നി​ക്ഷേ​പ സാ​ധ്യ​ത​ക​ൾ​​​ തേ​ടി ഇ​ന്ത്യ​ൻ ബി​സി​ന​സ് പ്ര​തി​നി​ധി സം​ഘം

മ​സ്ക​ത്ത്: ഒ​മാ​ൻ ചേം​ബ​ർ ഓ​ഫ് കൊ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി (ഒ.​സി.​സി.​ഐ) വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ ശാ​ഖ ഇ​ന്ത്യ​യി​ൽ നി​ന്നു​ള്ള ബി​സി​ന​സ് പ്ര​തി​നി​ധി​ക​ളു​മാ​യി കൂ​ടി​ക്കാ​ഴ്ച ന​ട​ത്തി. സ​ന്ദ​ർ​ശ​ക സം​ഘ​ത്തി​ൽ 30പേ​രാ​യി​രു​ന്നു ഉ​ണ്ടാ​യി​രു​ന്ന​ത്. ഭ​ക്ഷ്യ​വ​സ്തു​ക്ക​ൾ, കൃ​ഷി, നി​ർ​മാ​ണ സാ​മ​ഗ്രി​ക​ൾ, സൗ​ന്ദ​ര്യ​വ​ർ​ധ​ക വ​സ്തു​ക്ക​ൾ, മ​രു​ന്ന്, പ്ലാ​സ്റ്റി​ക്, തു​ണി​ത്ത​ര​ങ്ങ​ൾ, പെ​ട്രോ​ളി​യം ഉ​ൽ​പ​ന്ന​ങ്ങ​ൾ, ആ​ഭ​ര​ണ​ങ്ങ​ൾ എ​ന്നി​ങ്ങ​നെ വി​വി​ധ മേ​ഖ​ല​ക​ളി​ൽ ബി​സി​ന​സ് പ​ങ്കാ​ളി​ത്തം സ്ഥാ​പി​ക്കാ​നാ​ണ് യോ​ഗ​ത്തി​ലൂ​ടെ ല​ക്ഷ്യ​മി​ട്ടി​രു​ന്ന​ത്.

വ്യാ​പാ​ര സ​ഹ​ക​ര​ണം വി​പു​ലീ​ക​രി​ക്കു​ന്ന​തി​നും വൈ​ദ​ഗ്ധ്യ​വും വി​വ​ര​ങ്ങ​ളും കൈ​മാ​റു​ന്ന​തി​നും സം​യു​ക്ത നി​ക്ഷേ​പ അ​വ​സ​ര​ങ്ങ​ൾ പ​ര്യ​വേ​ക്ഷ​ണം ചെ​യ്യു​ന്ന​തി​നു​മാ​യി ഒ​മാ​നി​ലെ​യും ഇ​ന്ത്യ​യി​ലെ​യും ബി​സി​ന​സു​കാ​ർ ത​മ്മി​ൽ ച​ർ​ച്ച പാ​ന​ലു​ക​ളും ബി ​ടു ബി ​മീ​റ്റി​ങ്ങു​ക​ളും ന​ട​ന്നു.

ഒ​മാ​നും ഇ​ന്ത്യ​യും ത​മ്മി​ലു​ള്ള വ്യാ​പാ​ര വി​നി​മ​യം ക​ഴി​ഞ്ഞ ജൂ​ൺ അ​വ​സാ​ന​ത്തോ​ടെ മൂ​ന്ന് ശ​ത​കോ​ടി ഡോ​ള​റി​ല​ധി​കം എ​ത്തി​യ​താ​യി ഒ​മാ​ൻ ചേം​ബ​ർ ഓ​ഫ് കൊ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി​യു​ടെ വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റ് ബ്രാ​ഞ്ചി​ന്‍റെ ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ സ​ഈ​ദ് ബി​ൻ അ​ലി അ​ൽ അ​ബ്രി പ​റ​ഞ്ഞു.

ഉ​ഭ​യ​ക​ക്ഷി വ്യാ​പാ​രം വ​ർ​ധി​പ്പി​ക്കാ​നും ഇ​രു​രാ​ജ്യ​ങ്ങ​ളു​ടെ​യും സാ​മ്പ​ത്തി​ക താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​നാ​യി നി​ക്ഷേ​പ അ​വ​സ​ര​ങ്ങ​ൾ സൃ​ഷ്ടി​ക്കാ​നും ഇ​ന്ത്യ ഉ​ത്സാ​ഹ​ത്തോ​ടെ പ​രി​ശ്ര​മി​ക്കു​ന്നു​ണ്ടെ​ന്ന് ഇ​ന്ത്യ​ൻ ക​യ​റ്റു​മ​തി സം​ഘ​ട​ന​ക​ളു​ടെ റീ​ജി​ന​ൽ ഫെ​ഡ​റേ​ഷ​ൻ പ്ര​സി​ഡ​ന്‍റും ഇ​ന്ത്യ​ൻ പ്ര​തി​നി​ധി സം​ഘ​ത്തി​ന്‍റെ ത​ല​വ​നു​മാ​യ പ​രേ​ഷ് മേ​ത്ത ചൂ​ണ്ടി​ക്കാ​ട്ടി.