മജ്​ലിസുശൂറ അടുത്ത വർഷത്തെ പൊതുബജറ്റ്​ ചർച്ച ചെയ്​തു

മസ്​കത്ത്​: തിങ്കളാഴ്​ച നടന്ന മജ്​ലിസുശൂറ യോഗം അടുത്ത വർഷത്തെ പൊതുബജറ്റുമായി ബന്ധപ്പെട്ട വിഷയങ്ങൾ ചർച്ച ചെയ്​തു. ധനകാര്യ, സാമ്പത്തിക വകുപ്പ്​ മന്ത്രിമാർ പൊതുബജറ്റിനെ കുറിച്ചും പത്താം പഞ്ചവത്സര പദ്ധതിയെ കുറിച്ചുമുള്ള വിവരങ്ങൾ ശൂറ കൗൺസിൽ അംഗങ്ങൾക്ക്​ നൽകി.

എ​ണ്ണ​വി​ല​യി​ടി​വും കോ​വി​ഡ്​ മ​ഹാ​മാ​രി​യും നി​മി​ത്തം വ​രു​മാ​നം ഇ​ടി​ഞ്ഞ​തി​നാ​ൽ ധ​ന​കാ​ര്യ സു​സ്​​ഥി​ര​ത​ക്കാ​യി​രി​ക്കും ബ​ജ​റ്റി​ൽ മു​ൻ​ഗ​ണ​ന ന​ൽ​കു​ക​യെ​ന്ന്​ ഇ​രു മ​ന്ത്രി​മാ​രും ശൂ​റാ കൗ​ൺ​സി​ലി​നെ അ​റി​യി​ച്ചു. വി​ദ്യാ​ഭ്യാ​സം, ആ​രോ​ഗ്യ​മേ​ഖ​ല​ക​ളി​ലെ അ​ടി​സ്​​ഥാ​ന സേ​വ​ന​ങ്ങ​ൾ മു​ട​ക്ക​മി​ല്ലാ​തെ ല​ഭ്യ​മാ​ക്കാ​ൻ ബ​ജ​റ്റി​ൽ നി​ർ​ദേ​ശ​മു​ണ്ടാ​കു​മെ​ന്നും മ​ന്ത്രി​മാ​ർ പ​റ​ഞ്ഞു. ല​ഭ്യ​മാ​യ സ്രോ​ത​സ്സു​ക​ളും അ​വ​സ​ര​ങ്ങ​ളും ഉ​പ​യോ​ഗി​ച്ച്​ സ​ർ​ക്കാ​ർ മേ​ഖ​ല​യി​ൽ സ്വ​ദേ​ശി​ക​ൾ​ക്ക്​ ജോ​ലി ല​ഭ്യ​മാ​ക്കാ​ൻ ശ്ര​മി​ക്കും. ഇ​തോ​ടൊ​പ്പം, സ്വ​കാ​ര്യ മേ​ഖ​ല​യി​ലെ സ്വ​ദേ​ശി​വ​ത്​​ക​ര​ണ​ത്തി​നും പ്രാ​ധാ​ന്യം ന​ൽ​കും. എ​ണ്ണ-​വാ​ത​ക ഉ​ൽ​പാ​ദ​ന​ത്തി​നൊ​പ്പം വൈ​ദ്യു​തോ​ൽ​പാ​ദ​ന മേ​ഖ​ല​യി​ലും സ​ർ​ക്കാ​ർ ന​ൽ​കി​വ​രു​ന്ന സ​ബ്​​സി​ഡി​യി​ൽ ന​വീ​ക​ര​ണം വ​രു​ത്തേ​ണ്ട​തു​ണ്ടെ​ന്നും മ​ന്ത്രി​മാ​ർ പ​റ​ഞ്ഞു. മ​ജ്​​ലി​സു​ശൂ​റ ചെ​യ​ർ​മാ​ൻ ഖാ​ലി​ദ്​ ബി​ൻ ഹി​ലാ​ൽ മ​അ്​​വാ​ലി​യു​ടെ അ​ധ്യ​ക്ഷ​ത​യി​ലാ​ണ്​ സ​മ്മേ​ള​നം ന​ട​ന്ന​ത്.