ഇ​ന്ത്യ​ൻ സ്കൂ​ൾ ബൗ​ഷ​ർ സ്റ്റു​ഡ​ൻ​റ് കൗ​ൺ​സി​ൽ ചു​മ​ത​ല​യേ​റ്റു

മ​സ്ക​ത്ത്​: ഇ​ന്ത്യ​ൻ സ്കൂ​ൾ ബൗ​ഷ​ർ സ്റ്റു​ഡ​ൻ​റ് കൗ​ൺ​സി​ൽ അം​ഗ​ങ്ങ​ൾ ഔ​ദ്യോ​ഗി​ക​മാ​യി ചു​മ​ത​ല ഏ​റ്റെ​ടു​ക്കു​ന്ന ച​ട​ങ്ങ് വി​വി​ധ പ​രി​പാ​ടി​ക​ളോ​ടെ ന​ട​ന്നു. ഇ​ന്ത്യ​ൻ എം​ബ​സി പ്ര​തി​രോ​ധ ഉ​പ​ദേ​ഷ്ടാ​വ് ക്യാ​പ്റ്റ​ൻ ഹ​രീ​ഷ് ശ്രീ​നി​വാ​സ​ൻ മു​ഖ്യാ​തി​ഥി​യാ​യി. അ​ധ്യാ​പ​ക​രും ര​ക്ഷി​താ​ക്ക​ളും പ​​ങ്കെ​ടു​ത്തു.

സ്റ്റു​ഡ​ന്റ്സ് കൗ​ൺ​സി​ൽ അം​ഗ​ങ്ങ​ളു​ടെ സ്ഥാ​നാ​രോ​ഹ​ണ ച​ട​ങ്ങി​ൽ ക്യാ​പ്റ്റ​ൻ ഹ​രീ​ഷ് ശ്രീ​നി​വാ​സ​ൻ ഔ​ദ്യോ​ഗി​ക ഉ​ത്ത​ര​വാ​ദി​ത്ത​ങ്ങ​ൾ അ​ട​യാ​ള​പ്പെ​ടു​ത്തു​ന്ന ബാ​ൻ​ഡു​ക​ൾ ന​ൽ​കി. നേ​തൃ​ത്വ​ത്തി​ന്‍റെ​യും ഉ​ത്ത​ര​വാ​ദി​ത്ത​ത്തി​ന്റെ​യും പ്രാ​ധാ​ന്യ​വും സ്കൂ​ളി​ന്റെ മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ക്കാ​നും വി​ദ്യാ​ർ​ത്ഥി സ​മൂ​ഹ​ത്തി​ന്റെ ഉ​ന്ന​മ​ന​ത്തി​നാ​യി പ്ര​വ​ർ​ത്തി​ക്കാ​നും ഉ​ദ്ബോ​ധി​പ്പി​ച്ചു.

ഇ​ന്ത്യ​ൻ സ്‌​കൂ​ൾ ബൗ​ഷ​ർ പ്രി​ൻ​സി​പ്പ​ൽ പി. ​പ്ര​ഭാ​ക​ര​ൻ സ​ത്യ​പ്ര​തി​ജ്ഞ ച​ട​ങ്ങി​ന് നേ​തൃ​ത്വം ന​ൽ​കി. സ്‌​കൂ​ൾ ഗാ​യ​ക​സം​ഘം അ​വ​ത​രി​പ്പി​ച്ച ‘റൈ​സ് ആ​ൻ​ഡ് ലീ​ഡ് ഇ​ൻ​സ്പ​യ​റി​ങ് ദി ​ഫ്ലേം വി​ത്തി​ൻ’ എ​ന്ന ഗാ​ന​വും ച​ടു​ല​നൃ​ത്ത​വും ശ്ര​ദ്ധേ​യ​മാ​യി. ചു​മ​ത​ല​യേ​റ്റ സ്കൂ​ൾ ലീ​ഡ​ർ​മാ​ർ, മ​റ്റ് കൗ​ൺ​സി​ൽ അം​ഗ​ങ്ങ​ൾ എ​ന്നി​വ​രെ പ്ര​മു​ഖ​രും അ​ധ്യാ​പ​ക​രും സ​ഹ​പാ​ഠി​ക​ളും അ​ഭി​ന​ന്ദി​ച്ചു, സ്‌​കൂ​ൾ മാ​നേ​ജ്‌​മെ​ന്റ് ക​മ്മി​റ്റി പ്ര​സി​ഡ​ൻ​റ് രാ​ജ ജ​യ​ബാ​ല​ൻ, എ​സ്.​എം.​സി അം​ഗ​ങ്ങ​ളാ​യ ഡോ. ​സ​യ്യി​ദ് ഫ​സ്‌​ലു​ർ റ​ഹ്മാ​ൻ, ഷ​ൺ​മു​ഖം പു​രു​ഷോ​ത്ത​മ​ൻ എ​ന്നി​വ​ർ പ​ങ്കെ​ടു​ത്തു. വൈ​സ് പ്രി​ൻ​സി​പ്പ​ൽ അം​ബി​ക പ​ത്മ​നാ​ഭ​ൻ ന​ന്ദി പ​റ​ഞ്ഞു.