ലുലു ഗ്രൂപ്പ്​ സലാലയിൽ പുതിയ ഹൈപ്പർ മാർക്കറ്റ്​ തുറന്നു

സലാല: മുൻനിര റീ​െട്ടയിൽ ശൃംഖലയായ ലുലു ഗ്രൂപ്പ്​ സലാലയിൽ പുതിയ ഹൈപ്പർമാർക്കറ്റ്​ തുറന്നു. പുതുതായി ആരംഭിച്ച സലാല ഗ്രാൻറ്​മാളിലാണ്​ ഒമാനിലെ 26ാമത്തെയും ആഗോള തലത്തിലെ 199ാമത്തെയും ഹൈപ്പർമാർക്കറ്റ്​ തുറന്നത്​. ഒരു നിലയിലായി ഒരു ലക്ഷം സ്​ക്വയർ ഫീറ്റ്​ വിസ്​തൃതിയിലുള്ള പുതിയ സ്​റ്റോർ സലാലയിലെ ലുലു ഗ്രൂപ്പ്​ സാന്നിധ്യം ശക്​തിപ്പെടുത്തുന്നതാണ്​. ഉദ്​ഘാടന ചടങ്ങിൽ സർക്കാർ ഉദ്യോഗസ്​ഥരും മാനേജ്​മെൻറ്​ പ്രതിനിധികളും പ​െങ്കടുത്തു.

ഉപഭോക്​താക്കൾക്ക്​ സൗകര്യപ്രദമായ ആധുനിക രീതിയിലാണ്​ സ്​റ്റോർ രൂപകൽപന ചെയ്​തിരിക്കുന്നത്​. ഭക്ഷണം, ഹോം ഫർണിഷിങ്​, ഫാഷൻ, ഫുട്​വെയർ, ഹൗസ്​ഹോൾഡ്​ തുടങ്ങി വിവിധ വിഭാഗങ്ങളിലായി നിലവാരമുള്ള ഉത്​പന്നങ്ങളുടെ വിപുലമായ ശ്രേണി ഇവിടെ ഒരുക്കിയിട്ടുണ്ട്​. സലാല ഗ്രാൻറ്​ മാളിലെ ലുലുവടക്കം ലോകോത്തര ബ്രാൻറുകളുടെ സാന്നിധ്യം ഖരീഫ്​ സീസണിൽ കൂടുതൽ സഞ്ചാരികളെ ആകർഷിക്കുകയും ഇത്​ വഴി ദോഫാർ മേഖലയുടെ വളർച്ചക്ക്​ സഹായകരമാവുകയും ചെയ്യും.

ഒമാൻ സർക്കാരും സലാല നഗരസഭയും മറ്റ്​ അധികൃതരും നൽകുന്ന പിന്തുണയിൽ ചടങ്ങിൽ സംസാരിച്ച ലുലു ഗ്രൂപ്പ്​ ചെയർമാനും മാനേജിങ്​ ഡയറക്​ടറുമായ എം.എ യൂസുഫലി നന്ദി രേഖപ്പെടുത്തി. ഒമാനിൽ കൂടുതൽ പദ്ധതികൾ നടന്നുവരുകയാണ്​​. റൂവി, ജാലാൻ ബനീ ബുആലി, സമാഇൗൽ തുടങ്ങിയ സ്​ഥലങ്ങിയ സ്​ഥലങ്ങളിൽ ഹൈപ്പർമാർക്കറ്റുകൾ തുടങ്ങും. ഗ്രൂപ്പി​െൻറ സാമൂഹിക പ്രതിബദ്ധതയുടെ കൂടി ഭാഗമാണ്​ പുതിയ പദ്ധതികൾ. സ്വദേശികൾക്ക്​ നേരിട്ടും അല്ലാതെയുമുള്ള പുതിയ തൊഴിലവസരങ്ങൾ സൃഷ്​ടിക്കാൻ പദ്ധതികൾ സഹായിക്കുമെന്നും യൂസുഫലി പറഞ്ഞു.

സലാല ഗ്രാൻറ്​മാളുമായുള്ള പങ്കാളിത്തം പ്രചോദനം നൽകുന്നതാണെന്ന്​ ലുലു ഗ്രൂപ്പ്​ ഒമാൻ ആൻറ്​ ഇന്ത്യ ഡയറക്​ടർ എ.വി അനന്ത്​ പറഞ്ഞു. മാളി​െൻറ ആങ്കർ സ്​റ്റോർ ആകാൻ അവസരം നൽകിയതിൽ അദ്ദേഹം നന്ദിയറിയിച്ചു. ലുലുവി​െൻറ വളർച്ചയിൽ പ്രധാനപ്പെട്ടതാണ്​ പുതിയ ഹൈപ്പർമാർക്കറ്റ്​. കൂടുതൽ പദ്ധതികൾ തയാറായി വരുകയാണെന്നും എ.വി അനന്ത്​ പറഞ്ഞു.

മുടക്കുന്ന പണത്തിന്​ ഏറ്റവും മികച്ച സേവനങ്ങൾ ലഭിക്കുന്ന രീതിയിലാണ്​ സ്​റ്റോർ ഒരുക്കിയിട്ടുള്ളതെന്ന്​ ലുലു ഗ്രൂപ്പ്​ ഒമാൻ റീജ്യനൽ ഡയറക്​ടർ കെ.എ ഷബീർ പറഞ്ഞു. ഉപഭോക്​താക്കൾക്ക്​ മികച്ച ഒാഫറുകളും ഒരുക്കിയിട്ടുണ്ടെന്നും അദ്ദേഹം പറഞ്ഞു.