നാശം വിതച്ച മേഖലകൾ ഇന്ത്യൻ എംബസി പ്രതിനിധികൾ സന്ദർശിച്ചു

കാ​ബൂ​റ: ഷ​ഹീ​ൻ ചു​ഴ​ലി​ക്കാ​റ്റും മ​ഴ​യും ക​ന​ത്ത നാ​ശം വി​ത​ച്ച ബാ​ത്തി​ന മേ​ഖ​ല​യി​ലെ സു​വൈ​ഖ്, ഖ​ദ്റ, ബി​ദ്​​യ, ഖാ​ബൂ​റ എ​ന്നീ മേ​ഖ​ല​ക​ൾ ഇ​ന്ത്യ​ൻ എം​ബ​സി പ്ര​തി​നി​ധി​ക​ൾ ബു​ധ​നാ​ഴ്​​ച സ​ന്ദ​ർ​ശി​ച്ചു. നാ​ലു​പേ​ർ അ​ട​ങ്ങു​ന്ന എം​ബ​സി സം​ഘ​ത്തോ​ടൊ​പ്പം അ​ത​ത് പ്ര​ദേ​ശ​ങ്ങ​ളി​ലെ സാ​മൂ​ഹി​ക പ്ര​വ​ർ​ത്ത​ക​രും ഉ​ണ്ടാ​യി​രു​ന്നു. നാ​ശം ഏ​റെ ബാ​ധി​ച്ച വീ​ടു​ക​ളും ത​ക​ർ​ന്ന കെ​ട്ടി​ട​ങ്ങ​ളും ക​ച്ച​വ​ട സ്ഥാ​പ​ന​ങ്ങ​ളും പ്ര​തി​നി​ധി​ക​ൾ നോ​ക്കി​ക്ക​ണ്ടു. ഭ​ക്ഷ​ണ​സാ​ധ​ന​ങ്ങ​ൾ, ന​ഷ്​​ട​പ​രി​ഹാ​രം, വീ​ടും ക​ട​ക​ളും ശു​ചീ​ക​രി​ക്കാ​നു​ള്ള സ​ഹാ​യം, വൈ​ദ്യു​തി​യു​ടെ പു​നഃ​സ്ഥാ​പ​നം എ​ന്നി​ങ്ങ​നെ നി​ര​വ​ധി ആ​വ​ശ്യ​ങ്ങ​ൾ എം​ബ​സി അ​ധി​കൃ​ത​ർ​ക്ക്​ മു​ന്നി​ൽ ഉ​ന്ന​യി​ച്ചു. പാ​സ്പോ​ർ​ട്ട് ന​ഷ്​​ട​​പ്പെ​ട്ട​വ​രും ഭാ​ഗി​ക​മാ​യി വെ​ള്ളം ന​ന​ഞ്ഞു കേ​ടു​വ​ന്ന​വ​രും പ​രാ​തി​യു​മാ​യി രം​ഗ​ത്തെ​ത്തി.

ഫീ​സ് ഈ​ടാ​ക്കാ​തെ പാ​സ്​​പോ​ർ​ട്ട് ന​ൽ​ക​ണ​മെ​ന്ന ത​െൻറ ആ​വ​ശ്യം അ​നു​ഭാ​വ​പൂ​ർ​വം പ​രി​ഗ​ണി​ച്ച​താ​യി ഖാ​ബൂ​റ​യി​ലെ സാ​മൂ​ഹി​ക പ്ര​വ​ർ​ത്ത​ക​ൻ രാ​മ​ച​ന്ദ്ര​ൻ താ​നൂ​ർ മാ​ധ്യ​മ​ത്തോ​ട് പ​റ​ഞ്ഞു. ത​ക​ർ​ന്ന റോ​ഡു​ക​ളും കെ​ട്ടി​ട​ങ്ങ​ളും പാ​ർ​പ്പി​ട കേ​ന്ദ്ര​ങ്ങ​ളും ക​ട​ക​ളും സ​ന്ദ​ർ​ശി​ച്ച ശേ​ഷം മൂ​ന്നു​മ​ണി​യോ​ടെ എം​ബ​സി അ​ധി​കൃ​ത​ർ മ​ട​ങ്ങി. ഉ​ന്ന​യി​ച്ച എ​ല്ലാ​കാ​ര്യ​ങ്ങ​ൾ​ക്കും പ​രി​ഹാ​ര​മു​ണ്ടാ​ക്കാം എ​ന്നു​ള്ള ഉ​റ​പ്പ് ല​ഭി​ച്ച​താ​യി രാ​ജേ​ഷ് പ​റ​ഞ്ഞു. ഭ​ക്ഷ​ണ​വും മാ​റി​യു​ടു​ക്കാ​ൻ വ​സ്ത്ര​ങ്ങ​ളു​മാ​ണ് അ​ത്യാ​വ​ശ്യം. നി​ര​വ​ധി സാ​മൂ​ഹി​ക സം​ഘ​ട​ന​ക​ൾ ഭ​ക്ഷ​ണ​വും വെ​ള്ള​വു​മാ​യി മേ​ഖ​ല​യി​ൽ ചെ​ല്ലു​ന്നു​ണ്ട്. ച​ളി​യി​ൽ അ​മ​ർ​ന്ന വാ​ഹ​ന​ങ്ങ​ൾ പു​റ​ത്തെ​ടു​ക്കാ​നും അ​റ്റ​കു​റ്റ​പ്പ​ണി​ക്കും ദി​വ​സ​ങ്ങ​ളു​ടെ പ്ര​യ​ത്നം വേ​ണ്ടി​വ​രും. മു​നി​സി​പ്പാ​ലി​റ്റി​യു​ടെ മേ​ൽ​നോ​ട്ട​ത്തി​ൽ റോ​ഡും സ്ഥ​ല​ങ്ങ​ളും യു​ദ്ധ​കാ​ലാ​ടി​സ്ഥാ​ന​ത്തി​ൽ വൃ​ത്തി​യാ​ക്ക​ൽ തു​ട​രു​ക​യാ​ണ്.

ന​ഷ്​​ട​പ്പെ​ട്ട​ത് തേ​ടി​പ്പി​ടി​ക്കാ​നാ​കാ​തെ...
കാ​ബൂ​റ: ഒ​രു രാ​ത്രി വെ​ളു​ക്കു​മ്പോ​ഴേ​ക്കും ന​ഷ്​​ട​മാ​യ​ത് പാ​സ്​​പോ​ർ​ട്ട് അ​ട​ക്കം വി​ല​പി​ടി​പ്പു​ള്ള രേ​ഖ​ക​ൾ. ന​ന​ഞ്ഞു​കു​തി​ർ​ന്നു പേ​ജു​ക​ൾ ഇ​ള​കി​യ പാ​സ്​​പോ​ർ​ട്ടു​മാ​യി താ​നൂ​ർ സ്വ​ദേ​ശി കു​ന്നു​മ്മ​ൽ വി​ജ​യ​ൻ എം​ബ​സി അ​ധി​കൃ​ത​രു​ടെ മു​ന്നി​ലെ​ത്തു​മ്പോ​ൾ വി​തു​മ്പു​ന്നു​ണ്ടാ​യി​രു​ന്നു. ഇ​ങ്ങ​നെ നി​ര​വ​ധി പേ​രു​ടെ പാ​സ്​​പോ​ർ​ട്ടു​ക​ളാ​ണ്​ വെ​ള്ളം ക​യ​റി ഭാ​ഗി​ക​മാ​യോ പൂ​ർ​ണ​മാ​യോ ന​ശി​ച്ചി​രി​ക്കു​ന്ന​ത്. ക​മ്പ​നി​യി​ൽ സൂ​ക്ഷി​ച്ച മ​ല​യാ​ളി​ക​ളു​ടേ​ത​ട​ക്കം നി​ര​വ​ധി പാ​സ്പോ​ർ​ട്ടും മ​റ്റു രേ​ഖ​ക​ളു​മാ​ണ് ന​ഷ്​​ട​മാ​യ​ത്. തി​രി​ച്ച​റി​യ​ൽ, എ.​ടി.​എം കാ​ർ​ഡു​ക​ൾ, പ​ഴ്‌​സ്, പ​ണം, സ​ർ​ട്ടി​ഫി​ക്ക​റ്റു​ക​ൾ.. ഇ​ങ്ങ​നെ വെ​ള്ളം ക​യ​റി ന​ശി​ച്ച​തി​ൽ നി​ര​വ​ധി രേ​ഖ​ക​ൾ​പെ​ടും. കു​ടും​ബ​ങ്ങ​ളു​ടെ പാ​സ്​​പോ​ർ​ട്ടും അ​നു​ബ​ന്ധ രേ​ഖ​ക​ളും സ്‌​കൂ​ൾ സ​ർ​ട്ടി​ഫി​ക്ക​റ്റും വി​വാ​ഹ​രേ​ഖ​ക​ളും എ​ല്ലാം ഒ​ന്നി​ൽ​നി​ന്ന് തു​ട​ങ്ങ​ണം.