​െഎ.സി.യു രോഗികളുടെ എണ്ണം ഉയരുന്നത്​ ആശങ്കാജനകം -ആരോഗ്യ മന്ത്രി

മസ്​കത്ത്​: കോവിഡിനെ തുടർന്ന്​ തീവ്ര പരിചരണ വിഭാഗങ്ങളിൽ പ്രവേശിക്കപ്പെടുന്നവരുടെ എണ്ണത്തിൽ ആശങ്കാജനകമായ വർധനവ്​ ദൃശ്യമാണെന്ന്​ ഒമാൻ ആരോഗ്യ മന്ത്രി ഡോ.അഹമ്മദ്​ ബിൻ മുഹമ്മദ്​ അൽ സഇൗദി. സുപ്രീം കമ്മിറ്റിയുടെ മുൻ കരുതൽ നിർദേശങ്ങൾ പാലിക്കാത്തവർക്കെതിരെ കർശന നടപടി സ്വീകരിക്കുമെന്നും ആരോഗ്യ മന്ത്രി ഒമാൻ ടെലിവിഷന്​ നൽകിയ അഭിമുഖത്തിൽ പറഞ്ഞു. രണ്ടാഴ്​ച മുമ്പ്​ തീവ്ര പരിചരണ വിഭാഗത്തിലുണ്ടായിരുന്നത്​ 20 പേരാണ്​. ഇപ്പോൾ അത്​ 40ന്​ മുകളിലായി.

ഇബ്ര ആശുപത്രിയിൽ തീവ്ര പരിചരണ വിഭാഗത്തിൽ പ്രവേശിക്കപ്പെട്ടവരുടെ എണ്ണത്തിൽ നൂറ്​ ശതമാനത്തി​െൻറ വർധനവാണ്​ ഉണ്ടായത്​. വടക്കൻ ശർഖിയ ഗവർണറേറ്റിലെ വാണിജ്യ സ്​ഥാപനങ്ങൾ രണ്ടാഴ്​ചത്തേക്ക്​ രാത്രി അടച്ചിടാനുള്ള തീരുമാനം ഇതുകൊണ്ടാണ്​ കൈകൊണ്ടത്​.

ഫൈസർ കോവിഡ്​ വാക്​സി​െൻറ ആദ്യ ഡോസ്​ ലഭിച്ചവർക്ക്​ രണ്ടാമത്തേതും നൽകുമെന്ന്​ ആരോഗ്യ മന്ത്രി പറഞ്ഞു. വൈകുന്നത്​ വാക്​സി​െൻറ പ്രവർത്തനക്ഷമതയെ ബാധിക്കില്ല. മുൻഗണനാ പട്ടികയിലുള്ളവർ എത്രയും വേഗം വാക്​സിൻ സ്വീകരിക്കണം. ചില ഗവർണറേറ്റുകളിൽ വാക്​സിൻ സ്വീകരിക്കുന്നവരുടെ എണ്ണം കുറവാണെന്നും മന്ത്രി പറഞ്ഞു. രോഗമുക്​തി നേടിയവരുടെ എണ്ണം 94 ശതമാനമായി ഉയർന്നു. തീവ്ര പരിചരണ വിഭാഗത്തിൽ ചികിൽസയിലുള്ള ചിലർ വാക്​സിനേഷനോട്​ വിമുഖത പ്രകടിപ്പിച്ചതായും ആരോഗ്യ മന്ത്രി പറഞ്ഞു. താൻസാനിയയിൽ നിന്ന്​ ഒമാനിലേക്ക്​ വരുന്ന യാത്രക്കാരിൽ 18 ശതമാനമാണ്​ പോസിറ്റിവിറ്റി നിരക്ക്​. അതിനാൽ ഉയർന്ന രോഗപകർച്ചയുള്ള രാജ്യങ്ങളിൽ നിന്ന്​ ഒമാനിലേക്കുള്ള വിമാന സർവീസുകൾ നിർത്തലാക്കുന്ന കാര്യം സുപ്രീം കമ്മിറ്റി പരിഗണിച്ചുവരുകയാണെന്നും ഡോ. അൽ സഇൗദി പറഞ്ഞു.