ഖ​രീ​ഫ് സീ​സ​ൺ അ​വ​സാ​നി​ക്കു​ന്നു; കി​ട്ടാ​ക്ക​നി​യാ​യി ക​രി​ക്ക്​

മ​സ്ക​ത്ത്: സ​ലാ​ല​യി​ലെ മ​ഴ​ക്കാ​ല ഉ​ത്സ​വ​മാ​യ ഖ​രീ​ഫ് ഫെ​സ്റ്റി​വ​ൽ അ​വ​സാ​നി​ക്കു​ന്നു. ഇ​തോ​ടെ ഉ​ത്സ​വ ന​ഗ​രി​യി​ൽ​നി​ന്ന് തി​ര​ക്കൊ​ഴി​യാ​ൻ തു​ട​ങ്ങി. ഈ ​വ​ർ​ഷം ഫെ​സ്റ്റി​വ​ൽ കാ​ല​ത്ത് മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് വ​ൻ തി​ര​ക്കാ​ണ് അ​നു​ഭ​വ​പ്പെ​ട്ട​ത്.

എ​ന്നാ​ൽ, സ​ലാ​ല​യി​ലെ​ത്തു​ന്ന​വ​രു​ടെ പ്ര​ധാ​ന ആ​ക​ർ​ഷ​ക​മാ​യ ക​രി​ക്ക്​ ഈ ​വ​ർ​ഷം കി​ട്ടാ​ക്ക​നി​യാ​യി​രു​ന്നു​വെ​ന്ന് സ​ലാ​ല​യി​ൽ പ​ഴ​സ്റ്റാ​ളു​ക​ൾ ന​ട​ത്തു​ന്ന വ്യാ​പാ​രി​ക​ൾ പ​റ​യു​ന്നു. സ​ലാ​ല​യി​ലെ​ത്തു​ന്ന​വ​രെ​ല്ലാം ഇ​വി​ട​ത്തെ തോ​ട്ട​ങ്ങ​ളി​ൽ വി​ള​യു​ന്ന ക​രി​ക്കു​ക​ൾ കു​ടി​ക്കാ​റു​ണ്ട്. ഈ ​വ​ർ​ഷം ക​രി​ക്കു​ക​ളു​ടെ ല​ഭ്യ​ത കു​റ​വാ​യി​രു​ന്ന​തി​നാ​ൽ സ​ന്ദ​ർ​ശ​ക​രി​ൽ പ​ല​ർ​ക്കും ല​ഭി​ച്ചി​ല്ല. സ്റ്റോ​ക്ക് കു​റ​വാ​യ​തി​നാ​ൽ ചി​ല ക​ട​ക​ളി​ൽ ദി​വ​സ​ങ്ങ​ളോ​ളം ക​രി​ക്ക് വി​ൽ​പ​ന​പോ​ലും ന​ട​ന്നി​രു​ന്നി​ല്ല. ഉ​ൽ​പാ​ദ​നം കു​റ​ഞ്ഞ​തും മ​സ്ക​ത്തി​ലേ​ക്കും മ​റ്റും ക​യ​റ്റി​യ​യ​ക്കു​ന്ന​തു​മാ​ണ്​ ക​രി​ക്കി​ന് ക്ഷാ​മം നേ​രി​ടാ​ൻ കാ​ര​ണ​മാ​ക്കി​യ​തെ​ന്ന്​ വ്യാ​പാ​രി​ക​ൾ പ​റ​യു​ന്നു.

തെ​ങ്ങി​ന് രോ​ഗം ബാ​ധി​ച്ച​തി​നാ​ൽ പൊ​തു​വേ ക​രി​ക്കി​ന്റെ ഉ​ൽ​പാ​ദ​നം കു​റ​വാ​യി​രു​ന്നു​വെ​ന്ന് സ​ലാ​ല​യി​ൽ പ​ഴം സ്റ്റാ​ൾ ന​ട​ത്തു​ന്ന വ​ട​ക​ര പൈ​ങ്ങോ​ട്ടാ​യി സ്വ​ദേ​ശി പ​ങ്ക​ജാ​ക്ഷ​ൻ പ​റ​ഞ്ഞു.

തെ​ങ്ങു​ക​ൾ​ക്ക് അ​ടു​ത്തി​ടെ രോ​ഗം ബാ​ധി​ച്ചി​രു​ന്നു. തെ​ങ്ങി​ന്റെ മ​ണ്ട​ക്ക് കേ​ടു​വ​രു​ന്ന രോ​ഗ​മാ​ണി​ത്. ഈ ​രോ​ഗം തോ​ട്ട​ത്തി​ലെ​ത്തി​യാ​ൽ എ​ല്ലാ തെ​ങ്ങു​ക​ളെ​യും ബാ​ധി​ക്കു​ക​യും മ​ച്ചി​ങ്ങ കൊ​ഴി​ഞ്ഞു​പോ​വു​ക​യും ചെ​യ്യും. ഇ​തോ​ടെ ക​രി​ക്കു​ക​ൾ ആ​വ​ശ്യ​ത്തി​ന് കി​ട്ടാ​താ​വും. ഇ​തു​കാ​ര​ണം തോ​ട്ടം വാ​ട​ക​ക്കെ​ടു​ത്ത പ​ല​ർ​ക്കും ന​ഷ്ട​മു​ണ്ടാ​യ​താ​യും അ​ദ്ദേ​ഹം പ​റ​ഞ്ഞു.

എ​ന്നാ​ൽ, കാ​ർ​ഷി​ക മ​ന്ത്രാ​ല​യം അ​ധി​കൃ​ത​ർ മ​രു​ന്ന് ത​ളി​ക്കു​ക​യും മ​റ്റും ചെ​യ്ത​തോ​ടെ രോ​ഗ​ങ്ങ​ൾ​ക്ക് കു​റ​വു​ണ്ടെ​ന്നും അ​ദ്ദേ​ഹം പ​റ​ഞ്ഞു. പൊ​തു​വേ ഉ​ൽ​പാ​ദ​നം കു​റ​ഞ്ഞ​തോ​ടൊ​പ്പം ന​ല്ല തോ​തി​ൽ ക​രി​ക്കു​ക​ൾ മ​സ്ക​ത്തി​ലേ​ക്കും മ​റ്റും ക​യ​റ്റി​യ​യ​ക്കു​ന്ന​തും ചെ​റു​കി​ട വ്യാ​പാ​രി​ക​ൾ​ക്ക് ക​രി​ക്ക് വി​ൽ​പ​ന​ക്ക് ല​ഭി​ക്കാ​തി​രി​ക്കാ​ൻ കാ​ര​ണ​മാ​യി. ശ്രീ​ല​ങ്ക​യി​ൽ​നി​ന്നും മ​റ്റും ചു​വ​ന്ന ക​രി​ക്കു​ക​ൾ സ​ലാ​ല​യി​ൽ എ​ത്തു​ന്നു​ണ്ടെ​ങ്കി​ലും സ​ന്ദ​ർ​ശ​ക​ർ സ​ലാ​ല ക​രി​ക്കു​ക​ൾ​ക്കാ​ണ് മു​ൻ​ഗ​ണ​ന ന​ൽ​കു​ന്ന​ത്. അ​തോ​ടൊ​പ്പം ശ്രീ​ല​ങ്ക​ൻ ക​രി​ക്കു​ക​ൾ​ക്ക് വി​ല കൂ​ടു​ത​ലാ​യ​തി​നാ​ൽ അ​വ വി​ൽ​ക്കു​ന്ന​തു​കൊ​ണ്ട് വ​ലി​യ പ്ര​യോ​ജ​നം ല​ഭി​ക്കി​ല്ല. അ​തി​നാ​ൽ വ്യാ​പാ​രി​ക​ൾ ശ്രീ​ല​ങ്ക​ൻ ക​രി​ക്കു​ക​ൾ വി​ൽ​പ​ന​ക്ക് വെ​ക്കു​ന്നി​ല്ലെ​ന്നും അ​ദ്ദേ​ഹം പ​റ​ഞ്ഞു.

ഈ ​വ​ർ​ഷം കൂ​ടു​ത​ൽ സ​ന്ദ​ർ​ശ​ക​ർ എ​ത്തി​യ​തി​നാ​ൽ മ​റ്റ് പ​ഴ​വ​ർ​ഗ​ങ്ങ​ൾ​ക്ക് ആ​വ​ശ്യ​ക്കാ​ർ കൂ​ടു​ത​ലാ​യി​രു​ന്നു. അ​തി​നാ​ൽ വ്യാ​പാ​രി​ക​ൾ​ക്ക് ന​ല്ല ബി​സി​ന​സും ല​ഭി​ച്ചി​രു​ന്നു.

ഖ​രീ​ഫ് സീ​സ​ണി​ൽ സ​ന്ദ​ർ​ശ​ക​രു​ടെ വ​ൻ ഒ​ഴു​ക്ക് ഉ​ണ്ടാ​വു​ന്ന​തി​നാ​ൽ ഇ​തി​നാ​യി വ്യാ​പാ​രി​ക​ളും ക​ർ​ഷ​ക​രും നേ​ര​ത്തെ​ത​ന്നെ ഒ​രു​ങ്ങാ​റു​ണ്ട്. ഖ​രീ​ഫ് കാ​ല​ത്തെ മു​ന്നി​ൽ​ക്ക​ണ്ട് വാ​ഴ, പ​പ്പാ​യ അ​ട​ക്ക​മു​ള്ള നി​ര​വ​ധി കൃ​ഷി​ക​ൾ ഇ​റ​ക്കാ​റു​ണ്ട്. ഇ​തി​ൽ നി​ര​വ​ധി മ​ല​യാ​ളി​ക​ളും രം​ഗ​ത്തു​ണ്ട്. ആ​ദ്യ​കാ​ല​ത്ത് മ​ല​യാ​ളി​ക​ൾ മാ​ത്ര​മാ​ണ് ഈ ​മേ​ഖ​ല​യി​ൽ ഉ​ണ്ടാ​യി​രു​ന്ന​ത്. എ​ന്നാ​ൽ, ബം​ഗ്ലാ​ദേ​ശി​ക​ളും മ​റ്റും രം​ഗ​ത്തെ​ത്തി​യ​തോ​ടെ മ​ല​യാ​ളി​ക​ൾ പ​ല​രും രം​ഗം​വി​ട്ടി​ട്ടു​ണ്ട്.

വ്യാ​പാ​രി​ക​ൾ​ക്കും ക​ച്ച​വ​ട​ക്കാ​ർ​ക്കും ഏ​റ്റ​വും കൂ​ടു​ത​ൽ വ്യാ​പാ​രം ല​ഭി​ക്കു​ന്ന​ത് ഖ​രീ​ഫ് സീ​സ​ണി​ലാ​ണ്.