ഒമാന്‍റെ ക്രിയാത്​മക ഇടപ്പെടൽ: ഡാനിഷ്, ഓസ്ട്രിയൻ പൗരൻമാരെ ഇറാൻ മോചിപ്പിച്ചു

മസ്കത്ത്​: ഒമാന്‍റെ ക്രിയാത്​മക ഇടപ്പെടലിനെ തുടർന്ന് ഡാനിഷ് പൗരനെയും രണ്ട് ഓസ്ട്രിയൻ പൗരന്മാരെയും ഇറാൻ വിട്ടയച്ചു​. മോചിതരായ ആളുകളെ ഒമാൻ റോയൽ എയർഫോഴ്‌സ്​ വിമനത്തിൽ മസ്​കത്തിൽ എത്തിക്കുമെന്നും ഇതിന്​ ശേഷം അവരുടെ രാജ്യങ്ങൾക്ക്​ കൈമാറുമെന്ന്​ വിദേശകാര്യമന്ത്രാലയം പ്രസ്താവനയിൽ പറഞ്ഞു. പൗരൻമാരെ വിട്ടയക്കാൻ സുപ്രധാന പങ്ക് വഹിച്ച ഒമാന്​ ഓസ്ട്രിയൻ വിദേശകാര്യ മന്ത്രി അലക്സാണ്ടർ ഷാലെൻബെർഗ് നന്ദി അറിയിച്ചു.