സലാലയിൽ മരിച്ച കോഴിക്കോട്​ സ്വദേശിക്ക്​ കോവിഡ് സ്ഥിരീകരിച്ചു

സലാല: ഹൃദയാഘാതത്തെ തുടർന്ന്​ സലാലയിൽ കഴിഞ്ഞ ദിവസം മരിച്ച കോഴിക്കോട്​ സ്വദേശിക്ക്​ കോവിഡ്​ സ്​ഥിരീകരിച്ചു. കുറ്റ്യാടി തളീക്കര സ്വദേശി തച്ചോളി പവിത്രൻ (46) ഏപ്രിൽ രണ്ടിനാണ് മരിച്ചത്.

നെഞ്ചുവേദനയെ തുടർന്ന്​ സ്വകാര്യ ആശുപത്രിയിലും തുടർന്ന്​ സുൽത്താൻ ഖാബൂസ് ആശുപത്രിയിലും പ്രവേശിപ്പിച്ചെങ്കിലും മരിച്ചു. മൃതദേഹം നാട്ടിൽ കൊണ്ടുപോകുന്നതി​െൻറ ഭാഗമായുള്ള പരിശോധനയിൽ കോവിഡ്​ ഫലം പോസിറ്റീവായത്.

20 വർഷത്തിലധികമായി സലാലയിൽ ട്രാൻസ്പോർട്ടിങ്​ മേഖലയിൽ ജോലി ചെയ്ത് വരികയായിരുന്നു.

ഭാര്യ: ഷൈന. മൃതദേഹം കോവിഡ്​ പ്രോ​േട്ടാക്കോൾ പാലിച്ച് സലാലയിൽ സംസ്കരിക്കും.