ഐ.എസ്.ജി റോബോട്ടിക്സ് ശിൽപശാല സംഘടിപ്പിച്ചു
text_fieldsമസ്കത്ത്: ഇന്ത്യൻ സ്കൂൾ ഗുബ്ര 'മൊബൈൽ ആൻഡ് ഫയർ ഫൈറ്റിങ് റോബോട്ടിക്സ്' എന്ന പേരിൽ എട്ടാമത് വാർഷിക ഐ.എസ്.ജി റോബോട്ടിക്സ് ശിൽപശാല സംഘടിപ്പിച്ചു. സ്കൂൾ ഓഡിറ്റോറിയത്തിൽ നടന്ന പരിപാടിയിൽ വിദ്യാർഥികളും അധ്യാപകരുമടക്കം നിരവധി പേരാണ് പങ്കെടുത്തത്. നോയ്ഡയിലെ ഇന്നോവിയൻസ് ടെക്നോളജീസുമായി സഹകരിച്ച് ഫിസിക്സ് ഡിപ്പാർട്മെന്റാണ് ശിൽപശാല നടത്തിയത്. രാഹുൽ ബൻസാൽ, ഭൂമിക ബൻസാൽ, മുഹമ്മദ് മുക്താർ എന്നിവർ അസിസ്റ്റന്റ് ട്രെയിനർമാരായി. ശിൽപശാല ഇന്ത്യൻ സ്കൂൾ ഗുബ്ര പ്രിൻസിപ്പൽ പാപ്രി ഘോഷ് ഉദ്ഘാടനം ചെയ്തു. വൈസ് പ്രിൻസിപ്പൽമാരായ ജി. ശ്രീകുമാർ, പ്യാരിജ സിദർ എന്നിവർ സംസാരിച്ചു.
ഫിസിക്സ് വിഭാഗം മേധാവി ലത സാജു പരിശീലകരെ പരിചയപ്പെടുത്തി. 10 മണിക്കൂർ ദൈർഘ്യമുള്ള ശിൽപശാല രണ്ടു ദിവസങ്ങളിലായാണ് നടന്നത്. ആറുമുതൽ 12 വരെ ക്ലാസുകളിലെ 217 കുട്ടികൾ ശിൽപശാലയിൽ പങ്കെടുത്തു.
റോബോട്ടുകളെയും ഇലക്ട്രോണിക്സിനെയും കുറിച്ച് ലഘുവിവരണത്തോടെയായിരുന്നു ശിൽപശാല തുടങ്ങിയത്. ആദ്യദിനത്തിൽ അവർ ലൈറ്റ് ഫോളോവിങ്, മാന്വൽ, അഗ്നിശമന, മൊബൈൽ റോബോട്ടുകൾ നിർമിച്ചു. അവസാനം നടത്തിയ റോബോട്ട് റേസ് ഏവരെയും ആകർഷിക്കുന്നതായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.