മസ്കത്ത് വിമാനത്താവളത്തിൽ യാത്രക്കാരുടെ എണ്ണത്തിൽ വർധന
text_fieldsമസ്കത്ത് അന്താരാഷ്ട്ര വിമാനത്താവളം
മസ്കത്ത്: മസ്കത്ത് അന്താരാഷ്ട്ര വിമാനത്താവളത്തിൽ യാത്രക്കാരുടെ എണ്ണത്തിൽ വർധന. ഈ വർഷത്തെ ആദ്യ ഏഴുമാസം പിന്നിട്ടപ്പോഴേക്കും 75 ലക്ഷം യാത്രക്കാരാണ് ഇതുവരെ മസ്കത്ത് വിമാനത്താവളം വഴി യാത്രചെയ്തത്. അന്താരാഷ്ട്ര യാത്രക്കാരുടെ എണ്ണത്തിൽ 2023നെ അപേക്ഷിച്ച് ഒമ്പത് ശതമാനത്തിന്റെ വർധനയാണുണ്ടായത്. 2023ൽ ഇതേകാലയളവിൽ 64,74797 അന്താരാഷ്ട്ര യാത്രക്കാർ വന്നുപോയെങ്കിൽ നിലവിലത് 69,49193 ആയാണ് ഉയർന്നത്.
അതേസമയം ആഭ്യന്തര യാത്രക്കാരുടെ എണ്ണത്തിൽ കഴിഞ്ഞ വർഷവുമായി താരതമ്യം ചെയ്യുമ്പോൾ 8.3 ശതമാനത്തിന്റെ വർധനവാണുണ്ടായത്. 2023ൽ ആകെ മസ്കത്ത് വിമാനത്താവളം വഴി 69,49202 യാത്രക്കാർ യാത്രചെയ്തപ്പോൾ 2024ൽ ഇതുവരെ 75,71148 പേരാണ് യാത്രചെയ്തത്. സലാല വിമാനത്താവളത്തിലും സമാനമായ സ്ഥിതിയാണ്. കഴിഞ്ഞ വർഷം ഇതേകാലയളവിൽ 75,0251 യാത്രക്കാർ ഉപയോഗിച്ചപ്പോൾ നിലവിലത് 82,7486 ആയി ഉയർന്നിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.