അ​ന്താ​രാ​ഷ്ട്ര ശി​ൽ​പ ക്യാ​മ്പി​ന്​ മു​​​ദൈ​ബി​യി​ൽ തു​ട​ക്കം

മ​സ്​​ക​ത്ത്​: അ​ന്താ​രാ​ഷ്ട്ര ശി​ൽ​പ ക്യാ​മ്പി​ന്​ വ​ട​ക്ക​ൻ ശ​ർ​ഖി​യ​യി​ലെ മു​​​ദൈ​ബി​യി​ൽ തു​ട​ക്ക​മാ​യി. 10 രാ​ജ്യ​ങ്ങ​ളി​ൽ നി​ന്നു​ള്ള 14 ശി​ൽ​പി​ക​ളാ​ണ്​ ഇ​വി​ടെ വി​വി​ധ​ങ്ങ​ളാ​യ ശി​ൽ​പ​ങ്ങ​ൾ ഒ​രു​ക്കു​ന്ന​ത്. ‘ഇ​ന്റ​ർ​നാ​ഷ​ന​ൽ ഗ്രീ​ൻ ഫോ​റം’ എ​ന്ന​പേ​രി​ൽ ന​ട​ക്കു​ന്ന ക്യാ​മ്പ് ശ​നി​യാ​ഴ്ച ആ​രം​ഭി​ച്ചെ​ങ്കി​ലും തി​ങ്ക​ളാ​ഴ്ച വ​ട​ക്ക​ൻ ശ​ർ​ഖി​യ ഗ​വ​ർ​ണ​റാ​ണ്​ ഔ​ദ്യോ​ഗി​ക​മാ​യി തു​റ​ന്ന​ത്.

ജ​നു​വ​രി 26ന് ​ന​ട​ക്കു​ന്ന ക്യാ​മ്പി​ന്റെ സ​മാ​പ​ന ച​ട​ങ്ങി​ൽ ശി​ൽ​പി​ക​ളു​ടെ സൃ​ഷ്ടി​ക​ൾ പ്ര​ദ​ർ​ശി​പ്പി​ക്കും. അ​ൽ ഖ​ദ്ര ടീം ​ര​ണ്ടാം ത​വ​ണ​യാ​ണ് ക്യാ​മ്പ്​ സം​ഘ​ടി​പ്പി​ക്കു​ന്ന​തെ​ന്ന് സൂ​പ്പ​ർ​വൈ​സ​ർ യൂ​സ​ഫ് അ​ൽ റ​വാ​ഹി പ​റ​ഞ്ഞു. 14 ക​ലാ​കാ​ര​ന്മാ​രി​ൽ അ​ഞ്ചു​പേ​ർ ഒ​മാ​നി​ൽ​നി​ന്നു​ള്ള​വ​രാ​ണ്. സൗ​ദി, ബ​ഹ്‌​റൈ​ൻ, കു​വൈ​ത്ത്, സു​ഡാ​ൻ, ജോ​ർ​ഡ​ൻ, തു​നീ​ഷ്യ, ഇ​റാ​ൻ, ഇ​റ്റ​ലി, താ​ൻ​സ​നി​യ എ​ന്നി​വി​ട​ങ്ങ​ളി​ൽ​നി​ന്ന്​ ഓ​രോ​രു​ത്ത​രു​മാ​ണ്​ ക്യാ​മ്പി​ൽ പ​​ങ്കെ​ടു​ക്കു​ന്ന​ത്. വി​വി​ധ സം​സ്‌​കാ​ര​ങ്ങ​ളി​ൽ നി​ന്നു​ള്ള​വ​രു​മാ​യി ബ​ന്ധം സ്ഥാ​പി​ക്കു​ന്ന​തി​നൊ​പ്പം മാ​ർ​ബ്​​ൾ, ക​ല്ല്, മ​രം, കൊ​ത്തു​പ​ണി തു​ട​ങ്ങി​യ മേ​ഖ​ല​ക​ളി​ലെ വൈ​ദ​ഗ്ധ്യം കൈ​മാ​റാ​ൻ ശി​ൽ​പി​ക​ൾ​ക്ക് ക്യാ​മ്പ് അ​വ​സ​ര​മൊ​രു​ക്കു​മെ​ന്ന്​ റ​വാ​ഹി പ​റ​ഞ്ഞു.

അ​ന്താ​രാ​ഷ്‌​ട്ര ക​ലാ​കാ​ര​ന്മാ​രു​മാ​യു​ള്ള ആ​ശ​യ​വി​നി​മ​യ​ത്തി​ന്​ സൗ​ക​ര്യ​മൊ​രു​ക്കി ഒ​മാ​നി ഗ്രാ​മ​ങ്ങ​ളി​ൽ സാം​സ്‌​കാ​രി​ക മു​ന്നേ​റ്റം സൃ​ഷ്ടി​ക്കു​ക​യാ​ണ് ക്യാ​മ്പി​ന്റെ ല​ക്ഷ്യം. വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള ക​ലാ​കാ​ര​ന്മാ​രെ ആ​ക​ർ​ഷി​ക്കു​ന്ന​തി​നാ​യി അ​ൽ ഖ​ദ്‌​റ ടീം ​വ​രും​വ​ർ​ഷ​ങ്ങ​ളി​ലും ഈ ​പ​രി​പാ​ടി സം​ഘ​ടി​പ്പി​ക്കാ​ൻ പ​ദ്ധ​തി​യി​ടു​ന്നു​ണ്ടെ​ന്നും സൂ​പ്പ​ർ​വൈ​സ​ർ പ​റ​ഞ്ഞു.