ഇന്ത്യൻ സ്കൂൾ ദാർസൈത്ത് 12ാം ക്ലാസ്​ ഗ്രാജ്വേഷൻ സെറിമണി

മ​സ്ക​ത്ത്​: ഇ​ന്ത്യ​ൻ സ്കൂ​ൾ ദാ​ർ​സൈ​ത്ത്​ 12ാം ക്ലാ​സ്​ വി​ദ്യാ​ർ​ഥി​ക​ളു​ടെ ​​​ഗ്രാ​ജ്വേ ​ഷ​ൻ സെ​റി​മ​ണി പ്രൗ​ഢ​ഗം​ഭീ​ര ച​ട​ങ്ങു​ക​​ളോ​ടെ ന​ട​ന്നു. ഇ​ന്ത്യ​ൻ സ്കൂ​ൾ ബോ​ർ​ഡ്​ ഡ​യ​റ​ക്ട​റം​ഗം പി.​പി.​നി​ധീ​ഷ് കു​മാ​ർ, സ്‌​കൂ​ൾ മാ​നേ​ജ്‌​മെ​ന്‍റ് ക​മ്മി​റ്റി വൈ​സ് പ്ര​സി​ഡ​ന്‍റും അ​ക്കാ​ദ​മി​ക് സ​ബ് ക​മ്മി​റ്റി ത​ല​വ​നു​മാ​യ ഷാ​ലി​മാ​ർ മൊ​യ്തീ​ൻ എ​ന്നി​വ​ർ മു​ഖ്യാ​തി​ഥി​യും അ​തി​ഥി​യാ​യും ​പ​​ങ്കെ​ടു​ത്തു.

സ്‌​കൂ​ൾ മാ​നേ​ജ്‌​മെ​ന്‍റ് ക​മ്മി​റ്റി പ്ര​സി​ഡ​ന്‍റ് വി​ജ​യ ശ​ര​വ​ണ​ൻ ശ​ങ്ക​ര​ൻ, എ​സ്.​എം.​സിയി​ലെ മ​റ്റു അം​ഗ​ങ്ങ​ളാ​യ കെ. ​വി​നോ​ദ്കു​മാ​ർ , ഷാ​ജി ക​ണി​യാ​റ​ട്ടി​ൽ, എം.​എ.​ഉ​ണ്ണി​കൃ​ഷ്ണ​ൻ, ഷെ​ബീ​ർ ഷം​സു​ദ്ദീ​ൻ, ആ​ശി​ഷ് ഡോ. ​റ​സ്തോ​ഗി എ​ന്നി​വ​ർ പ​​ങ്കെ​ടു​ത്തു.

ഒ​മാ​ൻ രാ​ജ​കീ​യ ഗാ​നം, ഇ​ന്ത്യ​ൻ ദേ​ശീ​യ​ഗാ​നം എ​ന്നി​വ​ക്കു​​ശേ​ഷ​മാ​യി​രു​ന്നു ച​ട​ങ്ങു​ക​ൾ തു​ട​ങ്ങി​യ​ത്. സീ​നി​യ​ർ വി​ഭാ​ഗം വൈ​സ് പ്രി​ൻ​സി​പ്പ​ൽ ഷം​ഷാ​ദ് ഹം​സ വി​ശി​ഷ്ടാ​തി​ഥി​ക​ളെ​യും ക്ഷ​ണി​താ​ക്ക​ളെ​യും ര​ക്ഷി​താ​ക്ക​ളെ​യും അ​ധ്യാ​പ​ക​രെ​യും വി​ദ്യാ​ർ​ഥി​ക​ളെ​യും ച​ട​ങ്ങി​ലേ​ക്കു​ സ്വാ​ഗ​തം ചെ​യ്തു. പ​ഠ​നം തു​ട​ർ​ച്ച​യാ​യ പ്ര​ക്രി​യ​യാ​ണെ​ന്നും രാ​ജ്യ​ത്തി​ന്‍റെ ഉ​ത്ത​ര​വാ​ദി​ത്ത​മു​ള്ള പൗ​ര​ന്മാ​രാ​യി വ​ള​ർ​ത്തു​ന്ന​തി​ൽ വി​ദ്യാ​ർ​ഥി​ക​ളെ രൂ​പ​പ്പെ​ടു​ത്തു​ന്ന​തി​ൽ അ​ധ്യാ​പ​ക​ർ സു​പ്ര​ധാ​ന പ​ങ്കാ​ണ്​ വ​ഹി​ക്കു​ന്ന​തെ​ന്നും അ​ധ്യ​ക്ഷ പ്ര​സം​ഗ​ത്തി​ൽ വി​ജ​യ ശ​ര​വ​ണ​ൻ ശ​ങ്ക​ര​ൻ പ​റ​ഞ്ഞു.

വി​ദ്യാ​ർ​ഥി​ക​ൾ ജി​ജ്ഞാ​സ​യും അ​ന്വേ​ഷ​ണാ​ത്മ​ക​വും വ​ള​ർ​ത്തേ​ണ്ട​തി​ന്‍റെ​യും പ്രാ​ധാ​ന്യ​ത്തെ​ക്കു​റി​ച്ച്​ പി.​പി. നി​ധീ​ഷ് കു​മാ​റും വ​ലി​യ സ്വ​പ്ന​ങ്ങ​ളാ​ൽ ക​ഠി​നാ​ധ്വാ​ന​ത്തി​ലൂ​ടെ ആ ​ല​ക്ഷ്യം കൈ​വ​രി​ക്കേ​ണ്ട​തി​നെ​ക്കു​റി​ച്ച്​ ഷാ​ലി​മാ​ർ മൊ​യ്തീ​നും സ​ത്യ​സ​ന്ധ​ത, ക​ഠി​നാ​ധ്വാ​നം, വി​ന​യം തു​ട​ങ്ങി​യ മൂ​ല്യ​ങ്ങ​ളെ​പ​റ്റി പ്രി​ൻ​സി​പ്പ​ൽ അ​മ​ർ ശ്രീ​വാ​സ്ത​വ​യും സം​സാ​രി​ച്ചു. ബാ​ച്ചി​നെ പ്ര​തി​നി​ധീ​ക​രി​ച്ച് ഹെ​ഡ് ബോ​യ് എ​ബി ജേ​ക്ക​ബ് വ​ർ​ഗീ​സ്​ ഹെ​ഡ് ഗേ​ൾ ആ​യി​ഷ ദാ​വൂ​ദ്​ എ​ന്നി​വ​ർ ത​ങ്ങ​ളു​ടെ സ്കൂ​ൾ അ​നു​ഭ​വ​ങ്ങ​ൾ പ​ങ്കു​വെ​ച്ചു.

ടീ​ച്ച​ർ​മാ​ർ ത​ങ്ങ​ളു​ടെ ക്ലാ​സു​ക​ൾ സ​ദ​സ്സി​ന് പ​രി​ച​യ​പ്പെ​ടു​ത്തി. വി​ദ്യാ​ർ​ഥി​ക​ൾ​ക്ക് മു​ഖ്യാ​തി​ഥി​യും മ​റ്റു വി​ശി​ഷ്ടാ​തി​ഥി​ക​ളും ഉ​പ​ഹാ​ര​ങ്ങ​ളും സ​ർ​ട്ടി​ഫി​ക്ക​റ്റു​ക​ളും ന​ൽ​കി. വി​ദ്യാ​ർഥി​ക​ൾ സ്‌​കൂ​ളി​നു​ള്ള ഉ​പ​ഹാ​ര​വും കൈ​മാ​റി. പ്രൈ​മ​റി വി​ഭാ​ഗം വൈ​സ് പ്രി​ൻ​സി​പ്പ​ൽ ഗീ​ത ചൗ​ഹാ​ൻ ന​ന്ദി പ​റ​ഞ്ഞു.