എസി, റഫ്രിജറേറ്ററുകളുടെ വിലക്കയറ്റം; പരിശോധന കാമ്പയിൻ ശക്​തമാക്കി

മസ്കത്ത്​: വേനലിന്​ തുടക്കമായതോടെ എസി, റഫ്രിജറേറ്ററുകൾ തുടങ്ങിയ ഇലക്‌ട്രോണിക് സാധനങ്ങളുടെ വിലക്കയറ്റം നിയന്ത്രിക്കാൻ പരിശോധന കാമ്പയിൻ ശക്​തമാക്കി ഉപഭോക്​തൃ സംരക്ഷണ അതോറിറ്റി (സി.പിഎ). എയർ കണ്ടീഷണറുകൾ, റഫ്രിജറേറ്ററുകൾ എന്നിവ അറ്റകുറ്റപണിയും മറ്റും നടത്തുന്ന ഖസബ്​, ബുഖ വിലായത്തുകളിലെ ഷോപ്പുകളിൽ ഖസബിലെ ഉപഭോക്തൃ സംരക്ഷണ വകുപ്പ് പരിശോധന നടത്തി.

ഉപഭോക്താക്കൾക്ക് നൽകുന്ന സേവനങ്ങളുടെ വില ഉപഭോക്തൃ സംരക്ഷണ നിയമത്തിനും ചട്ടങ്ങൾക്കും അനുസൃതമാണെന്ന് ഉറപ്പാക്കുകയാണ്​ ഇതിലൂടെ ലക്ഷ്യമിടുന്നത്​.