ഖ​രീ​ഫ്​ സീ​സ​ൺ: ആ​രോ​ഗ്യ സേ​വ​ന​ങ്ങ​ൾ മെ​ച്ച​പ്പെ​ടു​ത്താ​ൻ പ​ദ്ധ​തി

മ​സ്ക​ത്ത്​: ഖ​രീ​ഫ്​ സീ​സ​ണി​ൽ അ​ൽ​വു​സ്ത ഗ​വ​ർ​ണ​റേ​റ്റ് വ​ഴി ദോ​ഫാ​ർ ഗ​വ​ർ​ണ​റേ​റ്റി​ലേ​ക്ക്​ എ​ത്തു​ന്ന​വ​ർ​ക്ക്​ ആ​രോ​ഗ്യ സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നു​ള്ള പ​ദ്ധ​തി ഒ​രു​ക്കി ആ​രോ​ഗ്യ മ​ന്ത്രാ​ല​യം. ദാ​ഖി​ലി​യ​യെ​യും ദോ​ഫാ​ർ ഗ​വ​ർ​ണ​റേ​റ്റു​ക​ളെ​യും അ​ൽ വു​സ്ത വ​ഴി ബ​ന്ധി​പ്പി​ക്കു​ന്ന റോ​ഡി​ൽ വാ​ഹ​നാ​പ​ക​ട​ങ്ങ​ൾ വ​ർ​ധി​ക്കാ​നു​ള്ള സാ​ധ്യ​ത കണക്കിലെ​ടു​ത്താ​ണ്​ ഈ ​പ​ദ്ധ​തി ഒ​രു​ക്കി​യി​ട്ടു​ള്ള​തെ​ന്ന്​ എ​മ​ർ​ജ​ൻ​സി മാ​നേ​ജ്‌​മെ​ന്‍റ് സെ​ന്‍റ​റി​ൽ​നി​ന്നു​ള്ള മു​ഹ​മ്മ​ദ് സെ​യ്ഫ് അ​ൽ ബു​സാ​ഫി പ​റ​ഞ്ഞു.

ഖ​രീ​ഫ് സീ​സ​ണി​ലു​ണ്ടാ​കു​ന്ന ഉ​യ​ർ​ന്ന അ​പ​ക​ട​നി​ര​ക്ക്​ ആ​ശു​പ​ത്രി​യി​ൽ തി​ര​ക്കി​നു​ കാ​ര​ണ​മാ​കാ​റു​ണ്ട്. ഇ​ത് ദോ​ഫാ​റി​ലെ ആ​രോ​ഗ്യ സം​ര​ക്ഷ​ണ സൗ​ക​ര്യ​ങ്ങ​ളെ പ്ര​തി​കൂ​ല​മാ​യി ബാ​ധി​ക്കു​ക​യും​ ചെ​യ്യും. ഇ​ത്​ മു​ന്നി​ൽ ക​ണ്ടാ​ണ്​ ആ​രോ​ഗ്യ സം​ബ​ന്ധി​യാ​യ വെ​ല്ലു​വി​ളി​ക​ളെ നേ​രി​ടാ​ൻ ദോ​ഫാ​ർ, അ​ൽ​വു​സ്ത ഗ​വ​ർ​ണ​റേ​റ്റു​ക​ൾ​ക്കാ​യി സ​മ​ഗ്ര പി​ന്തു​ണ പ​ദ്ധ​തി ആ​രോ​ഗ്യ​മ​ന്ത്രാ​ല​യം ആ​വി​ഷ്ക​രി​ച്ചി​ട്ടു​ള്ള​ത്.

കു​റ​വു​ക​ൾ നേ​രി​ടു​ന്ന സ്പെ​ഷാ​ലി​റ്റി​ക​ൾ​ക്കാ​യി അ​ധി​ക ഡോ​ക്ട​ർ​മാ​രെ​യും ന​ഴ്സു​മാ​രെ​യും ഫാ​ർ​മ​സി​സ്റ്റു​ക​ളെ​യും വി​ന്യ​സി​ക്കു​ന്ന​ത് ഈ ​പ​ദ്ധ​തി​യി​ൽ ഉ​ൾ​പ്പെ​ടു​ന്നു​ണ്ടെ​ന്ന്​ അ​ൽ ബു​സാ​ഫി പ​റ​ഞ്ഞു. ആ​രോ​ഗ്യ സം​ര​ക്ഷ​ണം ഊ​ർ​ജി​ത​മാ​യി ന​ട​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ മ​ന്ത്രാ​ല​യം വി​വി​ധ ആ​രോ​ഗ്യ സേ​വ​ന ഡ​യ​റ​ക്ട​റേ​റ്റു​ക​ളി​ൽ​നി​ന്നും ആ​ശു​പ​ത്രി​ക​ളി​ൽ​നി​ന്നും മെ​ഡി​ക്ക​ൽ ടീ​മു​ക​ളെ​യും എ​ത്തി​ച്ചി​ട്ടു​ണ്ട്.

എ​മ​ർ​ജ​ൻ​സി മാ​നേ​ജ്‌​മെ​ന്‍റ് സെ​ന്‍റ​ർ ഈ ​പ​ദ്ധ​തി​യു​ടെ ന​ട​ത്തി​പ്പി​ന് മേ​ൽ​നോ​ട്ടം വ​ഹി​ക്കു​ക​യും ഫീ​ൽ​ഡ് സ​ന്ദ​ർ​ശ​ന​ങ്ങ​ൾ ന​ട​ത്തു​ക​യും പു​രോ​ഗ​തി വി​ല​യി​രു​ത്തു​ന്ന​തി​ന് മെ​ഡി​ക്ക​ൽ ടീ​മു​ക​ളു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്യും. ആ​വ​ശ്യ​മെ​ങ്കി​ൽ ഇ​ട​പെ​ടാ​ൻ ദേ​ശീ​യ മെ​ഡി​ക്ക​ൽ എ​മ​ർ​ജ​ൻ​സി ടീം ​ത​യാ​റാ​ണ്. അ​പ​ക​ട​ങ്ങ​ൾ ത​ട​യു​ന്ന​തി​നും എ​ല്ലാ​വ​രു​ടെ​യും ക്ഷേ​മം ഉ​റ​പ്പാ​ക്കു​ന്ന​തി​നും ട്രാ​ഫി​ക് സു​ര​ക്ഷ​യും ആ​രോ​ഗ്യ മാ​ർ​ഗ​നി​ർ​ദേ​ശ​ങ്ങ​ളും എ​ല്ലാ​വ​രും പാ​ലി​ക്ക​ണ​മെ​ന്ന്​ മു​ഹ​മ്മ​ദ് സെ​യ്ഫ് അ​ൽ ബു​സാ​ഫി പ​റ​ഞ്ഞു.