറിലാണ്​ ഇക്കാര്യം അറിയിച്ചത്​. സ്വദേശികൾക്കും തൊഴിൽ, സന്ദർശക വിസയിലുള്ള വിദേശികൾക്കും ഇൗ നിയമം ബാധകമാണ്​.

ഏഴ്​ രാത്രിയിലേക്കാണ്​ ഹോട്ടൽ ബുക്കിങ്​ നടത്തേണ്ടത്​. യാത്ര പുറപ്പെടുന്നതിന്​ മുമ്പ്​ ബുക്കിങ്​ ഉറപ്പാക്കണം. ഹോട്ടൽ ബുക്കിങ്​ ഉറപ്പുവരുത്തിയ ശേഷമാണ്​ ബോർഡിങ്​ അനുവദിക്കാൻ പാടുള്ളൂവെന്ന്​ സിവിൽ ഏവിയേഷൻ അതോറിറ്റി വിമാന കമ്പനികൾക്ക്​ നിർദേശം നൽകി. യാത്രക്കാർക്ക്​ ഏത്​ ഹോട്ടലുകളിലും മുറി ബുക്ക്​ ചെയ്യാവുന്നതാണ്​. ഹോട്ടലുകളിലെ നിർബന്ധിത ക്വാറ​ൈൻറൻ നിലവിൽ വരുന്നതോടെ ഒമാനിലേക്കുള്ള യാത്രക്ക്​ ചെല​േവറും. ഒരാഴ്​ചത്തേക്ക്​ താമസവും ഭക്ഷണവുമടക്കം നൂറ്​ റിയാലിൽ അധികം ചെലവ്​ വരും.

പി.സി.ആർ പരിശോധനകൾക്കും മറ്റുമുള്ള ചെലവ്​ ഇതിന്​ പുറമെയാണ്​. ഇതുവരെ താമസ സ്​ഥലങ്ങളിലും ക്വാറ​ൈൻറൻ അനുവദിച്ചിരുന്നു. എന്നാൽ സ്വദേശികളും വിദേശികളും നിബന്ധനകൾ പാലിക്കുന്നില്ലെന്ന്​ കണ്ടെത്തിയതിനെ തുടർന്നാണ്​ പുതിയ തീരുമാനം.

ഇതിന്​ പുറമെ സുപ്രീം കമ്മിറ്റി നിർദേശ പ്രകാരം ബീച്ചുകളും പാർക്കുകളും ഇന്ന്​ മുതൽ രണ്ടാഴ്​ചത്തേക്ക്​ അടച്ചു. ഒരു തരത്തിലുള്ള ഒത്തുചേരലുകളും പാടില്ലെന്ന്​ അധികൃതർ അറിയിച്ചിട്ടുണ്ട്​. സർക്കാർ-സ്വകാര്യ സ്​ഥാപനങ്ങളുടെ സേവന ഹാളുകൾ, വാണിജ്യ കേന്ദ്രങ്ങൾ, കടകൾ, മാർക്കറ്റുകൾ, റസ്​റ്റോറൻറുകൾ, കഫേകൾ, ഹുക്ക കഫേകൾ, ജിംനേഷ്യം എന്നിവയിൽ അമ്പത്​ ശതമാനം ആളുകളെ മാത്രമാണ്​ പ്രവേശിപ്പിക്കാൻ പാടുള്ളൂ. ഇൗ തീരുമാനം ഫെബ്രുവരി 12 വെള്ളിയാഴ്​ച മുതൽ ഇനിയൊരു അറിയിപ്പ്​ ഉണ്ടാകുന്നത്​ വരെ പ്രാബല്ല്യത്തിൽ ഉണ്ടായിരിക്കും. കര അതിർത്തികൾ വഴി ട്രക്കുകൾക്ക്​ മാത്രമായിരിക്കും കടന്നുപോകാൻ അനുമതിയുണ്ടാവുക.

വടക്കൻ ശർഖിയ ഗവർണറേറ്റിൽ നാളെ മുതൽ രണ്ടാഴ്​ച കാല​േത്തക്ക്​ വാണിജ്യ സ്​ഥാപനങ്ങൾ രാത്രി സമയം അടച്ചിടണം. രാത്രി ഏഴുമുതൽ പുലർച്ചെ ആറുമണി വരെയാണ്​ അടച്ചിടേണ്ടത്​.