തെക്കൻ ശർഖിയയിൽ നേരിയ ഭൂചലനം

മസ്കത്ത്​: തെക്കൻ ശർഖിയ ഗവർണറേറ്റിൽ ഭൂചലനം അനുഭവപ്പെട്ടതായി സുൽത്താൻ ഖാബൂസ് സർവകലാശാലയിലെ ഭൂകമ്പ നിരീക്ഷണ കേന്ദ്രം (ഇ.എം.സി) അറിയിച്ചു. റിക്ടർ സ്കെയിലിൽ 3.3 തീവ്രത രേഖപ്പെടുത്തിയ ​ചെറുചലനം ജഅ്​ലാൻ ബാനി ബു അലി വിലായത്തിൽ വ്യാഴാഴ്ച പ്രാദേശിക സമയം രാവിലെ 6.54നാണ്​ ഉണ്ടായത്​.

സൂർ വിലായത്തിൽനിന്ന്​ 54 കിലോമീറ്റർ തെക്കുകിഴക്കാണ് ഭൂചലനത്തിന്‍റെ പ്രഭവകേന്ദ്രമെന്ന്​ ഇ.എം.സി അറിയിച്ചു.