കഴിഞ്ഞ വർഷം ശേഖരിച്ചത്​ 79,706 യൂനിറ്റ് രക്തം

മ​സ്ക​ത്ത്​: രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലൂ​ടെ ന​ട​ന്ന ക്യാ​മ്പി​ലൂ​ടെ​യും മ​റ്റും ക​ഴി​ഞ്ഞ വ​ർ​ഷം ശേ​ഖ​രി​ച്ച​ത്​ 79,706 യൂ​നി​റ്റ് ര​ക്തം. മു​ന്‍ വ​ര്‍ഷ​ത്തെ അ​പേ​ക്ഷി​ച്ച് ശേ​ഖ​രി​ച്ച ര​ക്ത​ത്തി​ന്റെ അ​ള​വി​ല്‍ 21 ശ​ത​മാ​നം വ​ര്‍ധ​ന​യാ​ണ് ഉ​ണ്ടാ​യി​രി​ക്കു​ന്ന​തെ​ന്ന്​ ആ​രോ​ഗ്യ മ​ന്ത്രാ​ല​യ​ത്തി​ലെ ബ്ല​ഡ് ബാ​ങ്ക് സ​ര്‍വി​സ് വി​ഭാ​ഗം ഡ​യ​റ​ക്ട​ര്‍ ഡോ. ​സൈ​ന​ബ് അ​ല്‍ അ​റൈ​മി പ​റ​ഞ്ഞു. സ്വ​ദേ​ശി​ക​ളും വി​ദേ​ശി​ക​ളു​മാ​യി 80,000ത്തി​ല​ധി​കം പേ​ര്‍ ര​ക്​​തം ദാ​നം ചെ​യ്തു. സ​ര്‍ക്കാ​ര്‍, സ്വ​കാ​ര്യ മേ​ഖ​ല​യി​ലെ ബ്ല​ഡ് ബാ​ങ്കു​ക​ളി​ലാ​ണ് ക​ഴി​ഞ്ഞ വ​ര്‍ഷം ഇ​ത്ര​യും പേ​ര്‍ ര​ക്തം ദാ​നം ചെ​യ്​​​ത​തെ​ന്ന്​ ആ​രോ​ഗ്യ മ​ന്ത്രാ​ല​യ​ത്തി​ന്‍റെ ഏ​റ്റ​വും പു​തി​യ റി​പ്പോ​ര്‍ട്ടി​ല്‍ പ​റ​യു​ന്നു.

ആ​കെ ര​ക്ത​ദാ​ന​ങ്ങ​ളി​ല്‍ 97 ശ​ത​മാ​ന​വും സ​ന്ന​ദ്ധ ര​ക്ത​ദാ​ന​ങ്ങ​ളാ​യി​രു​ന്നു​വെ​ന്ന് ഡോ. ​സൈ​ന​ബ് അ​ല്‍ അ​റൈ​മി പ​റ​ഞ്ഞു. ഇ​തി​ല്‍ 77 ശ​ത​മാ​നം ര​ക്ത​ദാ​താ​ക്ക​ളും സ്വ​ദേ​ശി പൗ​ര​ന്‍മാ​രാ​ണ്. ഈ ​വ​ര്‍ഷം ബൗ​ശ​ര്‍ സെ​ന്‍ട്ര​ല്‍ ബ്ല​ഡ് ബാ​ങ്കി​ല്‍ മാ​ത്രം 18,028 യൂ​നി​റ്റ് ര​ക്തം ശേ​ഖ​രി​ച്ചി​ട്ടു​ണ്ടെ​ന്നും അ​ല്‍ അ​റൈ​മി പ​റ​ഞ്ഞു. വി​വി​ധ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി കൂ​ട്ടാ​യ്മ​ക​ളും ര​ക്​​ത​ദാ​ന​ത്തി​ൽ സ​ജീ​വ​മാ​യി പ​ങ്കാ​ളി​യാ​കാ​റു​ണ്ട്.