സലാലയിൽ ‘ഇളയനില’ മ്യൂസിക്കൽ നൈറ്റ് നവംബർ രണ്ടിന്
text_fieldsസലാല: വോയ്സ് ഓഫ് സലാല സംഗീതട്രൂപ്പിന്റെ രണ്ടാം വാർഷികത്തോടനുബന്ധിച്ച് ഒളിമ്പിക് കാറ്ററിങ് കമ്പനിയുമായി ചേർന്ന് മ്യൂസിക്കൽ നൈറ്റ് സംഘടിപ്പിക്കും. ലുബാൻ പാലസ് ഹാളിൽ നവംബർ രണ്ടിന് വൈകീട്ട് 6.30 മുതൽ ആരംഭിക്കുന്ന ഷോയിൽ സിനിമ നടൻ ശങ്കർ , മുൻ ഇന്ത്യൻ ഫുട്ബാൾ താരം ഐ.എം. വിജയൻ എന്നിവർ അതിഥികളായി സംബന്ധിക്കും. മിനി സ്ക്രീൻ ആർട്ടിസ്റ്റുകളായ സമദ്, വർഷ പ്രസാദ്, മിന്നലേ നസീർ, നീമ മുർഷിദ് എന്നിവർ നയിക്കുന്ന ഗാനമേളയും അരങ്ങേറും. വയലിനിസ്റ്റ് ബാലമുരളിയും പങ്കെടുക്കും. ഷോയിലേക്കുള്ള പ്രവേശനം ഇൻവിറ്റേഷൻ മുഖാന്തരം നിയന്ത്രിച്ചിട്ടുണ്ട്.
ഇൻവിറ്റേഷന്റെ പ്രകാശനം ഡോ. കെ. സനാതനൻ നിർവഹിച്ചു. ഡോ. അബൂബക്കർ സിദ്ദീഖ്, ഹുസൈൻ കാച്ചിലോടി, വിപിൻ ദാസ്, ഷബീർ കാലടി എന്നിവർ ഇൻവിറ്റേഷൻ വിതരണം ചെയ്തു. പ്രേക്ഷകർക്ക് നാല് മണിക്കൂർ ആസ്വാദ്യകരമായ ഒരു സംഗീതരാവാണ് ഒരുക്കുകയെന്ന് ഒളിമ്പിക് എം.ഡി സുധാകരൻ, വോയ്സ് ഓഫ് സലാല ഭാരവാഹികളായ ഹാരിസ്, ഫിറോസ്, പ്രോഗ്രം കോഓഡിനേറ്റർ ജംഷാദ് ആനക്കയം എന്നിവർ വാർത്തസമ്മേളനത്തിൽ പറഞ്ഞു. സ്പോൺസേഴ്സ് പ്രതിനിധികളും ചടങ്ങിൽ സംബന്ധിച്ചു. ഒളിമ്പിക് കാറ്ററിങ്ങിന്റെ പുതിയ ലോഗോയും ചടങ്ങിൽ പ്രകാശനം ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.