വി​ജ​യ​തി​ള​ക്ക​ത്തി​ൽ കാ​യി​ക മേ​ഖ​ല

കാ​യി​ക രം​ഗ​ത്ത് ഒ​ട്ടേ​റെ വ്യ​ക്തി​ഗ​ത, ടീ​മി​ന നേ​ട്ട​ങ്ങ​ൾ​ക്ക് സാ​ക്ഷ്യം വ​ഹി​ച്ച വ​ർ​ഷ​മാ​ണി​ത്. ഫു​ട്ബാ​ളി​നൊ​പ്പം ക്രി​ക്ക​റ്റും ഹോ​ക്കി​യും ഉ​യ​ര​ങ്ങ​ളി​ലെ​ത്തു​ന്ന കാ​ഴ്ച​യാ​ണ് കാ​യി​ക മേ​ഖ​ല ക​ണ്ട​ത്. അ​തോ​ടൊ​പ്പം ഒ​ട്ടേ​റെ അ​ന്ത​ർ​ദേ​ശീ​യ മ​ത്സ​ര​ങ്ങ​ൾ​ക്ക് വേ​ദി​യാ​കാ​ൻ സാ​ധി​ച്ച​തി​ലൂ​ടെ കാ​യി​ക ഭൂ​പ​ട​ത്തി​ൽ അ​ഭി​മാ​ന​ക​ര​മാ​യ അ​ട​യാ​ള​പ്പെ​ടു​ത്ത​ലി​നും ക​ഴി​ഞ്ഞു.

കാ​യി​ക പ്രാ​തി​നി​ധ്യ​ത്തി​ൽ എ​ടു​ത്തു​പ​റ​യേ​ണ്ട​ത് പാ​രി​സ് ഒ​ളി​മ്പി​ക്സി​ലെ പ്രാ​തി​നി​ധ്യ​മാ​ണ്. അ​ന്ത​ർ​ദേ​ശീ​യ ത​ല​ത്തി​ലെ മി​ക​ച്ച നേ​ട്ടം എ​ന്ന് പ​റ​യാ​വു​ന്ന​ത് ലോ​ക ഫൈ​വ് സൈ​ഡ് ഹോ​ക്കി മ​ത്സ​ര​ത്തി​ലെ മൂ​ന്നാം സ്ഥാ​ന​മാ​ണ്. പോ​ള​ണ്ടി​നെ ര​ണ്ടി​നെ​തി​രെ മൂ​ന്ന് ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി​യാ​ണ് ഒ​മാ​ൻ മൂ​ന്നാം സ്ഥാ​നം നേ​ടി​യ​ത്. അ​തോ​ടൊ​പ്പം ഏ​റെ പ്ര​ശം​സ പി​ടി​ച്ചു​പ​റ്റി​യാ​ണ് ഒ​മാ​ൻ ലോ​ക ഫൈ​വ് സൈ​ഡ് ഹോ​ക്കി ടൂ​ർ​ണ​മെ​ന്റി​ന് ആ​തി​ഥേ​യ​ത്വം വ​ഹി​ച്ച​ത്.

ഹോ​ക്കി​യി​ൽ സ്വ​പ്ന​നേ​ട്ടം

രാ​ജ്യം ആ​തി​ഥേ​യ മി​ക​വി​നൊ​പ്പം ഗ്രൗ​ണ്ടി​ലും മി​ക​വ് പ്ര​ക​ടി​പ്പി​ച്ച ഒ​ന്നാ​യി​രു​ന്നു ഹോ​ക്കി. ഒ​രു​പ​ക്ഷേ, ഈ ​വ​ർ​ഷ​ത്തെ കാ​യി​ക​നേ​ട്ടം വി​ല​യി​രു​ത്തു​മ്പോ​ൾ ഹോ​ക്കി​യി​ലാ​യി​രി​ക്കും രാ​ജ്യം ഏ​റ്റ​വും കൂ​ടു​ത​ൽ നേ​ട്ടം കൈ​വ​രി​ച്ച​ത്. ലോ​ക ഫൈ​വ് സൈ​ഡ് പു​രു​ഷ -വ​നി​ത ഹോ​ക്കി മ​ത്സ​ര​മാ​ണ് ഇ​തി​ൽ എ​ടു​ത്തു​പ​റ​യേ​ണ്ട​ത്. റെ​ക്കോ​ഡ് വേ​ഗ​ത്തി​ലാ​ണ് ഇ​തി​നാ​യി അ​മീ​റാ​ത്തി​ലെ ന​വീ​ക​രി​ച്ച ഹോ​ക്കി സ്റ്റേ​ഡി​യ​ത്തി​ന്റെ നി​ർ​മാ​ണം പൂ​ർ​ത്തി​യാ​ക്കി​യ​ത്. കൂ​ടു​ത​ൽ അ​ന്ത​ർ​ദേ​ശീ​യ മ​ത്സ​ര​ങ്ങ​ൾ​ക്ക് വേ​ദി​യൊ​രു​ക്കാ​ൻ ഒ​മാ​ന് സാ​ധി​ക്കും എ​ന്ന​തി​ന്റെ തെ​ളി​വാ​യി​രു​ന്നു ഇ​തി​ന്റെ സം​ഘാ​ട​നം. ലോ​ക​ത്തി​ലെ മു​ൻ​നി​ര പു​രു​ഷ-​വ​നി​ത ടീ​മു​ക​ൾ മാ​റ്റു​ര​ച്ച ടൂ​ർ​ണ​മെ​ന്റി​ൽ ഒ​മാ​ന്റെ പു​രു​ഷ ടീം ​ന​ട​ത്തി​യ മു​ന്നേ​റ്റം സ്വ​പ്ന​തു​ല്യ​മാ​യി​രു​ന്നു.

പോ​ള​ണ്ടി​നെ ര​ണ്ടി​നെ​തി​രെ മൂ​ന്നു ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി​യാ​ണ് ഒ​മാ​ൻ മൂ​ന്നാം സ്ഥാ​നം ക​ര​സ്ഥ​മാ​ക്കി​യ​ത്. സ​ലാ​ല​യി​ൽ ന​ട​ന്ന ഫൈ​വ്സ് ഏ​ഷ്യ ക​പ്പ് ഹോ​ക്കി​യി​ലും ഒ​മാ​ൻ മ​ലേ​ഷ്യ​യെ പ​രാ​ജ​യ​പ്പെ​ടു​ത്തി മൂ​ന്നാം സ്ഥാ​നം നേ​ടി​യി​രു​ന്നു. പാ​രി​സ് ഒ​ളി​മ്പി​ക്​​സി​ന്റെ പു​രു​ഷ ഹോ​ക്കി യോ​ഗ്യ​ത മ​ത്സ​ര​ങ്ങ​ൾ​ക്ക് വേ​ദി​യാ​കാ​നും സാ​ധി​ച്ചു.

പാ​രി​സ് ഒ​ളി​മ്പി​ക്സി​ലെ പ്രാ​തി​നി​ധ്യം

2024ലെ ​പാ​രി​സ് ഒ​ളി​മ്പി​ക്സി​ൽ മെ​ഡ​ൽ നേ​ട്ടം ഉ​ണ്ടാ​യി​ല്ലെ​ങ്കി​ലും പ്ര​തീ​ക്ഷ​ക​ളു​ടെ കി​ര​ണ​ങ്ങ​ളു​ണ​ർ​ത്തി​യാ​ണ് വ​നി​ത അ​ത്‍ല​റ്റ് ഉ​ൾ​പ്പെ​ടെ നാ​ല് കാ​യി​ക പ്ര​തി​ഭ​ക​ൾ രാ​ജ്യ​ത്തി​ന്റെ കൊ​ടി​യേ​ന്തി​യ​ത്. പു​രു​ഷ​ന്മാ​രു​ടെ നൂ​റ് മീ​റ്റ​ർ സ്പ്രി​ന്റി​ൽ അ​ലി അ​ൽ ബ​ലൂ​ഷി, വ​നി​ത​ക​ളു​ടെ നൂ​റ് മീ​റ്റ​ർ സ്പ്രി​ന്റി​ൽ മ​സൂ​ൻ അ​ൽ അ​ലാ​വി, നൂ​റ് മീ​റ്റ​ർ ഫ്രീ​സ്റ്റൈ​ൽ നീ​ന്ത​ലി​ൽ ഈ​സാ അ​ൽ അ​ലാ​വി, സ​ഈ​ദ് അ​ൽ ഖ​ത്രി എ​ന്നി​വ​രാ​ണ് പാ​രി​സ് ഒ​ളി​മ്പി​ക്​​സി​ൽ രാ​ജ്യ​ത്തി​നാ​യി മാ​റ്റു​ര​ച്ച​ത്. ഇ​തി​ൽ മ​സൂ​ൻ അ​ൽ അ​ലാ​വി​യു​ടെ മൂ​ന്നാ​മ​ത്തെ​യും ഈ​സാ അ​ൽ അ​ലാ​വി​യു​ടെ ര​ണ്ടാ​മ​ത്തെ​യും ഒ​ളി​മ്പി​ക്സ് ആ​യി​രു​ന്നു.

ക​രു​ത്തു​പ​ക​ർ​ന്ന് ഫി​ഫ ബീ​ച്ച് ഫു​ട്ബാ​ൾ

ദു​ബൈ​യി​ൽ ന​ട​ന്ന ബീ​ച്ച് ലോ​ക​ക​പ്പ് ഫു​ട്ബാ​ളി​ൽ സാ​ന്നി​ധ്യം അ​റി​യി​ച്ച​തും ലോ​ക​ചാ​മ്പ്യ​ന്മാ​രാ​യ ബ്ര​സീ​ൽ, മെ​ക്സി​കോ, പോ​ർ​ചു​ഗ​ൽ ടീ​മു​ക​ൾ​ക്ക്‌ ഒ​പ്പം മ​ത്സ​രി​ക്കാ​ൻ സാ​ധി​ച്ച​തും ദേ​ശീ​യ ടീ​മി​ന് നേ​ട്ട​മാ​യി. ക​രു​ത്ത​രു​ടെ ഗ്രൂ​പ്പി​ൽ ഉ​ൾ​പ്പെ​ട്ട ഒ​മാ​ൻ പോ​ർ​ചു​ഗ​ലി​നോ​ട് ര​ണ്ടി​നെ​തി​രെ മൂ​ന്നു ഗോ​ളു​ക​ൾ​ക്ക് പ​രാ​ജ​യ​പ്പെ​ട്ടെ​ങ്കി​ലും മെ​ക്സി​കോ​യെ പ​രാ​ജ​യ​പ്പെ​ടു​ത്തി. എ​ന്നാ​ൽ, നി​ർ​ണാ​യ​ക മ​ത്സ​ര​ത്തി​ൽ ചാ​മ്പ്യ​ന്മാ​രാ​യ ബ്ര​സീ​ലി​നോ​ട് പ​രാ​ജ​യ​പ്പെ​ട്ട്​ ടൂ​ർ​ണ​മെ​ന്റി​ൽ​നി​ന്ന് പു​റ​ത്താ​യെ​ങ്കി​ലും ലോ​ക​ക​പ്പി​ലെ സാ​ന്നി​ധ്യം ഒ​മാ​ന് ക​രു​ത്താ​യി.

എ​മേ​ർ​ജി​ങ് ക​പ്പ് ഏ​ഷ്യ ക​പ്പ് ട്വ​ന്റി 20

ഒ​മാ​ന്റെ മ​ണ്ണി​ൽ ഫു​ട്ബാ​ളി​നൊ​പ്പം ക്രി​ക്ക​റ്റും വേ​രു​പി​ടി​ക്കു​ന്ന കാ​ഴ്ച​ക്കാ​ണ് ഈ ​വ​ർ​ഷം സാ​ക്ഷ്യം വ​ഹി​ച്ച​ത്. ഐ.​സി.​സി ലോ​ക​ക​പ്പ് യോ​ഗ്യ​ത റൗ​ണ്ടി​ൽ ഒ​മാ​ൻ മി​ക​ച്ച മു​ന്നേ​റ്റം ന​ട​ത്തി​യി​രു​ന്നു. അ​തി​നൊ​പ്പം ത​ന്നെ നി​ര​വ​ധി അ​ന്ത​ർ​ദേ​ശീ​യ ക്രി​ക്ക​റ്റ് ടൂ​ർ​ണ​മെ​ന്റു​ക​ൾ​ക്കും അ​മീ​റാ​ത്തി​ലെ ക്രി​ക്ക​റ്റ് അ​ക്കാ​ദ​മി വേ​ദി​യാ​യി. എ​മേ​ർ​ജി​ങ് ക​പ്പ് ഏ​ഷ്യാ​ക​പ്പ് ട്വ​ന്റി 20 ടൂ​ർ​ണ​മെ​ന്റ്​ വീ​ക്ഷി​ക്കാ​ൻ ആ​യി​ര​ങ്ങ​ളാ​ണ് ഗ്രൗ​ണ്ടി​ലേ​ക്ക് ഒ​ഴു​കി​യ​ത്. നി​ഷ്പ​ക്ഷ വേ​ദി എ​ന്ന നി​ല​യി​ൽ ഐ.​സി.​സി ക്രി​ക്ക​റ്റ് ടെ​സ്റ്റു​ക​ൾ അ​ട​ക്ക​മു​ള്ള മ​ത്സ​ര​ങ്ങ​ൾ​ക്ക് വേ​ദി​യാ​കാ​ൻ ഒ​മാ​ൻ ഒ​രു​ങ്ങു​ന്ന​താ​യാ​ണ് റി​പ്പോ​ർ​ട്ടു​ക​ൾ.

ലോ​ക​ക​പ്പ് ഫു​ട്ബാ​ൾ യോ​ഗ്യ​ത

ലോ​ക​ക​പ്പ് ഫു​ട്ബാ​ൾ മ​ത്സ​ര​ത്തി​ലെ ഫൈ​ന​ൽ റൗ​ണ്ട് ക​ളി​ക്കു​ക എ​ന്ന സ്വ​പ്‍ന നേ​ട്ട​ത്തി​നാ​യു​ള്ള ക​ഠി​ന ശ്ര​മ​ത്തി​ലാ​ണ് ഒ​മാ​ൻ ദേ​ശീ​യ ഫു​ട്​​ബാ​ൾ ടീം.

2026 ​ലെ അ​മേ​രി​ക്ക​ൻ ലോ​ക​ക​പ്പി​ൽ ക​ളി​ക്കാ​നാ​യു​ള്ള യോ​ഗ്യ​താ മ​ത്സ​ര​ങ്ങ​ളി​ൽ നി​ല​വി​ൽ ഏ​റെ വെ​ല്ലു​വി​ളി​ക​ളാ​ണ് ടീം ​നേ​രി​ടു​ന്ന​തെ​ങ്കി​ലും അ​ന്തി​മ നേ​ട്ടം കൈ​വ​രി​ക്കാ​ൻ സാ​ധി​ക്കു​മെ​ന്നു ത​ന്നെ​യാ​ണ് ആ​രാ​ധ​ക​രു​ടെ വി​ശ്വാ​സം.

നി​ല​വി​ൽ ഗ്രൂ​പ് ‘ബി’ ​യി​ൽ ആ​റ് പോ​യ​ന്റു​മാ​യി നാ​ലാം സ്ഥാ​ന​ത്താ​ണെ​ങ്കി​ലും ഇ​നി​യു​ള്ള മ​ത്സ​ര​ങ്ങ​ൾ ജ​യി​ച്ച്​ യോ​ഗ്യ​ത നേ​ടു​മെ​ന്നു ത​ന്നെ​യാ​ണ് ആ​രാ​ധ​ക​ർ ക​രു​തു​ന്ന​ത്.

കൂ​ടു​ത​ൽ അ​വ​സ​ര​ങ്ങ​ൾ, പ്ര​തീ​ക്ഷ​ക​ൾ ....

ഒ​ട്ട​ന​വ​ധി അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​നും നേ​ട്ട​ങ്ങ​ൾ കൈ​വ​രി​ക്കാ​നും ഒ​മാ​ൻ താ​ര​ങ്ങ​ൾ​ക്ക് സാ​ധി​ച്ചു എ​ന്ന​താ​ണ് എ​ടു​ത്തു​പ​റ​യേ​ണ്ട കാ​ര്യം.

ദു​ബൈ​യി​ൽ ന​ട​ന്ന ജി.​സി.​സി അ​ത്‍ല​റ്റി​ക്സ് മീ​റ്റി​ൽ ഒ​മാ​ൻ താ​ര​ങ്ങ​ൾ നി​ര​വ​ധി മെ​ഡ​ലു​ക​ൾ നേ​ടി​യി​രു​ന്നു. ലോ​ക ടേ​ബി​ൾ ടെ​ന്നി​സ് ടൂ​ർ​ണ​മെ​ന്റ് (സീ​നി​യ​ർ സി​റ്റി​സ​ൺ​സ്), അ​ന്ത​ർ​ദേ​ശീ​യ ചെ​സ് ടൂ​ർ​ണ​മെ​ന്റ്, ലോ​ക സൈ​ക്ലി​ങ് ഭൂ​പ​ട​ത്തി​ൽ സ്ഥാ​നം പി​ടി​ച്ച ടൂ​ർ ഓ​ഫ് ഒ​മാ​ൻ, ഒ​മാ​നി​ൽ ഏ​റ്റ​വും കൂ​ടു​ത​ൽ ആ​ളു​ക​ൾ പ​ങ്കെ​ടു​ക്കു​ന്ന കാ​യി​ക മ​ത്സ​ര ഇ​ന​മാ​യ മ​സ്ക​ത്ത് മാ​ര​ത്ത​ൺ തു​ട​ങ്ങി​യ നി​ര​വ​ധി മ​ത്സ​ര​യി​ന​ങ്ങ​ൾ രാ​ജ്യ​ത്തെ കാ​യി​ക ഭൂ​പ​ട​ത്തി​ൽ അ​ട​യാ​ള​പ്പെ​ടു​ത്തി​യാ​ണ് ഈ ​വ​ർ​ഷം ക​ട​ന്നു​പോ​കു​ന്ന​ത്.