കൊടുങ്ങല്ലൂര് കൂട്ടായ്മ ഓണാഘോഷവും കുടുംബ സംഗമവും
text_fieldsമസ്കത്ത്: ഒമാന് കൊടുങ്ങല്ലൂര് കൂട്ടായ്മ ഓണാഘോഷവും കുടുംബസംഗമവും സംഘടിപ്പിച്ചു. അല് ഖൂദിലെ അല് അസാല ഹാളില് നടന്ന പരിപാടിയില് 1200ലധികം ആളുകള് പങ്കെടുത്തു.
ഓണസദ്യയും കൊടുങ്ങല്ലൂര് കൂട്ടായ്മയിലെ കുട്ടികളും മുതിര്ന്നവരും അവതരിപ്പിച്ച നിരവധി കലാപരിപാടികളും സംഗമത്തിന് മിഴിവേകി. കൂട്ടായ്മയിലെ 53 കലാകാരന്മാരും കലാകാരികളും ചേര്ന്നവതരിപ്പിച്ച `ഒരിടം' എന്ന ദൃശ്യാവിഷ്കാരം പ്രേക്ഷക പ്രശംസ പിടിച്ചുപറ്റി. കൃഷ്ണരാജ് അഞ്ചാലുംമൂടാണ് `ഒരിടം' അണിയിച്ചൊരുക്കിയത്.
കൂട്ടായ്മ പ്രസിഡന്റ് റിയാസ് അബ്ദുല് മജീദ് അധ്യക്ഷത വഹിച്ച ചടങ്ങില് സെക്രട്ടറി ലബീഷ് കൂട്ടായ്മയുടെ പ്രവര്ത്തന റിപ്പോര്ട്ടും ട്രഷറര് സുനില് കാട്ടകത്ത് വരവ് ചെലവ് കണക്കും അവതരിപ്പിച്ചു. അന്സാര് കുഞ്ഞുമൊയ്തീന്, ബിജു അയ്യാരില്, മുജീബ് മജീദ്, വാസുദേവന് തളിയറ, കൃഷ്ണകുമാര് തുടങ്ങിയവര് പരിപാടികള്ക്ക് നേതൃത്വം നല്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.